الزوادة اليومية

[ إختلاف الآخر ]   بيخبرو عن نملة زغيرة جايي جديد على ضيعة الحيوانات ، عزمها الثعلب مختار الضيعة عا حفلة حتّى تتعرّف عالكل. هيّي ورايحة بتطلع قدّامها بزّاقة، بتقلّها : فيكي تمشي أسرع ، إذا بقيتي هيك منوصل بكرا. بيجاوبها الثعلب : البزّاقة هيك ربنا خلقها ما بتقدر تعمل أكتر، إذا بدّك قَطعي عنها. شوي شافت الفيل وقالت : ليش ناصح هلقد؟ بدّو ريجيم، هلّق بيهربو الحيوانات بيفكرو جايي ياكلن! جاوب الثعلب بكل صبر : إذا بتشوفي فيل ضعيف بيكون مريض! ربنا خلقو حجمو كبير! إنتِ بتقبلي حدا يقول ليك النملة مش مبينة قد ما زغيرة؟ وإنتِ عارفة كتير منيح إنّو شو ما عملتي ما رح تصيري أكبر من هيك! الزوّادة بتقلّي وبتقلّكن : هالخبريّة رمزيّة بتضوّي عا إشيا بتصير كل يوم معنا،مع ولادنا، أو مع ناس غير. لازم نحترم إختلاف الآخر و ما نجرح مشاعر حدا بتعليقات مش بمحلها! ما تكونو متنَمرين ولا توقفو ساكتين قدّام هيك موقف... تذكّرو إنّو يسوع قال : من قال لأخيه يا أحمق يستوجب نار جهنّم. والله معكن.... {نرجو ممن يرغب بإضافة تعليق، صياغته بلغة لائقة بعيدة عن القدح

[ عصفورين مبسوطين ]   بيخبرو عن صبي قاعد هوّي وإمّو  عم يتفرّج عا عصفورين عم يغردو. قالتلو إمّو : شو قولك عم يحكو؟ جاوب بكل براءة : أكيد عم يصلّو! قالتلو إمّو كيف عرفت؟ قلها : مبينين مبسوطين كتير أكيد عم يحكو عن يسوع!  الزوّادة بتقلّي وبتقلّك : إنت عم تحكي عن يسوع؟ عم تحكي مع يسوع؟ عم تحسّ بفرح الصلا وبحضورو بحياتك؟ عم تشوفو بالناس اللي عم تلتقي فيهن؟عيد حساباتك بهالصوم المبارك ... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ صلاة الأم ]   أحد الأشخاص لما سألوه شو برأيك أكتر شي حاميك بحياتك؟ جاوب : صلوات امّي! كمّل وقال أنا متأكّد إنّو صلوات إمّي ساعدوني ودعموني بأوقات كان فيا تكون أصعب بكتير بدونن... منسمع كتير بيقولو : امّو مصليِتلو... ما حدا بيحبّك قد إمّك إن كانت بالسما أو عالأرض صلواتها رح تضلّ مرافقتك! يسوع ما رفض ولا طلب لإمّو حتّى إنّو عمل أوّل عجيبة لأنها طلبت منّو هالشي بعرس قانا... صلوات الأمّ مسموعة كتير عند الرّب... الزوّادة اليوم : صلا لكل الأمّهات اللي بيناتنا واللي سبقونا عالسما حتّى نجرّب نردّلن لو شوي من اللي بيصلّولنا ياه... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ لكل منّا قدراتو ]   في دراسة جديدة بتقول انّو ٦٧٪ من البشر ما بيعرفو هنّي بشو شاطرين! يعني بغير كلمات مش مقدرين قيمتن ومش عارفين إنّو عندن قدرات إذا إنتبهولها بيقدرو يكونو بمحل أحسن بكتير. الزوّادة بتقلّي وبتقلّك : إنّو في خيط رفيع بين إنّك تقيّم حالك و تعرف نقط قوتك وإنّك تكون مغرور...