الزوادة اليومية

ما ممكن يقطع من دون شتي...  مبارح بجريدة النهار كان في مقال حلو كتير عنوانو : "ما ممكن يقطع من دون شتي"...  عيد جميع القدّيسين في التقاليد اللبنانيّة بيخبّر عن جدودنا بالضِيَع كيف كانو ينطرو هالعيد و يكونو عارفين إنّو بهاليوم و بعدو رح يجي الشتي و رح تشرب مزروعاتن. كان مصدر أمان لإلن!  ينعاد عالكل و انشالله بتشتّي عا بيوتكن و عيالكن نِعَم و بركات بشفاعة جميع القدّيسين اللي منعرفن و اللي ما منعرفن! والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  حِبّوا بعضكن  الإساءة لأي ديانة سماويّة مرفوضة شو ما كان شكلها. تا نبلّش من هون... الديانات السماويّة بتآمن إنّو الرب هوّي مصدر الحياة و هوّي اللي نفخ الروح بالإنسان و منطقيّا وحدو اللي عطى الحياة بيرجع ياخدها!  القتل لأي سبب مرفوض كيف إذا كان بإسم الدين! ربنا أكيد مش راضي عاللي عم بيصير عم يشوف ولادو عم يتخانقو مين بيدافع عنّو أحسن و بيسبّ للتاني أكتر و بيِنْبِشلو تصريح من هون و حادثة من هونيك تا يخَوْنُو، ربنا مش عايز حدا يدافع عنّو... حِبّو بعضكن و ما بدّو شي، وَقفو تقتلو بإسمو و ما بدّو شي، ما تهينو بعضكن و ما بدّو شي!...  الحوار صحّي بالنهاية ما حدا نسخة عن حدا و كل واحد عندو مميّزاتو بس وقت يصير الإختلاف سبب للخلاف بيكون فيه مشكلة... الحل الوحيد هوّي الرجوع للربّ و جوهر الدين و الصلا... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  إنتو من أي نوع؟ في ناس بس يعيشو تجربة مش حلوة، بيخزقو وراق، بيِمحو صوَر تا ينسو اللي صار... و ناس تانية بالعكس بيخلّو الصوَر و كل شي إلو علاقة بهالتجربة حتّى يضلّو كل ما يتطلّعو فيهن يتذكّرو غلطن حتّى ما يعيدوه... إنتو من أي نوع؟ شو ما كان جوابكن، المهم نطلع من التجربة أقوى و نتعلّم منها الصبر و تذكّرو عا طول : "طُوبَى لِلرَّجُلِ الَّذِي يَحْتَمِلُ التَّجْرِبَةَ، لأَنَّهُ إِذَا تَزَكَّى يَنَالُ إِكْلِيلَ الْحَيَاةِ الَّذِي وَعَدَ بِهِ الرَّبُّ لِلَّذِينَ يُحِبُّونَهُ" (رسالة يعقوب ١: ١٢) المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  الله محبّة بس! كان في عيلة مجتمعة عالغدا عم يقول البَي كل سنة متل هالإيّام كانت تكون صارت مشتّية الدني مع عواصف، هالسنة بعد و لا نقطة مَي ربنا غضبان علينا! قلّو إبنو الزغير :  أنا بقول غير أكيد ربنا عاطي وقت تا كانو صلّحو الناس بيوتن من الإنفجار! ما عم نقدر نفهم إنّو حكمة الله كتير أوقات ما بيفهما العقل البشري، و إنّو تَوقيتو غير عَنّا بس الأكيد إنّو و لا شي من أثر الشر ربنا بيكون إلو علاقة فيه!  و لا شي مؤذي بيكون مصدرو ربنا! افهمو إنّو الله محبّة و ما بقا تلَبسوه وجوه ما بتشبهو. الناس معوّدين كل شي ما بيلاقولو تفسير بيقولو هيدا ربنا وراه!  الله محبّة بس! والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

خلّيك أونلاين بيخبرو عن معلمة عتلانة همّ تحضير دروس أونلاين بعد ما بعتتلها الإدارة لوايح التلاميذ و كانو كتير كتار سكّرت اللابتوب و ما بقا تحمّلت حتّى تشوفن! هيّي و عم تحضر تلفزيون بيطلع ريبورتاج عن ضحايا إنفجار مرفأ بيروت، صارت تفكّر ناس خسرو اللي بيحبّوهن، ناس صارت بلا بيوت، ناس راح تعب حياتها... صارت تفكّر إنّو معقول يا ربّ في كل هالمصايب و أنا عتلانة همّ تحضير دروس! كأنّو للحظة الله لهمها تفتح هاللوايح تقريهن. بس شافت أوّل سطر و التاني إكتشفت إنّن عاطيينا بالغلط لوايح مش إلها زيادة و إنّو ما في داعي تعتل همّ ابداً!... الزوّادة بتقلّي وبتقلّك : أوقات كتير بتلمس وجود الله بحياتك بهيك مواقف زغيرة بس بتعنيلك كتير!... ربنا ما بيفرض حالو عا حدا، إذا بدّك ياه بحياتك عيّطلو! هوّي قلنا إسألوا تعطوا، أطلبوا تجدوا، إقرعوا يفتح لكم... والله معك... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّ

رسالتن ما بتوقف! من أهمّ المكوّنات بالمجتمع هنّي وسائل الإعلام و مش من اليوم من زمان. حتّى إنّو الكنيسة أعلنتلن شفعاء! مثلاً الملاك جبرائيل شفيع الإذاعة و القدّيسة كلارا هيّي شفيعة التلفزيون و القدّيس فرنسيس الساليزياني شفيع الصحافة..  وسائل الإعلام بيتعبو و ما بينامو حتّى يوصَلنا الخبر و كل الأحداث نحنا و ببيوتنا!  شو ما صار بالبلد هنّي بيكونو أوّل إستثناء، ما في رياحة لأنّو رسالتن ما بتوقف! منصلّي اليوم عا نيّة كل العاملين بهالقطاع، و منخصّ بالذكر إذاعة نور الشباب اللي مع كل برامجها و رسالتها عم تخصّص وقت تساهم معنا بنشر كلمة الله بتحويل هالنصّ الزغير لفيديوهات بيفوتو عالقلب لأنّن آمنوا إنّو بس يتوحّدو الكلمة و الصورة بيصيرو اقوى!... يا ربّ إحمي كل الإعلاميين بلبنان و العالم... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}  

  بدّو أكتر... مرّة متل مرّات كتيرة ببلدنا كانت الكهربا مقطوعة و إنطفى الإشتراك شي ٥ دقايق بوقت الأخبار. صار الصبي يصرخ شو هيدا و بكرا بفرجيه بس يجي يقبض و ما بيصير هيك... قَلّو بَيّو : متذكّر من قبل كيف كِنّا إيام نبقى ٣ إيام و أكتر بلا كهربا؟ بلا تلفزيون، بلا تلفون و ما كان في إنترنت كمان و بالصيف لا مروحة و لا مكيّف! هلّق ٥ دقايق بلا كهربا ما قدرت تتحمّل بدل ما تقول الحمدلله! الإنسان بطبعو طمّيع، شو ما تقدّملو بدّو أكتر... يسوع المسيح إنصلب كرمالنا و مش مكفّينا! منضلّ ناطرين أكتر و أكتر و هوّي ما بيبخل علينا بنِعَمو و عطاياه... خلّونا نتعلّم نكتفي و نعرف نشكر! الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  أسرع وسيلة لنقل المعلومات! بتخبّر معلمة إنّو كانت عم تفسّر للتلاميذ كيف تتطوّر إنتقال المعلومات عبر التاريخ، كيف من زمان كانو يمشو يومين من منطقة لمنطقة  تا يروحو يخبرو حدا شي، كيف بعدين صار في الحَمَام الزاجل و البريد و الجرايد و التلفزيون و التلفون و كيف هلّق مع كل التطبيقات صار نقل المعلومات أسهل و أسرع.  رَفَع إيدو صبي زغير قلها مدام اللي عامل الكتاب أكيد ما بيعرف جارتنا تانت داليا لأنّو هيّي أسرع وسيلة لنقل المعلومات!  الخبريّة بتكون زغيرة كتير كل ما تنقل من حدا لحدا بتكبر شوي بتتحوّل بالآخر لمشكلة كبيرة و بيصير في زعل! لازم نتعلّم من إمنا مريم و من القدّيسين كلّن كان حكيهن قليل و ما يقولو إلّا الضروري و الكلمة الحلوة! فكرو إنّو بس توصّلني خبريّة إذا أنا ما نقلتها بتوقف هون و بينتهي الموضوع و إذا كلنا عملنا هيك بتكون الدني بألف خير... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل

رشّي ورودك يا زغيرة السما كانت القدّيسة تريزيا الطفل يسوع ناطرة يصير عمرها يسمحلها تعمل أوّل قربانة و حتّى بتقول إنها جرّبت تحكي الأبونا تقنعو يسمحلها تتناول قبل بوقت بس ما قِبِل. شو عملت؟ جابت دفتر صارت تكتب فيه كل أعمال المحبّة و الإماتات اللي عم تعملها و تعدهن و تسأل إختها إذا صارو يكفّو حتّى تستقبل يسوع بقلبها! بتلات أشهر قدرت تجمع ٨٠٠ تضحية و ٣٠٠٠ فعل محبّة! و كل يوم قَبل ما تنام تسأل إختها بولين: اليوم كنت لطيفة و مطيعة؟ كان الله راضي عَنّي؟ و ما كانت تغفى قبل ما تسمع جواب يطمّنها و يقنعها! إذا منتطلّع بحالنا اليوم قدّيش نحنا بعاد عن روحيّة تيريز؟ كم مرّة بالنهار منزعِّل يسوع و منمشي ما كأنّو صار شي و منغفى ما منفكّر حتّى باللي عملناه! كم مرّة بالنهار منتصرّف بأنانيّة؟ كم مرّة بالنهار منعمل إشيا ما بتشبه المحبّة بشي!؟...  رشّي ورودك يا زغيرة السما بقلوبنا و بحياتنا حتّى نتعلّم مِنّك الحب! المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مو

  إنسان درجة أولى عنجد هالدني فيها إشيا بالمقلوب بس الخطير إنّو العقل البشري بيشوفها كتير طبيعيّة!  هالقصّة صارت مع رجّال ختيار صحتو عا قدّو بالبنك وقف نصّ النهار بالصفّ ناطر دورو تا يسحب مبلغ باعتلو ياه إبنو حتّى يشتري دوا و يشوف ناس عم توصل بسيارات فخمة بتضلّ فايتة كأنّو عا بيتها بتاخد اللي بدّا ياه و بتفلّ و هوّي واقف محلّو و الصفّ قدّامو ما عم يتحرّك!  و بالآخر بيقلّو الموظّف بدّك ترجع بكرا خلص الدوام عجقت علينا كتير! كأنّو المرض و الدوا بيُنطرو لبكرا ! بالبنوك و بكتير مؤسّسات خاصّة و عامّة المعاملة المميّزة لأشخاص شي كتير غريب، ليش في إنسان درجة أولى و حدا درجة تانية؟ ليش ناس بتوصَلُن معاملتن عالبيت و ناس بدّا تروح و تجي شهر بلا نتيجة؟ مش مطلوب شي زيادة بس الإحترام و الحقوق الطبيعيّة للناس!... وين ما كنتو إعتبرو كل شخص قدّامكن هوّي يسوع المسيح و شوفو ساعتها إذا معاملتكن إلو بتليق فيه! والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال

  شو سر ٢٢ الشهر؟ كل ٢٢ الشهر بيجمع مار شربل حَولو آلاف المؤمنين بالقدّاس الشهري اللي منتذكّر فيه أعجوبة شفاء السيّدة نهاد الشامي اللي صارت بـ ٢٢ كانون الثاني ١٩٩٣. بتعرفو إنّو بـ ٢٢ تشرين الأوّل ١٩٢٨ إنرَفعت دعوى تطويب مار شربل بروما للبابا بيوس الحادي عشر؟ و بـ ٢٢ نيسان ١٩٥٠ إنفتح قبر مار شربل بقرار رسمي؟ عندكن فكرة إنّو الأب العام موسى عازار بس قدّم عريضة للبطريرك أنطون بطرس طلب منّو يبلّش التحقيق بعجايب صارت بشفاعة مار شربل ابتداءً من ٢٢ نيسان ١٩٥٠؟! شو هالسرّ بين مار شربل و ٢٢ الشهر! شفاعة طبيب السما تسكن وطننا و بيوتنا و عيلنا بـ ٢٢ الشهر و كل يوم... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  متل ما بتزرع بتحصد كتبت القدّيسة تريزيا الطفل يسوع حياتها بأمر الطاعة من رئيستها و تّترجمت للغات كتيرة و وِصلت لكتير بلاد و ناس حول الأرض. من الإشيا اللي كاتبتن تريزيا بتخبّر عن تأثير بَيها بحياتها هوّي اللي كان مسمّيها ملكتي الزغيرة.  بتقول : "كان يصحبنا إلى الكنيسة و هناك كان يكفي أن أنظر إليه يصلّي لكي أتعلّم كيف يصلّي القدّيسون."  الأهالي اليوم، أي مثل عم يكونو لولادن؟ تريزيا تعلّمت القداسة من بَيها، انتو شو عم تعلمو ولادكن؟ إذا بتحكو عالناس قدّامن رح يطلعو بيحكو عالناس، إذا بتكذبو قدّامن رح يطلعو كذّابين، إذا بتسبّو قدّامن رح يسبّو، إذ ا بتصرخو رح يصرخو.. .و بالمقابل إذا بتحبّو رح يحبّو، إذا بتصلّو رح يصلّو! قبل ما تعملو أي تصرّف تذكّرو إنّو شو رح يكونو ولادكن بالمستقبل هالشي إنتو بتقرّروه اليوم... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة

راجع يتعمّر لبنان كنايس و أديرة كتير بتحمل إسمو بلبنان، شفيع ضِيَع كتيرة و بتحتفل الكنيسة بعيدو اليوم ٢٠ تشرين الأول، مار شلّيطا! إسمو بيعني المتسلّط، مش بالمعنى السلبي أكيد، الإمبراطور قسطنطين الكبير هوّي اللي عطاه هاللقب لأنّو كان من أهمّ رجالات الدولة، ما انغرّ بالمناصب و الألقاب و لا انجرّ للفساد، بالعكس كان يساعد و يخدم و يحبّ الفقرا. بعد ما كبر بالعمر كان صار عهد الإمبراطور يوليانوس الجاحد اللي إضطهد المسيحيّين و خصوصاً الرهبان، جرّب مار شلّيطا يدافع عنّن فكان مصيرو الحبس. و لمّا انطلب مِنّو ينكر إيمانو و يعبد الأوثان أكيد ما قبل، تعرّض لأبشع أنواع التعذيب حتّى الإستشهاد... يا ربّ عطينا مسؤولين ببلدنا متل مار شليطا ما ينغرّو بالمراكز و لا بالمال و يكون هَمّن يخدمو شعبك و يدافعو عَنّو و يرجع يتعمّر يرجع لبنان و يرجع متحلّي أكتر ما كان! يا رب إرحم! المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي

  لقيت شغل؟  بيخبرو عن بنت زغيرة سألت خَيها الكبير : لقيت شغل؟ قلها لأ بعد... قالتلو لأنّك ما عم تعرف! أنا بقلّك كيف! بكرا وصّلني إنت عالـ garderie ، في رفيقتي كل يوم إمها بتوصّلها و بترجع تروح عالشغل هيك بتلحقها و بتعرف وين الشغل! هالطفلة جرّبت تساعد بحلّ مشكلة خَيها بقلبها الزغير المحبّ.  نحنا وين من براءة الطفولة؟ نحنا اللي قلنا يسوع المسيح إن لم تعودوا كالأطفال لن تدخلوا ملكوت السماء، نحنا اللي منعرف كيف بس التلاميذ بعدوا الولاد عن يسوع قلّن دعوا الأطفال يأتون الي و لا تمنعوهم لمثل هؤلاء ملكوت السماء... بعدنا منتكبّر و منتصرّف بفوقيّة... هلقد صعب تحبّو بعضكن و تنضفو قلوبكن!!؟... يسوع واضح كتير عيدو حساباتكن و الباقي عليكن!  والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

يوم الشمس!!!  باللغة الألمانية يوم الأحد إسمو سونتاغ و هالكلمة بتعني : يوم الشمس و نفس الشي باللغة الإنكليزية صانداي كمان يوم الشمس... شو قصّة هالشمس!؟ لإلنا الأحد هوّي يوم الرب و ربنا شمس حياتنا بدونو منكون بالعتمة و بدون حياة!  يا رب، يا شمس الحق نوّر حياتنا و دفّينا و عطينا نلتقي فيك بالقربانة اليوم و كل يوم... يا شمس البِرّ ما تغيب عن حياتنا أبداً لو نحنا بعدنا إنت ما تتركنا... منذكر أحد أقوال القدّيسة تريزيا الطفل يسوع : "أعلم أنّه خلف السحب الداكنة هناك تسطع شمسي!"  احد مبارك و الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  اللقاء الأخير بيخبرو عن جدّ ختيار مريض بالمستشفى، كانو يحكوه الممرّضات و الأطبّاء و ولادو بس هوّي ما كان يقدر يعبّر أبداً، ما كانو يعرفوه لا إذا مبسوط و لا إذا زعلان. بيوم من الإيّام حفيدتو اللي عمرها ١٠ سنين راحت تزورو.  قعدت حدّو و صارت تخبرو خبار عن ألعابها و رفقاتها و إنّو مش من زمان وزّعولن الـ carnet و طلعت الأولى و كيف زقّفولها الكل. جدها ما كان بيقدر يحكي بس كانت أوّل مرّة بيتفاعل مع حدا، إبتسملها و شدّلها عإيدها. و كانت آخر مرّة  بتلتقي بجدها و بوقتها ما فهمت شو صار و ليش ما بقا راحت تزورو... اليوم هالزغيرة كبرت و صارت صبيّة و بعدا بتتذكّر هاللقاء بتفاصيلو حتّى إنها بتتذكّر شو كانت لابسة! الفرق إنها اليوم صارت تفهم منيح إنّو اللي منحبّن مش عاطول بيبقو معنا و بيسبقونا عالسما... اليوم منحمل بصلاتنا موتانا، يا رب أغمرن برحمتك و سكّنن بين القدّيسين... عندك أحلى! والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خد

