الزوادة اليومية

قدّيسة الورود بِعيدك يا قدّيسة الورود،  يا طفلة السما،  إنتي اللي فسّرتي الإشيا ببساطة ووصّلتيها لقلوب كتار، إنتي اللي رجّعتي الأمل لكتار بوردة منّك، إنتي اللي بتفهمي عالكل زغير وكبير... بِعيدك يا تريزيا الطفل يسوع شو بدنا نقلّك؟ ما لقينا كلمات تكفي تا نعَيدك قمنا إستعرنا كلماتك!  كنتي تقولي : "سوف أبقى أبداً طفلةً إبنة سنتين أمامه تعالى كي يضاعف إهتمامه بي... فالطفل يرتضي بصغره وضعفه ويقبل أن يكون بحاجة إلى المعونة... سأتوكَّل على الله أبي في كلِّ شيء وأطلب إليه كلَّ شيء وأرجو منه كلَّ شيء... الله يعلم كلَّ شيء، وهو قادرٌ على كلِّ شيء..ويُحبني!"  ما تمَرقي يوم ما تذَكرينا فيه قدّيش بيحبنا وإنّو مش تاركنا وإنّو ما عندو مستحيل وقادر عا كل شي وإنّو كلّ ما كنّا ولاد إلو رح يكون بَي إلنا أضعاف وأضعاف وإنّو كل ما خفنا فينا نركض نتخبّى فيه... نحنا كتير بحاجة للشعور بالأمان! رِشِّي يا تريزيا ورودك عا وطننا وبيوتنا وعيالنا... الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقا

  التوقيت الصحّ كتير منسمع هالنوع من الجمل: هلّق مش وقتها، كل شي بوقتو حلو وإشيا بهالمعنى، وفي غير نظريّة بتقول إنّو ما في وقت صحّ للإشيا، الوقت موجود وإنت بتقرّر كيف تستعملو وشو تعمل فيه! مين معو حق؟! نحنا كمسيحيين ما منآمن بالصدفة، و عنّا إيمان إنّو كل شي من صنع الله وحكمتو، هوّي وحدو اللي عندو التوقيت الصحّ وهوّي كمان عطانا حريّة تصرّف كاملة بحياتنا ونحنا وشطارتنا إذا منعرف نستثمر وقتنا لخدمتو!  فإذن كل واحد معو حقّ بشكل من الأشكال... شو حلو توقيت تدخّلك يا ربّ بحياتنا لتردنا لعندك ولتحمينا من حالنا ومن كل شي بيؤذينا وعلّمنا يا رب نعرف ندير الوقت اللي عطيتنا ياه ونستاهل فيه نكون ولاد إلك ونقضي حياتنا عالأرض عم نعكس صورتك للناس... والله معكن... المصدر : صفحة Jesus My Lord { ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  أين ضمان الشيخوخة؟؟؟  بيخبرو عن زلمي ختيار ببلدو ما في ضمان شيخوخة و هوّي بعمر الـ ٨٣ مضطرّ يشتغل حتّى يعيش بكرامتو. هالعمّ بيشتغل بشركة بيعمل قهوة. بيوم من الإيّام قالولو إنّو استغنو عن خدماتو لأنّن إشترو مكنة قهوة وبطّلو بحاجة لإلو، عم تتخايلو كيف إنكسر قلبو وشو حسّ هالختيار؟... هيدا بعد ما حكينا عن الختيار التاني اللي عمرو ٧٩ مضطرّ يشتغل ديليفيري ولقط كورونا من شغلو وما خلّوه يرجع حتّى بعد ما صحّ لأنّو برأين بيشكّل خطر عليهن، قدّيش نسبة الظلم تجاه هالكبير!...  وإذا بدنا نكمّل نخبّر هيك مواقف ما منخلص... صلاتنا اليوم عا نيّة كل الكبار بالعمر وين ما كانو ومين ما كانو، يا رب عطيهن بعد كل هالسنين يرتاحو و ما يعتلو همّ شي... منّك يا رب منطلب... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  اتّكلو عا الله كتار ما عم يقدرو يشوفو لو شغلة إيجابيّة وحدة بكل اللي عايشينو. كتار تملّك فيهن اليأس، كتار مش باقي هَمّ مش ساكن بعَقلن وقلبن وفوق كتافن، عتلانين همّ صحّتن، مستقبلن، أهلن ، ولادن، أخواتن، لقمة عيشن، تعليمن، شغلن... في سؤال مشترك بين الكلَّ : شو بدنا نعمل؟ إجا القدّيس أوغسطينوس يجاوب و يقلنا:  "إحذر من اليأس من نفسك فقد أوصيت أن تتّكل على الله لا على ذاتك!"... اتّكلو عا الله، سلموه كل شي بأزغر التفاصيل.  الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  ما تربّو ولادكن عالأحقاد... بيخبرو عن ولاد لقيو فارة زغيرة خلقانة جديد بالجنينة، جابوها مبسوطين يفَرجو أهلن شو لقيو.  وتفاجأو بأهلن عم يصرخو عليهن خدوها من هون كبّوها بعيد ما بتعرفو الفيران شو مؤذيّة... انصدمو الولاد... قالولن حرام هيّي زغيرة ما بتعمل شي! بس الأهل ما كانو يسمعوهن حتّى! هالخبريّة يمكن عاديّة بس من خلالها ما قدرنا ما نتذكّر العداوات بين البشر كيف بتنتقل من الكبار للولاد وبيربّوهن عليها مع إنّو الولاد من الطرفين ما إلن ذنب بشي! هيدا ما تلعب معو عيلتو ما بتحبنا، بعد ناقص تصير أصحاب مع واحد من هيديك العيلة... وغيرها كلمات كتار مِنّا سمعوها هنّي وزغار، ناس كبرت معن وناس كأنّن ما سمعوها أصلاً وعملو اللي هنّي مقتنعين فيه... ما تربّو ولادكن عالأحقاد... عَلموهن يحبّو الكلّ متل ما علّمنا يسوع... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من