إنتبه! ما تستخف بحالك وتعيش عالهامش، ما تتخلّى عن حقوقك، إشتغل عالنعم اللي عطاك ياهن ربنا، إستثمر وزناتك و كتّرن، ما تخبّيهن و تردّن متل ما هنّي! ما تكونو ناس عاديين مارقين مرقة طريق من هون، كل واحد منّا قادر يتميّز و يعمل فرق مطرح ما هوّي موجود... تركو بصمتكن وين ما رحتو و مع مين ما كنتو...بعدكن مش كتير عارفين كيف؟ أطلبو موهبة الحكمة من الروح القدس... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الله ما بيترك حدا ]   بيخبرو عن زلمي و مرتو كبار بالعمر و مرضت المرا كتير. صارو الناس يقولو لو عندن ولاد كانو خدموهن بآخرتن... بس هالناس ما بيعرفو يمكن قدّيش في ناس عندا ولاد وعم تموت بالمآوي و عم تنترك لحالها وما عم يهتمّو فيها أبداً! الزوّادة بتقلّي وبتقلّك : انّو حكمة الله بحياتنا هيّي الأساس. إذا تجوّزت أو لأ، عندك ولاد أو لأ، فقير، غني، ببلدك، مغترب، بتشتغل، عاطل عن العمل، مريض، بصحّة منيحة... ربنا بيعرف أكتر منّا وبيحط بطريقنا ناس يساعدونا و يسندونا...اللي عندو نعمة بحياتو يشكر ربنا عليها قد ما كانت زغيرة وبسيطة والباقي يصلّي ويطلب من قلبو ة وتذكّرو إنّو الله ما بيترك حدا... الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الرفقة الحلوة ]   بيخبرو عن طَيرين ببغاء أخوة قرّرو يطيرو يشوفو الحياة. واحد عاش مع عيلة زغيرة وتعلّم كلمات حلوة و مهذّبة والتاني عاش مع عصابة وتعلّم منّن كلمات بشعة وألفاظ سيئة! الأول تبنّتو جمعيّة وصار محبوب كتير والتاني مرّة إستفزّ زلمي بالحكي قام قوّصو! الزوّادة بتقلّي وبتقلّك : الرفقة الحلوة والصالحة بتحولك لشخص منيح، الروح الحلوة بتعدي ورفاق السوء بِوَصلوك عالشر و الهلاك و بيحَولوك لشخص مش محبوب ومش منيح! إعرفو تختارو رفقاتكن وأصحابكن لأنّن رفاق الدرب بهالحياة، نقّو منيح مع مين قادرين تمشو  إيد بإيد  هالطريق  اللي كلها طلعات ونزلات ووقعات ومطبّات... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ ما حدا مطرح حدا ]  بيخبرو عن فارة زغيرة بتخاف من صوت الرعد. كل ما ترعد الدني تركض من بيتها تتخبّى ورفقاتها يضحكو عليها و يقولولها إنها عم تزيدها وما بدها هلقدّ.  بليلة عواصف كانو كلّن سهرانين عندها ورعدت الدني كلّن نقزو قد ما الصوت قوي! إعتذرو منها رفقاتها وقالولها إنّو ببيتها في صدى الصوت بيكون بعد أقوى من ما هوّي وإنّو معها حق تخاف! الزوّادة بتقلّي وبتقلّك : ما تحكم عا غيرك إذا منّك عايش ظروفو! ما حدا مطرح حدا و لكل شخص تجربتو... تفهّمو  وحبّوهن متل ما هنّي بضعفن قبل قوّتهن متل ما حَبنا يسوع بضعفنا البشري. والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ علم بلادي ]   بيخبرو عن عيلة لبنانيّة هاجرت بسبب الظروف الصعبة كتير اللي عم يعيشها لبنان. راحو عا كندا و هونيك إستقرّو والأهل إشتغلو والولاد عم يتعلّمو. بيوم من الإيّام، إجت البنت الزغيرة عالبيت فرحانة عم تفَرجي إمها الرسمة