مين مِنّا ما بيغلط؟! بيقول البابا شنودة التالت : "من لا يتسامح مع عيوب الآخرين يكسر جسراً قد يحتاج يوماً ان يعبره فالكل يحتاج إلى التسامح." مين مِنّا ما بيغلط؟! مين مِنّا ما رح يعوز يعتذر و ينطر إنّو يتسامح؟كلنا معرّضين لهالموقف و متل ما منتمنّى نتعامل لازم نعامل. ما فيك تنطر من حدا يسامحك و إنت مش حافظلو كل أغلاطو و بتضوّيلو عليهن بكل فرصة. ما تقولو هيدا ما بحكي معو و هيدا زعلان مِنّو بدّي بَعِّد عنّو.  بدل ما تفرقو إجمعو، بدل ما تْبَعدو المسافات عمرو جسور بينك و بين الناس بحياتكن، ما عم تقدرو؟ صَلّوا إلكن و إلُن! "وَأَمَّا أَنَا فَأَقُولُ لَكُمْ: أَحِبُّوا أَعْدَاءَكُمْ. بَارِكُوا لاَعِنِيكُمْ. أَحْسِنُوا إِلَى مُبْغِضِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ،" (مت ٥: ٤٤) و الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنو

  الهدف واحد بيخبرو إنّو مرّة حيوانات الغابة اتّفقو يروحو كلّن يتغدّو حدّ النهر. راح العصفور طيران، راحت الضفدعة عم تنط، راحت الدودة عم تزحف عا بطنها، راح الأسد ماشي عا إجريه و إيديه، إجت السمكة سباحة... بالآخر وصلو عالنهر و تغدّو كلّن سوا. نحنا كمان كلنا عِنّا هدف واحد و بالنهاية رايحين عا نفس المحلّ بس يخلص مشوارنا عالأرض، يمكن ما نمشي نفس الطريق، يمكن كل واحد مِنّا عندو طريقتو بالحياة بس كلنا عَينّنا عا وليمة الحمل! يا رب متل ما بتقول الترتيلة: طوبى للمدعوّين إلى وليمة الحمل، هلمّوا تعالوا إلى عشاء الله العظيم... أعطينا نعيش حياتنا لخدمتك تا نستحق ملكوتك... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  لبنان كلّو Red Zone بآخر فترة عم نسمع كتير أرقام و إحصاءات و نظريّات بس أكتر رقم صادم مرق قدّامنا : باقي ٧ أسرّة عناية فايقة مخصّصة لكورونا بس، لأ مش بمستشفى واحد...بكل لبنان! يعني إذا حدا من أهلك أو ستّك أو جدّك عاز يفوت عالمستشفى ما رح يكون إلو محل و ما رح تقدر تعملّو شي، إذا قلت يا ريت إنتبهت و يا ريت ما سهرت و يا ريت ما ضهرت مع رفقاتي و يا ريت لبست الكمامة و يا ريت عقّمت و ما عديتن... كل هالحكي ما رح ينفعك و لا رح يردّلك اللي بتحبّن!  اليوم ما بقا في خطوط حمر و لا مناطق حمر لبنان كلّو احمر... اليوم الصرخة عالية لضمير كل شخص بعدو مستهتر... و يا ريت نتوحّد بالصلا عا نيّة كل شخص وحيد بغرفة عزل إن كان بمستشفى أو ببيتو عم يحارب هالمرض حتّى يتغلّب عليه! يا رب إزرع حكمة روحك القدّوس بكل إنسان حتّى يعرف يتصرّف و ينتبه عا حالو و عاللي من حولو...رحمتك يا رب! المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل

  اعرفو قيمتو القدّيسة تريزيا الطفل يسوع مشهورة إنها كانت متل كل الناس بتزعل، بتفرح، بتنزعج و هالشي بيخلّيها بعد أقرب إلنا لأنها مِنّا و متلنا و ترجمت هالشي بكتاباتها... مثلا اوقات كانت تحسّ بالوحدة أو إنّو كانت تحسّ إنّو الناس ما عم يفهمو عليها متل ما بيصير معنا كلنا! من أشهر أقوالها : "لقد كان يسوع صديقي الأوحد، لم أكن أُُحسن الحديث إلّا إليه." بوقت الناس ما بتحب بعضها و كل واحد بيفسّر عا ذوقو، بوقت الصداقة الحقيقيّة صارت نادرة و المصالح هنّي اللي مسيطرين و بوقت الفراغ و الوحدة ساكنين قلوب كتار إعرفوا إنّو يسوع هوّي الملجأ و هوّي الأمان... أكيد مش المقصود إنّو روحو إحكو معو وقت القطعة بالعكس المقصود تعرفو إنّو هوّي الصديق الموجود عاطول، اللي إنتو أولويتو، اللي بيحبكن و ما بيزهق منكن لو خبّرتو نفس الخبرية ألف مرّة... اعرفو قيمتو تا تعيدو حساباتكن و تعرفو تبَدّوه عالكل... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي م

  متل الإبن الشاطر بيخبرو عن معلمة مرّة طلبت من تلاميذا اللي عمرن ٧ سنين يكتبو رسالة ليسوع يقولولو فيها اللي بدّن ياه. وحدة من الرسايل بتقول : يسوع، أنا بعرف كتير منيح قدّيش صعب عليك تحبّ كل الناس بالدني لو شو ما عملو، نحنا بالبيت بس أربعة و مش عاطول بقدر حبّن كلّن خصوصي إذا زعّلوني! هالطفل مع إنّو كتير زغير قدر يفهم كبر و عمق محبّة يسوع للبشر و نحنا بعدنا مش قادرين نصدّق إنّو بيحبنا و شو ما صار منتّهمو فيه و منقلّو وينك تاركنا بوقت نحنا اللي منكون بعدنا عنّو! محبّة و رحمة يسوع ما إلها حدود. إرجعو لعندو كيف ما كنتو و قد ما كانت الخطيّة مغلغلة بحياتكن هوّي بيطلعكن منها! متل الإبن الشاطر رح إرجع يا ربي... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  سِلُّم عالسما القداسة سلّم بيبلّش عالأرض بأزغر التصرّفات و بيخلص بالسما بس الكنيسة تعطي لقب "قدّيس"، قبل آخر درجة بهالسلم هيّي مرتبة "طوباوي". كارلو آكوتيس، الشبّ إبن الـ ١٥ سنة طلع هالسلّم بسرعة و صار بعيد خطوة وحدة بس عن القداسة! مش صدفة تطويب كارلو بهالوقت بالذات، أكيد عندو شي يقولو اليوم لكل واحد مِنّا. عمرو الزغير بيخلّيه يكون أقرب للكلّ إن كان للكبار أو للي من عمرو.  هالشب اللي صار طوباوي عا مذابح الكنيسة بيقلنا إنّو القداسة مش بعيدة عن حدا أبداً... هوّي قرّر و مشي طريقو و قرّب يوصل، إنتو وين صرتو؟... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