من بكاسين لكل لبنان من كم يوم شباب و صبايا ضيعة بكاسين قضاء جزّين حَبّو يوَصلو رسالة عا طريقتن. رسمو خريطة لبنان بالشموع وضوّو ٢٠٢٠ شمعة عا نيّة لبنان وكل أزماتو اللي تعرّضلها هالسنة! منصلّي معكن ومع قلوبكن الحلوة حتّى ربنا يشفع بهالبلد الزغير ويخفّف وَجَعو ووجع أهلو... شو رأيكن اليوم كل واحد مِنّا ببيتو يضوّي شمعة عهالنيّة، من بكاسين لكل لبنان، وحدة الصلا بتفتح بواب السما... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  فوتو عالقلب كتار بيقولو إنّو الشوك اللي بالورد ما إلو أهميّة ولا دور وبيصوروه كأنّو بيؤذي وبس! أمّا اللي بيتعمّق بدراسة تركيبة الوردة بيعرف إنّو الشوك هنّي طريقة دفاعها عن حالها من الحيوانات اللي بتاكل نباتات! وعندن دور بتعديل حرارة الوردة كرمال هيك مثلاً بتلاقو الصبّير اللي كلّو شوك بالصحرا!  ربنا ما خلق شي فوق هالأرض كمالة عدد وبدون دور! ولا مرّة توقفو عند المظاهر وإنطباعكن الأوّل عن شي، عا طول فتشو أكتر، فوتو عالقلب ورح تلاقو كل شي عم تفتشو عليه!... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  بَيَّك عارف قيمتك بيخبرو عن شب لاقى بِقَبو بيت جدّو عقد عليه غبرة وشكلو قديم  حملو وكَبُّو قال شو هالإشيا يلّي ما إلها عازة اللي كانت تجمّعهن ستّي. كان مارق من هونيك جوهرجي إنتبه للعقد عالأرض لَمُّو وفحصو ما صدّق عيونو طلع عقد في مِنّو ٢ بالعالم وكتير غالي. أخدو معو وحطّو بمتحف للغراض الأنتيكا والزوّار هونيك بيعرفو قيمتو منيح! اليوم بدنا نقلّك إنّو في ناس ما بيقَدْرو قيمتك وفي ناس بالعكس! بس الأكيد إنّو بَيَّك بالسما عارف قيمتك كتير منيح ومات كرمالك عالصليب حتّى يخلصك من الموت ويقدّملك الحياة الأبديّة!  عيون البشر معوّدة تدلّ عالعيوب لأنها ما بتشوف بحُبّ، كرمال هيك اعرإ قيمة حالك وكون مع اللي شايفينك بعيون الله! والله معك... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  إخجل من كبريائك من أشهر أقوال القدّيس أغسطينوس : "صار الله متواضعًا! فإخجل أنت من كبريائك!" هالجملة مش بحاجة لأمثلة ولا لتفسير... منترك صدى هالكلمات يوصل للقلوب المتحَجرة اللي بعدا مِنغرّة بالأرضيّات بركي بشفاعة هالقدّيس بتحلّ نعمة التواضع عا كل شخص مفتقدها... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