اللي رسمتها. كان المطلوب يرسمو الولاد علم بلدُن و إجت البنت راسمة علم كندا! زِعلت الإم وما قدرت تقنع بنتها إنّو لبنان هوّي بلدها لأنّو ما في شي بيربطها بهالبلد اللي ما قدّم شي لولادو بوقت ببلد غريب لِقيو الأمان والسلام وأبسط حقوق الحياة! هيدا مثل واحد وكتار ناطرين فرصة حتّى يفلّو لأنّن مش قادرين يتحمّلو بقا! الزوّادة اليوم : صلاة لضمائر المسؤولين حتّى ربنا ينوّرلن عقولن وقلوبن ويحطّو مصلحة الوطن وولادو فوق كل إعتبار!.. يا رب تحمي كل لبناني وين ما كان حول العالم و يرجع لبنان الرسالة! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أع

[ فلا تعرف شمالك ما تفعل يمينك ]   قرِينا عا مواقع التواصل من أسبوع خبر بيقول إنّو في مغترب لبناني إجا عا ضيعتو و برم عالصيدليّة والدكانين واللحّام وسكّر ديون كل ولاد الضيعة ورجع سافر بدون ما حدا من الأهالي يعرف شو صار! الخبر ما إنتشر لأنّو الزلمي ما خبّر حتّى يستعرض، هوّي بعد ما فلّ أصحاب المحلّات صارو يخبرو وإنتشرت القصّة! الزوّادة اليوم بتقلنا : إذا ربنا قدّرك عا فعل الخير ما تقصّر و ما تخبّر! منتذكّر الآية اللي بتقول : "وأما أنت فمتى صنعت صدقة فلا تعرف شمالك ما تفعل يمينك. لكي تكون صدقتك في الخفاء. فأبوك الذي يرى في الخفاء هو يجازيك علانية"... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الكلمة ]   من أقوال أحد الآباء القدّيسين : "كمثل بيت لا باب له الإنسان الذي لا يحفظ لسانه!" كلمة بتعمّر بيت و كلمة بتهدمو... كلمة بترفع معنويّات شخص وكلمة بتحطمو... كلمة بتحلّ مشكلة وكلمة بتولّع حرب... كلمة بتدفّي قلب وكلمة بتكسرو... كلمة بمحلها بتغيّر مجرى حياة وكلمة مش بوقتها بتخرب كل شي... كلمة بتشفي نفس وكلمة بتجرح و بيبقى الجرح معلّم مطرحو... الزوّادة بتقلّي وبتقلّك : إنتبهو لكلماتكن، بس يطلعوا ما فيكن تسترجعوهن...وتذكّروا إنّو ألف إعتذار ما بِينَسّو الإساءة مش عن حقد بس عن حذر بالثقة... الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الكذب ]   بيخبرو عن بنت عمرها ١٤ سنة وخَيها زغير عمرو ٣ سنين بتضلّ تخبرو إشيا مش مزبوطة و تألّف إشيا حتّى تضحك وتتسلّى. هيّي عندها قِجّة مليانة ٢٥٠ و ٥٠٠. مرّة كانت عم تعدّن ومبسوطة إجا الخَي الزغير قلها من وين بيجو هودي؟ متل عادتها قرّرت تألّف كذبة حتّى تضحك قالتلو هَودي كانو ٢٥٠ و ٥٠٠ وحدة زرعتن وصرت أسقيهن وبس كبرو قطفتن حطّيتن بالقجّة. تاني يوم إجت عم تفتح القجّة لِقْيِتها فاضية! صارت تسأل أهلها وينُن مين أخدن. جاوب الخَي الزغير : ما حدا أخدن ما تخافي أنا زرعتلّك ياهن كلّن حتّى يصير عندك كتير! عصّبت البنت و سألتو وين زرعن. قلها وين ما كان بكل الجنينة! وبسبب كذبها إضطرّت تفتّش كل الجنينة زاوية زاوية حتّى تلاقي المصاري وما لقيتن كلّن! الزوّادة بتقلّي وبتقلّك : إنّو ولا مرّة الكذب خدم صاحبو! الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أع