اعكسو إيمانكن بتصرّفاتكن من زمان لهلّق بالتاريخ كتار من القدّيسين تعرّضو للإضطهاد و هنّي ما إستسلمو و دافعو عن إيمانن المسيحي كل واحد عا طريقتو بس الأكيد إنّو ما حدا سبّ و لا أهان اللي ضدّو أو بشو كان رح يفرق عنّن!! كتير حلو تتمسّك بإيمانك و الأحلى إنّك تفَرجي الكل جوهر هالإيمان بس تبادل الشر بالخير و الحقد بالمحبّة. هيك ربنا غلب الملوك و العسكر و الشيطان و الموت بالحب و الصمت! اعكسو إيمانكن بتصرّفاتكن و الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  طبيب السما بيخبرو إنّو كان مار شربل ينتبه لكَرْم العنب بالليل. إجو كم تعلب و صارو ياكلو عنب.  بس طلع الضو قلّو رفيقو أبونا مكاريوس اللي كان معو بالمحبسة: كيف خلّيت التعالب ينزعو الكرم هيك؟ جاوبو : لقيتن جوعانين تركتن ياكلولن حبتين. التعلب اللي بيمثّل العدو بهالموقف شفنا كيف تصرّف معو مار شربل و تركو يتغذّى و يفلّ بسلام مع إنّو كان بيقدر يهرّبن أو حتّى يقتلن. هالخبريّة إلها رمزيّة، بتفرجينا كيف مار شربل عمل كل حياتو بوصايا الرب و بالكتاب المقدّس.  يسوع قلنا حبّو أعداءكن، نحنا شو عم نعمل؟ اليوم ٩ تشرين الأول ذكرى تقديس مار شربل، ذكرى اليوم اللي صار عِنّا طبيب و شفيع و بَي و رفيق بالسما!  شفاعتو معكن و ببيوتكن... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  طاقة إيجابيّة بيخبرو عن معزوفتين موسيقى وحدة حزينة كتير بتبكّي اللي بيسمعها و وحدة فرحة كلها حياة ما فيك بس تسمعها ما تبتسم بس المفارقة إنّو تنيناتن معزوفين بنفس الآلة الموسيقيّة... كيف هلقدّ إشيا متناقضة جايي من ذات المصدر؟! إذا إعتبرنا إنّو نحنا متل هالآلة و عِنّا القدرة نعزف اللحن اللي بدنا ياه، ليش تا ننشر الحزن، خلّونا بتصرّفاتنا و بحضورنا بحياة غيرنا نكون مصدر طاقة إيجابيّة و فرح للي حولنا قد ما كانت الظروف صعبة. فَتشو عا نقطة الأمل، فَتشو عا أي شي إيجابي بقلب كل هالسلبيّات هيك منكون عم نعكس صورة ربنا للناس، نحنا أبناء النور، نحنا أبناء الرجاء، نحنا ولاد الملك!...  الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  الخير اللي بتعملو بيرجعلك هالقصّة الزغيرة حلوة كتير قريناها عا أحد المواقع الإلكترونية و حبّينا نتشاركها معكن. في تاجر زيت غني كتير بس طمّيع تا يربح أكتر خلط الزيت المنيح بمواد مغشوشة و صار يبيع بسعر أقل من السوق، كل الناس إشترو مِنّو. بيناتن شب صانع صابون و متل ما بتعرفو الزيت مكوّن أساسي للصابون. إشترى هالشب كمّيات كبيرة و راحو هالصابونات عالأسواق. بعد فترة تاجر الزيت راح عالدكّان يشتري صابون إشترى منّن و أكيد مَنّو عارفن و بس إستعملن عمل حساسيّة و راح تشكّى عالشركة المصنعة و بس القاضي طلب تحليل الصابون تبيّن إنّو كل شي منيح إلّا مكوّن الزيت مغشوش و بس لحق مصدر الزيت تبيّن إنّو هوّي اللي عم يتشكّى و إنقلبت القضيّة عليه! اليوم منتعلّم إنّو الخير اللي بتعملو بيرجعلك و الشر اللي بتعملو بيرجعلك إنت إختار!  والله معك... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا م

  صار عِنّا شفيع جديد بالسما لكل حدا بعد ما سمع عن كارلو أكوتيس، هالشب من أزغر الطوباويين عا مذابح الكنيسة عمرو بس ١٥ سنة و إنتقل من بيناتنا مش من زمان بسنة الـ ٢٠٠٦! تخايلو إنّو إمّو و بَيّو عم يشاركو بحفل تطويبو! قدّيش فخورين هالأهل بإبنن اللي ما قدرو يفرحو فيه متل الشباب العاديّين بس فَرَحُن كان أضعاف و أضعاف لأنّو مصدرو السما مش الأرض. كارلو كان متعبّد للقربان المقدّس و كان يستغرب كيف الشباب و الصبايا معبيين الحفلات بالألوف و بالكنيسة قلال كتير! قرّب موعد تطويب كارلو اللي حدّدو الفاتيكان بـ ١٠ تشرين الأول ٢٠٢٠... صار عِنّا شفيع جديد بالسما، شفاعتو و بركة القربان المقدّس ترافقكن كلكن و منخصّ بالذكر الشباب و الصبايا اللي من جيلو حتّى يتمثّلو فيه و يمشو عا درب الرب... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  شوف بعيون يسوع بيخبرو عن زلمي متشائم كتير شو ما تحكيه بيقدر يلاقي شي سلبي بالموضوع. إذا قلتلو الشمس مصدر الحياة عالأرض بيقلّك إيه بس شوب من وراها، إذا قلتلو ليك القمر شو حلو بيقلّك بالآخر هوّي كومة حجار عاكسة ضَوّ! مرّة عم يحكوه عن رياضة الـ parapente قال أنا ما بعملها قالولو ليش بتخاف من العلو؟ قلّن لأ بس بركي إنفختت الباراشوت، قالولو ما بيصير شي بيكون في عاطول وحدة تانية بالشنطة مع المدرّب اللي مرافقك. قلّن بركي هوّي وعم يشيلها علقت بالسحابة وإنخزقت كمان!!  الزوّادة بتقلّي وبتقلّك : إذا إنت بتركّز عالإشيا البشعة بالحياة رح تشوف كل شي بشع وإذا بتتطلّع عالإشيا بإيجابيّة بتشوف الحياة حلوة! هيدا شي كل واحد بدّو يشتغل فيه عا حالو، ما حدا بيقدر يفَرجي التاني بعيونو ولا يحسّ بقلب التاني! بس الأكيد إنّو اللي يسوع موجود بحياتو ما فيه إلّا يشوف الأمل والحب والإشيا الحلوة!  الله معك... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام ا

روحانيّة فرنسيس ٤ تشرين الأوّل، عيد القدّيس فرنسيس الأسيزي، من أشهر أقوالو : "طوبى للخادِمِ الَّذي يُحِبُّ أَخاهُ، وَيَحْتَرِمُهُ، في غِيابِهِ، مِثْلَما يَفْعَلُ في حُضورِهِ، وَلا يَقولُ فيهِ، في غِيابِهِ، ما لا يَقْوَى عَلى قَوْلِهِ لَهُ، بِمَحَبَّةٍ، وَجْهاً لِوَجه." قدّيش نحنا بحاجة لوجود روحانيّة هالقدّيس بحياتنا اليوم!  الناس ما بقا تحبّ بعضها، بيضحكو بوجه بعضن و بيحكو عن بعضن من ورا ضهرن و أكيد مش بالمنيح! الناس ما بقا عندن رحمة بقلوبن... بس للتذكير إنّو اللي ما بيحبّ خيّو الإنسان عنجد، قد ما حكي عن الصلا و كتب صلا و راح عالكنيسة كلّو عالفاضي مش لأنّو ربنا ما بيسامح بالعكس! لأنّو هنّي حقدن مملّي قلبن و مش تاركين مطرح لرحمة الله! لكل اللي رايحين عالقدّاس اليوم و عندن مشكلة مع حدا أو ما بيحبّو حدا أو عم يحكو عا حدا منذكّرن شو بيقول يسوع :  "إذْهَبْ أَوَّلاً وصَالِحْ أَخَاك، وحينَئِذٍ عُدْ وقَدِّمْ قُرْبَانَكَ…" و الله معكم... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ

  يلّا نجمّع كنوز كم مرّة سمعتو حدا عم يتشكّى إنّو أهلو أو سِتّو و جِدّو ما بيخلّوه يكبّ شي لو كانو غراض قديمين منزوعين مكسورين! كم مرّة سمعتو حدا كبير عم يخبّر إنّو ألعابو من وقت ما كان زغير بعدو محتفظ فيهن. كم مرّة سمعتو عن حدا عم يخبّر إنّو هوّي و عم يرتّب أوضتو بدل ما تاخد كم ساعة بقي كل النهار و كل ما لاقى غرض أو ألبوم صُوَر أو أي شي يقعد يتأمّلن و يتذكّر مواقف و أشخاص بحياتو. بالنهاية كل واحد مِنّا كان عندو طريق طويل وصَّلو لهاليوم. في إشيا منحبّ نتذكّرها و منتعلّق بكل شي بيربطنا فيها و في إشيا منتمنّى تنمحى و ننساها... شو ما كان في بْسَلتَك أفراح و أحزان و ذكريات، كيف ما كانت حياتك يسوع بيحبّك متل ما إنت و متل ما عندك إشيا غالية عليك عالأرض و بتعتبرها كنوز شو رأيك اليوم نبلّش نجمع إلنا كنوز بالسما!... و الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاق

  لغّة أرضيّة وسماويّة! بيخبرو عن ولاد متعَودين كل سنة يروحو مع عيلتن عا بيتن الصيفي حدّ البحر يمضّو عطلتن. بس وصلو صرخت البنت الزغيرة شو حلو هالمنظر شوفو شوفو وصارت تعيّط لأهلها وإخواتها تا يتطلّعو. قلها خيها هوّي ومشغول بغراضو لشو بدنا نتطلّع ما هيدا بيتنا وبيطلّ عا نفس البحر وكل ما نجي منشوف نفس المنظر! زعلت الزغيرة وقالتلو مش مزبوط!  ولا مرّة بتكون الصورة اللي منشوفها نفسها! الموجة مش نفسها، الولاد اللي عم يلعبو مش نفسن، طائر النورس مش نفسو، نور الشمس مش نفسو...! كل ما نجي في إشيا جديدة نتأمّلها ونفرح فيها وهيك القدّاس وصلواتنا مش نفسن كل مرّة! منّن ترداد كلمات و روتين! كل مرّة في إشيا جديدة تا نشوفها و نعيشها ونشارك فيها.  الصلا مش روتين و بتزهّق الصلا لغة عالميّة، أرضيّة وسماويّة!... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}