    بطل بَطَل... قدّيش منسمع هالكلمة... بَطَل عِمل حرب وربحها، بَطَل قوّص عا حدا، بَطَل عمل مشكل ضرب مدري كم واحد... شو رأيكن اليوم نشوف البطولة من زاوية تانية : مريض سرطان تعالج وصحّ بَطَل، ولد ما كانو علاماتو مناح إشتغل عا حالو وتعب ونجح بَطَل، خاطي وبعيد عن الله ارتدّ بَطَل، إم خسرت حدا من ولادها وبقيت واقفة بَطَلة، حدا بلّش حياتو من الصفر ووصل بَطَل... كل واحد مِنّا بَطَل عا طريقتو بمعركة يمكن بَينو وبين حالو وما حدا غيرو بيعرفها... في مَثل سويسري بيقول :  "البطولة هي إنتصار النفس على الجسد."  هيدي هيّي البطولة اللي لازم نفتّش عليها بمشوارنا عالأرض تا نحجز إلنا محلّ عا منصّة الربحانين بالسما! والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  السلاح الأسرع على الإطلاق قال البابا فرنسيس بوحدة من وعظاتو : "إن الثرثرة والتكلّم بالسوء عن الآخرين هما أسوأ من وباء كوفيد-١٩ المنتشر في العالم." قدّيش إخترعو أسلحة متطوّرة بعدو اللسان السلاح اللي بيسبّب أعلى درجة أذى بتعرفو ليش؟  لأنّو الكلمات بيعلقو بذاكرة اللي بيسمعن وبيقتلو مرّة كل ما تذكّرن! إذا ما بدكن تساعدو عالقليلة لو كل واحد بيهتمّ بحياتو وبأمورو وبيتعب وبيشتغل عا حالو بدون ما يؤذي غيرو وينظّر عليهن شو لازم يعملو وشو لأ ويضوّي عا أغلاطن وعا شوي رح يعيش حياتن عنّن كانت بتكون الدني بألف خير... قدّيش كورونا سريع الإنتشار الحكي البشع بعد أسرع! قبل ما تقولو الشغلة فكرو إذا ما عندكن مشكلة تقولوها قدّام عرش ربنا وحسب الجواب قرّرو إذا لازم تنقال أو لأ... "لِذلِكَ كُلُّ مَا قُلْتُمُوهُ فِي الظُّلْمَةِ يُسْمَعُ فِي النُّورِ، وَمَا كَلَّمْتُمْ بِهِ الأُذْنَ فِي الْمَخَادِعِ يُنَادَى بِهِ عَلَى السُّطُوحِ." (لو ١٢: ٣) والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {

  كورونا مش كذبة نحنا بلبنان كتير صعب نحطّ ثقتنا بمحل قد ما عنّا تجارب فاشلة وخيبات أمل وصّلتنا للّي نحنا فيه. ما تخلّو هالخيبات تخلّيكن تستهترو بصحّتكن وصحّة اللي بتحبّوهن... كورونا مش كذبة ولا لعبة. إذا عندكن مشكلة تصدقو كل شي بيصير عنّا تطلّعو بكل بلاد العالم! ما فينا نكمّل هيك خصوصاً عا بواب الشتي... كل واحد يبلّش من حالو ما تتّكل عا غيرك إنّو منتبه، إنتبه إنت وعلّم ولادك كيف يحمو حالن... الوقاية عندها عدّة أشكال : الكمّامة، التعقيم، والصلا! إيه الصلا والإتّكال عا ربنا! تذكّرو المزمور ٩١ : "لأنه ينجّيك من فخّ الصيّاد ومن الوباء الخطر"  وبيكمّل وبيقول : "لا تخشى من خوف الليل، ولا من سهم يطير في النهار ولا من وباء يسلك في الدجى... لأنّه يوصي ملائكته بك لكي يحفظوك في كل طرقك"... الله يحميكن ويبعد كل الأمراض عن بيوتكن وعيالكن ويشفي المرضى ويكون عاطول رفيقكن! والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع

  أكرم أباك وأمك في دراسة جديدة بتقول إنّو الكبار بالعمر هنّي أكتر حكمة لجهة إنّو ياخدو قرارات مزبوطة من الشباب! عالقليلة اللي عمرن أكتر من ٥٥ كمان حسب نفس الدراسة!  تاني مرّة بتتخانقو مع أهلكن إنتو ومقتنعين إنّو معكن حق وإنكن بتعرفو أكتر فَكرو مرتين.  أصلاً كم مرّة أهلنا بيقولولنا عن إشيا ومنعمل اللي براسنا ومنرجع منوصل لحكيهن ومنقول يا ريت سمعنا منّن؟! الله وصّاك أكرم أباك وأمّك ونحنا منقلّك ما تنسى بَيّك اللي بالسما وإمّك مريم العدرا كَرِّمن وصلِّيلن وامشي عالطريق اللي رسمولك ياها واستشيرن بكل أمور حياتك وانطر الجواب بصبر، هونيك الخلاص...  والله معك... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  ميّز صوت الربّ بيخبرو عن ضيعة نظّمت مسابقة. كل فريق مؤلّف من شخصين واحد بيغمّض عيونو بمنديل والتاني بدّو يعطيه تعليمات كيف يمشي مثلاً خطوتين لقدّام خطوة يمين... حتّى يوصل للكنز!  الصعب باللعبة إنّو كل الفِرَق عم تلعب بنفس الوقت، اللي عيونو مغمّضين لازم يعرف صوت رفيقو بين كل الأصوات من مشتركين وجمهور ويركّز ينفّذ اللي عم يقلُّو ياه. هالوصف متلنا بالحياة الخطيّة مغمّضتلنا عيونّنا وفي كتير أصوات حدنا، هل يا ترى عم نقدر نميّز صوت الرب بيناتن كلّن وعم نعمل متل ما وصّانا حتّى نوصل للحياة الأبديّة؟... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  بيشبه الكورونا...!؟ اليوم ١٦ أيلول بتحتفل الكنيسة بعيد القدّيس قبريانوس. بيقولو إنّو كان إبن عيلة وثنيّة غنيّة بعدين تعرّف عالإيمان المسيحي وتعلّق فيه حتّى إنّو صار أسقف بقرطاجة. بوقتها كان في كتير إضطهاد للمسيحيين. خلّص قبريانوس كتار من الحبس وبتعرفو شو عمل كمان!؟ زار المرضى خصوصا اللي معن طاعون! بوقت هالأشخاص ما كان حدا يحبّن ولا يقرّب عليهن ويخافو ينعدو منّن. قدّيش هالموقف بيشبه اللي عم يصير اليوم مع مرضى الكورونا! يا رب بشفاعة القدّيس قبريانوس وكل القدّيسين خلِّصنا من هالفيروس، بَعدو عن اللي ما إنصابو وإشفي المصابين فيه وواسيهن وأعطيهن القوّة يتخطّو هالمرحلة الصعبة... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  خايف شو بدّو يقلّو لبَيّو... بيخبرو عن شب بعتو بيّو يلِمّ البَيض من القِنّ. أخد سلّة و راح وبلّش يجمّعن.  صارو كتار كتير وما كان إلو جلادة يرجع عالبيت يجيب سلّة تانية. خلّص وبسَلتو في جبل بَيض، قال ما بيأثّر بمشي عا مهلي أحسن ما روح وإجي كذا مرّة.  هوّي وماشي تفَركش بحجر ووقع وتكسّرو كل اللي بالسلّة!  صار خايف شو بدّو يقلّو لبَيّو... نحنا هيك ربنا بعتنا عالأرض بمهمّة، طلب منّا ننشر كلمتو ونعيش المحبّة ونحب الناس ونصلّي ونعمل الخير... نحنا أوقات منختار طريق الشَرّ لأنّو الأسهل بلا ما نعذّب حالنا وبالآخر منطلع غلطانين وما منعرف كيف بدنا نواجه ربنا!... قبل كل تصرّف وكل كلمة فكرو إذا بتستحو تذكروها قدّام الرَب وحسب جواب هالسؤال تصرّفو!  والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  بهالعلامة رح تنتصر! سنة الـ ٣١٢ صارو المسيحيين يحقّلن يعلنو إيمانن عا صوت عالي  بالإمبراطورية الرومانية!  من قبل وبهالسنة ومن بعدها ومع إنّو صار عندن حريّة المعتقد بِقيو المسيحيين حاملين صليبن وماشيين... قلنا يسوع المسيح : "ان اراد أحد يأتي ورائي فلينكر نفسه ويحمل صليبه ويتبعني" (مت ١٦: ٢٤). نحنا اليوم بالـ ٢٠٢٠ صلباننا يا رب كتار وتقال وبعد في إضطهادات بحق المسيحيين حول العالم، ونحنا بلبنان خصوصاً عم نعيش فترة صعبة كتير وكتار وقفو بنص الطريق، لهالناس بدنا نذكّرن إنّو الملك قسطنطين ربح حربو ضد العدو بس أظهرلو الرب علامة الصليب بالسما و قلّو : بهالعلامة رح تنتصر!.  اليوم عيد الصليب، اليوم عيد رمز إنتصار ربنا عالموت ومن خلالو إنتصارنا عالصعوبات... ما تخافو! الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  حبّة رمل بجانب جبل بيقول القدّيس جان فياني خوري آرس : "ضع جميع الأعمال الصالحة في العالم مقابل قدّاس إلهي واحد، ستكون جميعها مثل حبّة الرمل بجانب الجبل". بيوم الرب، تأمّلو بهالجملة وتذكّرو أهميّة المشاركة بالقدّاس الإلهيّ! يا رب خلّصنا من فيروس كورونا واعطينا نسترجع نشاطاتنا الروحيّة كلها ونقدر نرجع كلنا نزورك ببيتك ونلتقي فيك بالقربانة... أحد مبارك والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