[ القطار الغلط ]   في حكمة حلوة هيّي متل نصيحة لكل واحد منّا بتقول : "لما تلاقي حالك طلعت بالقطار الغلط، جرّب تنزل منّو بأوّل محطّة لأنّو كل ما بعّدت المسافة كل ما غلّيت كلفة الرجعة!" الزوّادة بتقلّي وبتقلّك : فيها هالحكمة تنعكس بحياة كل واحد مِنّا يمكن قرار غلط لازم تتراجع عنّو مثلاً وأمثلة كتيرة غير. الخاطي أكيد بالقطار الغلط وكل ما سرّع بالتوبة كل ما ربح خلاص نفسو وكل ما تأخّر وأجّل يمكن ما يلحق ساعتها بتكون الكلفة غالية كتير... الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ عصر السرعة ]   "لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَقْتٌ" (سفر الجامعة ١:٣) الانسان بطبعو بدّو كل شي بسرعة. إذا قاعد بمطعم وطوَّل الأكل بيعمل مشكل، إذا واحد واقف قدّامو عا إشارة طوَّل تا يمشي بيعصّب، إذا ناطر الأسونسير بيعصّب...و الأمثلة ما بتخلص! الزوّادة بتقلّي وبتقلّك : نحنا خلقنا فكرة الوقت وبكّير ومأخّر حتّى ننظِّم حياتنا بس كمان ما لازم ننسى إنّو اللي خلق السما والأرض أدرى بمصلحتنا والأكيد إنّو توقيتو غير توقيتنا! صلّوا و قولوا لتكن مشيئتك يا رب وعلّمنا نعرف ننطر بصبر... الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ صبي أو بنت؟ ]   بيخبرو عن صبيّة بتحب كتير الطبخ. لِقيت دفتر وصفات زغير كاتبتو ستها فرحت كتير وصارت تقرا فيه و تستفيد من خبرة ستها بالطبخ. بيوم من الإيّام هيّي وعم تقلب بهالدفتر لِقيت مكتوب عا صفحة إسم بيها وحدّو : تجوز الياس بـ ٢٠ أيلول ٢٠٠٠، بـ ١٠ تشرين التاني ٢٠٠٢ خلق شادي، بـ ٢٧ أيّار ٢٠٠٤ خلّف بنت! ما صدّقت هالصبيّة عيونها! "البنت" اللي بلا إسم بتكون هيّي! هلق هيّي بتعرف إنّو متل كتير كبار بالعمر ستها بتحب الصبيان أكتر وكانو يمزحو بهالموضوع بس ما كانت متخايلة هالقدّ يكون التمييز كبير! هالقصّة بس هدفها تذكّر بأهميّة شكر الرب عا نعمة الأطفال إن كانو بنات أو صبيان في عِيَل بتحلم يكون عندها طفل يملي حياتن! الزوّادة بتقلّي وبتقلّك : صار الوقت يشلحو الناس ثوب التمييز بهالموضوع اللي مع الأسف صرنا بالـ ٢٠٢٠ وبعدنا منسمع فيه و منشوفو! الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خد

[ علّي راسك صوب السما ]   بيقول القدّيس أغناطيوس من ليولا : “كم تبدو لي الأرض تافهة عندما أتأمّل في السماء" نحنا عيوننا تعوّدو كتير يتطلّعو عالأرض ما عم نعلّي راسنا صوب السما!! يمكن صار الوقت تنقلب المقاييس و نرجع للأصل... عَلّو عيونكن وقلوبكن صوب السما هونيك كل شي غير... الزوّادة بتقلّي وبتقلّك : تذكّرو هالآية : "لاَ تَكْنِزُوا لَكُمْ كُنُوزًا عَلَى الأَرْضِ حَيْثُ يُفْسِدُ السُّوسُ وَالصَّدَأُ، وَحَيْثُ يَنْقُبُ السَّارِقُونَ وَيَسْرِقُونَ. بَلِ اكْنِزُوا لَكُمْ كُنُوزًا فِي السَّمَاءِ، حَيْثُ لاَ يُفْسِدُ سُوسٌ وَلاَ صَدَأٌ، وَحَيْثُ لاَ يَنْقُبُ سَارِقُونَ وَلاَ يَسْرِقُونَ، لأَنَّهُ حَيْثُ يَكُونُ كَنْزُكَ هُنَاكَ يَكُونُ قَلْبُكَ أَيْضًا" ... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ تمسّك بيسوع... ]   الزوّادة اليوم بتحكي عن عيلة صغيرة فقيرة مؤمنة وأفرادها متمَسْكين بيسوع. عايشين بمدينة كبيرة أكتريّة سكّانها من الأغنياء. هلعيلة بتشتغل بالتنضيف وبيشيلو أوساخ هالمدينة وما حدا بيطّلع فيُن غير ربنا. بيوم بيفيقوا هل ناس عا حرب وبيخسروا كل أملاكن وما حدا بيقدر يخلص من أمراض يلي خلّفتا روايح السلاح والحرايق إلّا هل عيلة لأنّو بهالحرب الطمع أكل ضمائر الناس وكل واحد عم يجرّب يستولي عا ثروة التاني ويجمع مكاسب بس هالعيلة ما عندا شي كلّن نسيوها! وهيك عبدة المال صفّوا بعضن وبقيو المؤمنين بيسوع! الزوّادة اليوم بتقلّي وبتقلّك : تمسّك بيسوع...  لأنّو هوّي الوحيد الثابت وسط تغيرات الحياة وتقلّبات البشر.. وهو الوحيد اللي رح يبقى إلك في النهاية. والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الحبّ ]   الله معكم بخَبْرو عن شبْ وبنت كانو يحبو بعضن حب كتير كبير.  بس مع الأسف كان الشبْ أعمى ، وكان يشوف كل الدنيْ من خلال عيون هالبنت.. بيوم من الإيام ، بيتلقَى الشبْ إتصال عبر الهاتف بقول فيه المُتصّل : في حدا بدّو يقدّملك عيونو حتى تصير تشوفْ ، وهيك صار.. بس بعد فترة لما صار يشوف ، إكتشف إنّو البنت اللي بحبها ، ما بتشوف .. ووقع بصراع… بيتركها أو ، بضل معها بعد تفكير طويل ، راح لعندا وقلها.. انا مُبضر.. أنتي غير مبصرة.. مش قادر كمّل معك الدربْ، لازم نفترق.. بس قبل ما إ إتركك : شو آخر طلب بتحبي تطلبي منّي.. ؟؟ قالتلو بلا تردّد : بترجاك ، إنتبهلي على عيوني…. الزوادة ، بتذكرني وبتذكرك.. بعطاءات الرب لإلنا.. وكم وكم من المرات، نحنا عن نكون عميان، ومش عم نقدّر هالعطاءات ونتنكّر الها.. حذار إنّو نكون أصحاب عيون وغير مُبصرين… والله معكم.. (المصدر : صوت المحبة) {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعب

[ الأيادي البيضا ]   بيخبرو عن لحّام فات لعندو زلمي سألو قدّيش كيلو اللحمة؟ قلّو ١٨٠٠٠ هوّي وعندو فاتت مرا عالمحل سألتو نفس السؤال جاوبها ٥٠٠٠! عصّب الزلمي و صار بدّو يصرّخ إنّو البياع عم يسرقو. اللحّام عملّو إشارة إنّو يروق شوي. أخدت المرا اللحمة هيّي وعم تشكر الله إنها رح تقدر تطعمي ولادها. بس فلّت قلّو اللحّام للزلمي هالست فقيرة كتير بتشتغل كل الجمعة لتقبض ٢٠٠٠٠ وما بتقبل حدا يساعدها أبداً، ما لقيت إلّا هالطريقة ساعدها فيها إنّي قلها أسعار أرخص ورزقي ورزقها عا الله! إعتذر الرجّال من البيّاع وقلّو الله يكتّر من أمثالك بهالإيّام الصعبة.. الزوّادة اليوم صلا : لكل إيد بيضا ساعدت بأي طريقة و حسّت بصدق مع "أخوة يسوع، هؤلاء الصغار !" اللي بس حدا يعملّن شي كأنّو عملو ليسوع... الله يبارك خطواتكن و يكون مع الكل... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي

[ عند ربنا ما في مستحيل ]   بتقول القدّيسة تريزيا الطفل يسوع : "إن السماء فوق الغيوم وهي أبداً زرقاء, لا تيأسوا!" مع كل اللي عم نعيشو اليوم من أوضاع إقتصاديّة معدومة، من خوف من إنتشار الأمراض، من بطالة، من فقر، من حرمان من أبسط حقوق الإنسان و قد ما حاسّين إننا بعاد عن إنّو الوضع يتحسّن ومش شايفين ولا أمل حتّى زغير. القدّيسة تريزا اليوم عم تذكّرنا : إنّو عند ربنا ما في مستحيل وإنّو هوّي أقوى من كل شي و إنّو لو نحنا مش شايفين السما هلّق قد ما في غيوم بس هالشي ما بيعني إنها بطّلت موجودة! اوّل عا آخر رح ترجع تبيّن... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ أكرم أباكَ وأمّكَ ]   بيقولو إنّو أكتر نوع من الناس ما بينوثق فيه هوّي اللي بيحكي كتير منيح مع الناس و بالعاطل مع اهلو! بالمختصر المفيد اللي ما بيحترم أهلو ما في خير لحدا! في ناس مش عارفين قيمة نعمة إنّو يكون عندن أهل... الزوّادة اليوم بتقلكن : كل مرّة بدكن تحكو مع أهلكن، قبل ما تقولو أي كلمة تذكّرو وصيّة ربنا... أكرم أباك وأمّك... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ المحبّة الحَقيقيّة ]   بيقول أحد الآباء القدّيسين : "إذا عرف قلبك المحبّة الحقيقيّة فلن تستطيع أن تؤذي أحداً أو تشهِّر بأحد." المحبّة مش بالحكي و الأشعار، المحبّة بالأفعال مش بالأقوال! بس تحب عنجد ما بتقدر تؤذي، بس تحب عنجد ما فيك تحكي عن حدا بالعاطل! الزوّادة بتقلّي وبتقلّك : قدّيش نحنا اليوم منحبّ عنجد؟ قدّيش صادقين بمحبّتنا؟ قدّيش عم نترجم هالمحبّة بتصرّفاتنا مع خَينا الإنسان بغَض النظر إذا هوّي عم يبادلنا هالشي أو لأ ؟ مش متل ما بيعاملوك تعاملن، حِبُّن لو ما حبّوك، هيك وصّانا ربنا... الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ ما تخافوا ع لبنان ]   آخر إحصاء لعدد سكّان العالم هوّي ٧ مليار و ٧٠٠ مليون نسمة موزّعين عا ١٩٥ دولة. بتعرفو من بيناتن كم مخدّة بتشوف دموع كل يوم، كم حدا بينام جوعان، كم شخص منهان ومظلوم و مقهور... هموم من كل الأنواع و الأشكال والأنواع و الأحجام... ناس همومن عا قدّن و ناس همومن أكبر منّن... كلّن ربنا شايفن وسامعن وحاضر معن، إيه كلّن يعني كلّن! نحنا لبنان نقطة عالخريطة وسكّانو تقريبا ٤ مليون مع إننا منشكّل 0.05% من سكّان العالم بس ربنا إختار من بيناتنا قدّيسين، ربنا مش تاركنا، بس صارت الحرايق مثلاً بس الناس صلّت و قدّست من كل قلبها ربنا إستجاب وشتّت الدني عكس كل توقعات الأرصاد الجويّة! ربنا شايف كل اللي صار واللي عم بيصير لحظة بلحظة... الزوّادة بتقلّي وبتقلّكن : ما تخافو... هوّي بيتدخّل بالوقت و الطريقة المناسبين... بس آمنوا و صلّوا لخلاص لبنان وللسلام!... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشك

[ الصورة الغلط ]   بلبنان إذا بيلتقو ناس ما بيعرفو بعضن تا يفتحو حديث بيسألوك من وين حضرتك. بس تجاوب بيقولولك ما دامك من هونيك بتعرف فلان؟ أوقات كتير ما بتكون أصحاب معو للشخص اللي سألو عنّو بتعمل حالك ما بتعرفو و بدون ما تحسّ بتنقز من اللي سألوك وبتفضّل تبعد عنّن مع إنّو بسؤالن ما كان قصدن يزعجوك هنّي بس عم يجربو يلاقو شي مشترك بينك و بينن حتّى يتقرّبو منّك!  الزوّادة اليوم بتقلّي وبتقلّك : إنّو أوقات كتير بحياتنا منكوِّن صورة غلط عن ناس ما منعرفن لأنّو شفناهن من خلال نظرِتنا لغيرن! ولا مرّة تحكمو عا حدا من بعيد. الناس متل الطبقات كل ما تتقرّب منّن بتشوف لجُّوا أكتر... بس توصل لطبقة القلب بيصير يحقّلك تكوِّن رأي... شوفو القلوب و بس! الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ رضى الله ]  إجا قزم عند عملاق عم يشكيلو همّو عم يقلّو كيف الناس بيتمسخرو عليه لأنّو قصير كتير. قلّو العملاق شو مفكّر أنا مرتاح؟ أنا كمان بيتمسخرو عليّي لأنني كبير كتير! الزوّادة بتقلّي وبتقلّك : شو ما عملت و كيف ما كنت ما بحياتك رح ترضي الناس... أصلاً ما لازم يكون هيدا هدفك بالحياة! ما يهمّك رأي الناس فيك المهم هوّي راحة ضميرك بس تحط راسك عا مخدتك بالليل، المهم انّو يكون بَينا السماوي راضي عا تصرّفاتك و راضي عا نفسيتك وراضي عا نضافة قلبك ونواياك... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الدبس والعدس ]  بيخبرو عن زلمي قلها لمرتو انّو عبالو ياكل دبس. قامت حطّتلو كاسة دبس وبكعبها حطّت عدس!  بلّش هالرجّال ياكل شوي وصل عالعدس صرخ شو هيدا!! قالتلو مرتو شو كل إيامك دبس في إيام رح تكون عدس! الزوّادة اليوم بتقلّي وبتقلّك : انّو في ايّام حلوة و في إيام صعبة... نحنا لازم بالإيّام الحلوة نشكر الله و بالإيام الصعبة نصلّي للربّ، حضورو بكل يوم من حياتنا أساسي وهوّي بيأمّن إستمراريّتنا بأمل و فرح! والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الصيف والشتي ]   بيخبرو انّو مرّة تخانقو الصيف والشتي. كل واحد صار يضوّي عا سيئات التاني و يحكي عن حسناتو إلو. الشتي يقلّو إنت بتشوّب الناس وما فيهن يمشو بلا مكيّف والليل عندك قصير ما بتخلّي الناس تنام. ردّ الصيف و قلّو إنت بَردك بيعمل أمراض والناس بتنحبس ببيتها ما فيها تروح تتسلّى عالبحر ومن وراك بيصير في كتير حوادث سير! الزوّادة بتقلّي وبتقلّك : قدّيش الناس اليوم بيشبهو هالشتي والصيف، كل واحد عم يدلّ عا عيوب غيرو بدل ما يشوفو و يفهمو انّن بيكملو بعضن! صار الوقت نفهم إنّو قد ما كان الشخص اللي قدّامنا مختلِف عنّا مش سبب إنّو نختلف معو! "أحبّوا بعضكم بعضا كما أنا أحببتكم!" والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ نكران الجميل ]   بيخبرو عن ذئب علقان دنبو تحت حجر مش قادر يخلّص حالو. مارق شبّ من هونيك شاف الذئب عم يبكي، قرّب لحدّو وزاح الحجر التقيل و تحرّر الذئب اللي نطّ عالشب بدّو ياكلو! قلّو الشب ولو بعدني مساعدك! مارق من هونيك حمار خبّروه القصّة وسألوه رأيو، قلّو للذئب كِلو ما تخلّي مِنّو شي لأنّو الناس بيضلّو يحَملو عليّي إشيا تقيلة ويضربوني. بعد شوي إجا ثعلب خبّروه شو صار، قلّن ما بصدق غير تا شوف مَثلُولي كيف صارت القصّة تا أقدر أحكم، قِبلو ورجعو حطّو حجر عا دنب الذئب و صار يبكي. قلّو الثعلب للشب فل و إتركو لهالناكر الجميل حتّى يتعلّم يشكر و يحفظ المعروف! شَكرو الشب للثعلب عا مساعدتو والذئب تعلّم درس. الزوّادة بتقلّي وبتقلّك : كتار من الناس اليوم بحاجة يتعلّموه! والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ بيقولو البطن بستان... ]   أخوة من نفس الأمّ ونفس البَي وعايشين سنين بنفس البيت وكل واحد شخصيتو شي وكل واحد بيحبّ شي وكل واحد بيفكّر شي وكل واحد رأيو شي... كيف إذا عم نحكي عن بلد! الزوّادة بتقلّي وبتقلّكن : بالنهاية كلنا أخوة بلبنانيّتنا، كلنا أخوة مع إننا منصلّي بطرق مختلفة بس منآمن بربّ واحد، كلنا أخوة و عَيلتنا لبنان! اكيد إننا مش نِسخ و الغنى تبعنا بتنوّعنا، ما تخلّو إختلافنا شو ما كان يصير خلاف بيناتنا! بالنهاية كلنا بدنا نعيش سوا وما حدا هدفو يلغي التاني لأنّو بيفقد لبنان ميزتو و بيبطّل لبنان! طبيعي يكون كل واحد عندو أولويّات، بس دايماً تذكّر إنّو إذا جاع خيّك إنت كمان رح تجوع، إذا مرض خيّك إنت كمان رح تمرض، إذا خيّك إنوَجَع بتساعدو يصير أحسن مش بتضربو عا جرحو!! حِبّو بعضكن و إزرعو بقلوب ولادكن المحبّة ما في غيرها بيخلّصنا... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب"

[ القناعة ]   بيخبرو عن زلمي مين ما شاف بيقلّو أنا فقير وما معي مصاري وشو بدّي أعمل. بلِغِّتنا اليوميّة منقول بيضَل "ينقّ". مرّة كان عم يحكي مع رجّال ختيار وعم يحكيه بنفس الموضوع. قلّو الختيار : بتقبل يكون معك مليون دولار وتكون مشلول؟ قلّو لأ، قلّو طيّب بتقبل يكون معك مليون دولار ويكون معك سرطان؟ قلّو أكيد لأ، قلّو معقول تقبل يكون معك مليون دولار وتكون أعمى وأخرس؟ جاوب : مش معقول أبداً... قلّو الختيار أشكر الله عالنعم اللي عندك ياهن والمصاري ما بتقدر تشتريهن بدل ما تشكي عالفاضي. الزوّادة بتقلّي وبتقلّك : بدل ما تطلب الكتير إقتنع بالقليل و تعلّم تشكر الله عا كل شي وتصلّي وتقول بكل قناعة: أعطنا خبزنا كفاف يومنا... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}