شمعة التيتا بيخبرو عن ستّ ختيارة بتقول لولادها وأحفادها إنّو لمّا تصلّو وتطلبو شي من الرب وتضوّو شمعة إذا كان نور الشمعة قوي يعني ربنا رح يستجيب النيّة اللي عم تصلّو عنها... كل الكبار بالعمر عندن قناعات بتشبه هالتيتا. هالحكي نابع من إيمانها الكبير وبس تكون مضوّية شمعة وتشوف الضو خفيف بتصلّي أكتر وبتتضرّع للرب بحرارة أكبر تا تصير كمّية النور كافية لتحقيق نيّتها بالنسبة إلها! بغض النظر عن الحقايق العلميّة اللي بترافق نور الشمعة حلو نلاقي طريقة نتواصل فيها مع ربنا حتّى لو كانت شمعة بسيطة!  قلنا يسوع :  “أَنَا هُوَ نُورُ الْعَالَمِ. مَنْ يَتْبَعْنِي فَلاَ يَمْشِي فِي الظُّلْمَةِ بَلْ يَكُونُ لَهُ نُورُ الْحَيَاةِ” (يو ٨: ١٢)... يا نور العالم، يا شمعة حياتنا، خلّي نورك يشعّ و يغمر بيوتنا، قوّي نور شموع هالتيتا وشموع كل الناس!  إسمعن، إستجبلن، إشفي المرضى خصوصاً الأطفال، كون رفيق كل شخص عم يفتّش عليك... والله معكن!... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من

  توقيتك غير توقيتنا بيخبرو إنّو باليابان النقل العام متطوّر ودقيق بتوقيتو كتير. مثلا إذا كان في تأخير وقليل ما يصير بيجي السائق بيعتذر من كل راكب بالباص فرداً فرداً مش إنو بيذيع عالميكروفون وخلص!  ولو كان التأخير لكم دقيقة بس بيحصل كل راكب عا بطاقة  من الشركة بتبرّر التأخير وبتقول إنّو مش الحق عليه وممكن تتقدّم للمدرسة، الجامعة، الشغل... حياتنا كلها ماشية عالساعة وعالوقت...  عنجد كل شي عالأرض قد ما كان منظّم متل خبريّة اليابان ما بيشبه شي بالسما! "إنَّ ألف سنة في عينيك يا رب كيَوم أمس العابر وكهجعةٍ من الليل"(مزمور ٤:٩٠)... يا رب عطينا نستعمل كل الوقت عالأرض لخدمتك ونشر كلمتك، ونعرف نصلّي وكل ما طوّل الجواب نتذكّر إنّو توقيتك غير توقيتنا وإنت أدرى بمصلحة ولادك... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

شروط القداسة ما في شروط معيّنة للقداسة.  منفكّر مثلا إنّو القدّيس لازم يكون فقير، ناسِك...مع إنّو ربنا داعينا كلنا للقداسة كل واحد من موقعو بهالحياة. مثلاً القدّيسة اللي بتحتفل بعيدها الكنيسة اليوم ١٠ أيلول هيّي : القدّيسة بولكاريا الملكة.  كانت بنت ملك وملكة وحكمت مملكة وما خلّت جوعان بمملكتها وكانت تصوم وتصلّي وقبل ما تموت تبرّعت بكل أموالها وثروتها للفقرا! هالقدّيسة بتعلّمنا إنّو مين ما كنت ووين ما كنت فيك تتقدّس... يا رب عطينا نعرف شو بدّك من كل واحد مِنّا، عطينا نفهم حكمتك ونسمع صوتك بكلّ ضجّة هالعالم ونعكس صورتك لكل الناس اللي منلتقي فيهن ونطمع شي يوم نلتقي فيك ويكونو وزناتنا اللي اشتغلنا فيهن حرزانين... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

الفرح فقط بيسوع بيخبرو عن صبيين أخوة كل واحد شخصيتو شي، الأوّل كلّو حياة وفرح والتاني بيضلّ ما في شي عاجبو وزعلان. قامو أهلن قالو إنّو هيك مش ماشي الحال وقرّروا يساعدو الصبي المتشائم. غيّرولو ديكور أوضتو وحطّولو كل أنواع الألعاب اللي بيحلم فيها ولد بعمرو وخَيّو بأوضة عاديّة.  بعد ساعة لقيو الصبي اللي بيضلّ زعلان ضَهَر من الأوضة لأنّو زهق من كل الألعاب وخيّو طوّل فاتو تا يشوفوه لقيو حيطان أوضتو ملوّنين بأحلى الألوان وعم يضحك فرحان بإنجازو لأنّو كل اللي لاقاه هوّي علبة تلوين وما عندو ولا لعبة! منقلّك اليوم إذا الفرح مش بقلبك ما تتعب تفتّش عليه بمطرح لأنّو ما رح تلاقيه! الفرح بيولد فينا وقت منتعرّف عالربّ، وحدو يسوع بيزهّر بقلوبنا سلام وسعادة!  أنت الحنون وقلبك البحر وأنا اليباس وقلبي الصخر، سلامي الوحيد فرحي الوحيد، حبّي الوحيد أنت سيّدي سلامي سيّدي... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكا

قبو سفالبارد بيخبرو إنّو بمنطقة بين القطب الشمالي والنرويج في شي إسمو : قبو سفالبارد للبذور. هيدا القبو مصمّم ليتحمّل الكوارث الطبيعيّة وتخريب البشر. بقلبو فيه اكتر من ٨٩٠ ألف عينة من البذور من كل البلاد بالعالم محفوظة تا تضمن الحاجات الغذائيّة المتنوّعة لكتير ناس.  هالخطوة حلوة كتير و بتفكّر لبعيد و بتهتم بأوّل حاجة لحياة الإنسان اللي هيّي الغذاء! قدّيش نحنا اليوم بحاجة نفكّر كيف نحفظ غذاء الروح مش بس الجسد، ونشوف لأبعد من حياة الأرض!... يا رب عطينا نحفظ بقلوبنا بذور محبتك والصلا والإيمان ونخبّيها من كل شي في كوارث وشرّ وتخريب ونزرعها لتزهّر بكرا أحلى... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

ما تحرمنا هالنعمة بيقول القدّيس البولّندي مكسميليان كولبي : "لو حدث وشَعَرَت الملائكة بالغيرة من بني البشر الذين هم على الأرض فسيكون لتلك الغيرة سبب واحد ألا وهو القربان الأقدس."  بيوم الربّ، كلنا مدعوّين لنلتقي بيسوع ان كان بالكنيسة بالقربانة أو بالمناولة الروحيّة للّي مش قادر يكون موجود بسبب التدابير اللي فرضها علينا فيروس كورونا. منصلّي اليوم عا نيّة كل مرضى كورونا و منطلب منّك يا رب تخلّصنا من هالفيروس حتّى نقدر نرجع نزورك ونخدمك إنت اللي عطيتنا جسدك ودمّك ما تحرمنا هالنعمة... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

شغلتين بيقتلو صاحبن بيخبرو عن مرا ماشية عالطريق شافت صفّ ناس طويل قالت أكيد في شي محل عامل عرض أو الدولة عم توزّع شي وقفت مع هالناس. مَرَق وقت هالصفّ ما عم يتحرّك!  سألت اللي قدّامها شو عم يصير هون؟ قلها ما بعرف، سألت اللي وراها قلها ما عندي فكرة شفت هالناس واقفين وقفت! أكلتها الحشريّة من جوّا خلص بدا تعرف شو في. قرّبت عند الواقف أوّل واحد سألتو : شو ناطر ما بتزيح تا يمشي الصفّ ويجي دورنا؟ قلها بإستغراب : دور شو؟! قالتلو شوف كل هالناس ناطرينك! قلها : يا عمي انا بيتي هون!... وقفو كلّن بالشمس عالفاضي من ورا طمعن وحشريتن وهالشغلتين بيقتلو صاحبن وبيحرموه من السلام الداخلي! والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

لازم نساعد حالنا!  اليوم بيصرلو شهر إنفجار مرفأ بيروت، هالحمل التقيل عا قلب كل لبناني لو كان بحياتو مش نازل عا بيروت! بيقولو الوقت بيشفي الجروح بس هالجرح بدل ما يشفى مع الوقت عم يزيد! عم يزيد وجع خسارة اللي منحبّن، عم يزيد وجع الجرحى اللي ترك هالإنفجار بصماتو عا أجسامن وبذاكرتن، عم تزيد صدمة خسارة جنى العمر البيوت وبواب الرزق! بلاد العالم كلها حسّت معنا وساعدتنا مشكورة بس هالمرّة نحنا لازم نساعد حالنا! البابا فرنسيس أعلن اليوم ٤ أيلول يوم عالمي للصلاة لأجل لبنان... كل بلاد الأرض رح تصلّي معنا وإلنا بهاليوم... يا رب إفتح بواب السما، إسمعنا، إستجب لنا! ما إلنا غيرك تفهم علينا وتعرف وجعنا وتخلّصنا وتوعّينا من الصدمة اللي كل ما تسكَّر باب بقوّة مننقَز، كل ما غمّضنا عيوننا بيرجع المشهد... يا ربّ إرحمنا وقدّرنا نكمّل ونرجع نوقف... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدا