الزوادة اليومية

[ ذوي الإرادة الصلبة ]   في خبر شفناه عا وسائل التواصل الإجتماعي عن ستّ عندها مشكلة بالسمع و هيّي عادة بتستعمِل لغة الإشارات تا تتواصل مع محيطها. هالستّ متل الكل مضطرّة تلبس الكمّامة للوقاية من فيروس كورونا وبس يتغطّى التِم بيصير فيه صعوبة بلغِة الإشارات ولا بتقدر تقرا حركة شفاف الأشخاص التانيين!  فكّرت كيف بدّا تحلّ مشكلتها ولقيِت الحلّ. صنعت بالبيت كمّامات إلها ولأفراد عيلتها وعا مطرح التِم قصّت القماش وحطّت مطرحو شقفة بلاستيك شفّافة!  هيّي ما كانت مفكرة أبداً انّو رح ينطلب منها كميّات خياليّة من هالمنتج اللي إخترعتو من ورا حاجتها للتواصل!  بس المجتمع ما يِهتم باللي عندن أوضاع خاصّة  بيضطرّو يتّكلو عا حالن لحل مشاكلن...  منصلّي اليوم عا نيّة كل شخص من ذوي الإحتياجات الخاصّة حتّى  يغمرو بنِعَمو ويعَوضو أضعاف وأضعاف عن القدرة اللي ناقصتو!... صلّو معنا عهالنيّة... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أع

[ هلمّ يا روح الله ]   بيقول القدّيس باسيليوس الكبير:  "كما أنّنا لا نستطيع أن نفصل النار عن فعل التدفئة، ولا النور عن فعل الإضاءة؛ هكذا لا نستطيع أن نفصل عن الروح القدس فعل التقديس وتجديد الحياة والإصلاح والتقويم." يا رب كتار مِنّا مش قادرين يوصلو عالكنايس بالوضع اللي نحنا فيه، كتار مِنّا عليهن ضغوطات من كل الأنواع ما عم يعرفو يصلّو عطيهن موهبة التقوى، كتار مِنّا خايفين عاللي بيحبّوهن و مش عارفين وين رايحين عطيهن موهبة الفهم ، كتار مِنّا يا رب واقفين محتارين قدّام كذا خيار مصيري و مش عارفين يقرّرو عطيهن مواهب الحكمة و المشورة ، كتار مِنّا يا رب غرقانين بأطماع هالعالم و ناسيين إنّن زوّار عالأرض عطيهن موهبة مخافة الله، كتار مِنّا يا رب بعدا عيونن معميّة عن الحقيقة، بعد في كتير إشيا ما بيعرفوها اعطيهن موهبة العلم، بتبقى يا رب موهبة القوّة، كلنا يعني كلنا بأمسّ الحاجة إلها خصوصاً بهالإيام الصعبة اللي عم نمرق فيها... اليوم بعيد العنصرة صلاتنا عا نيّة حلول الروح القدس ببيت كل واحد مِنّا... والله معكن... { نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض

[ إذا تعبان روح لعندو ]   بيقول أحد الكتّاب :  "الإنسان اللي بيخاف إنّو يتعذب، بيكون أصلًا عم يتعذّب بسبب الخوف اللي عايش فيه!" الكتاب المقدّس مَنّو أبداً كتاب تاريخ او قصّة، هوّي كتاب حياة، هوّي كلمة الله الحَي... من خلالو ربنا بيحكينا كل يوم وبين سطور آياتو منلاقي ٣٦٦ عبارة : لا تخافوا، وحدة لكل يوم بالسنة حتّى عامل حساب السنة الكبيسة! وكمان إبنو الوحيد تجسّد عالأرض و تعذّب عَنّا تا يخلّصنا! طيّب بالنسبة للخوف طمّنا والعذاب أخدو عنّا ليش بعدنا منشكّ!؟  ليش بعدنا منخاف؟ ليش بعدنا منعتل همّ!؟ الجواب سهل كتير!... لأننا مش قريبين كفاية من الله!  هوّي الملجأ و عندو بس منلاقي الراحة... ما تنسو انّو قلنا : "تعالوا إليّ يا جميع المتعبين والثقيلي الأحمال وأنا أريحكم"  إذا تعبانين يعني نحنا ما جينا لعندو!... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ المجاعة عنّا ]   بتقول القدّيسة الأم تريزا دي كالكوتا : "تسألوني متى ينتهي الجوع في العالم؛ وأنا أجيبكم: عندما نبدأ، أنت وأنا، بتقاسم ما هو موجود." من نحنا و زغار منسمع جملة ما حدا بيموت من الجوع، و منشوف بالكتب صورة الطفل الأسمر الضعيف الشهيرة اللي مكتوب تحتها: المجاعة في إفريقيا... بس مش مزبوط! وقت تشوف بَي عم يسرق قطعة جبنة من الدكّان تا يطعمي إبنو، وقت تشوف شبّ عم يسرق ربطة خبز تا يطعمي أهلو، وقت تشوف مهندس عم يطلب شغل بمحطّة بنزين تا ياكل، بس تشوف إم عم تطلب مساعدة تا تجيب حليب و حفاضات لطفلها... أعذرونا...  مبلا الجوع بيموّت و المجاعة عِنّا مش بأفريقيا! كلنا ثقة إنّو الله ما بيترك حدا، و كلنا إيمان برحمتو و محبتو، هوّي اللي قلنا كنت جائعاً فأطعمتموني... منشوف الفقراء عم يتقاسمو حبّة الزيتون و الأغنياء مسكرين دينَيهن بقصورن فوق! عا أمل صرختنا توصل لضمير الكل! و الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي ل

[ قفص الخطيّة ]   بيخبرو عن عصفور زغير قلّو بَيّو أوعى تبعد عن البيت لحالك بس حشريتو خلّتو كل ما طار شوي يقول بعد شوي برجع حتّى صار بعيد كتير وعتّمت الدني. لاقى بيت، فات من الشبّاك، شافوه الولاد نقزو منّو وصارو يصرخو وهوّي خايف منّن وعم يرجف! إجو الأهل بس سمعو الصوت وكمشو العصفور وحطّوه بقفص! الزوّادة بتقلّي وبتقلّك : هيدا مصير اللي ما بيسمع كلمة أهلو! ونحنا بَينا السماوي عطانا وصايا وقلنا شو نعمل وشو ما نعمل ونحنا ما عم نرد وطايرين متل هالعصفور وكل يوم منقول بكرا بتوب حتّى يبطّل يفيد الندم ونعلق بقفص الخطيّة ويسكّر علينا! بتذكّرنا هالقصّة بس قلنا ربنا أنتم أفضل من عصافير كثيرة، بتعرفو ليش؟ لأنّو حتّى لو صرنا بالقفص ربنا شايفنا (الله يراني) وين ما كنّا ومعو المفتاح وقادر يخلّصنا إذا نحنا طلبنا منّو بس هالعصفور أهلو حتّى مش عارفين وَينو ولا فيهن يفتحو القفص! والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معن

[ بيان صادر عن فايروس كورونا ]   تخايلو لو فيروس كورونا بيحكي، شو كان قال؟ أنا برمت الكرة الأرضيّة كلها وفتت عا بلاد العالم كلّو  وصرت أنقل من شخص لشخص منّن ما قدرو يتحمّلوني وماتو ومنّن طلعو أقوى. عبّيت المستشفيات وشغّلت الأطباء والممرّضين والشرطة ما خلّيتن يرتاحو ثانية. بلبنان بالأوّل ما إستقبلوني منيح، كانو بس إجي يتخبّو بالبيوت قمت إنتقمت منّن سكّرتلن أشغالن وكنايسن ومساجدن وكل شي بيحبّوه. كانو مفَكرين حالن اللبنانيّي خسَّروني بس هلّق من كم يوم خيّ أحسن كيف ما إمشي بلاقي ناس بلا كمّامات ومش منتبهين مفكرينني بعيد عنّن  بس أنا شايفن وهنّي لأ! قلبت المعادلة والهيئة رح إرجع إربح!... الزوّادة بتقلّي وبتقلّك : الحمدالله فيروس كورونا ما بيحكي، الحمدالله إنّو بعد عنّا فرصة نحمي حالنا واللي حولنا من كورونا! كون مسؤول تجاه حالك وعيلتك و بلدك ! والله معك ! {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقً

[ دوا لجوانحك ]   بيقول أحد الآباء : "ثق دائمًا عندما تذهب إلى الله مكسور الجناحين تعود محلّقاً" هالفترة بس تشكي همّك لحدا ٩٠٪ الجواب اللي رح يطلعلك : كلنا هيك، هالوضع عالكل، متلك متل كل هالناس، مش وحدك هيك.... كلنا جوانحنا مكسورين كل واحد من مَيل... بس ما بقا تلاقي عالأرض دوا لجوانحك وتصير شايف إنّك مستحيل ترجع تطير عَلِّي عيونك صَوب السما وأصرخ بكل ثقة وإيمان : يا رب! إذا من كل قلبك جيت عند الرب ما بترجع فاضي وشوف كيف بيِشفو جروحك وبيرجعو ريشاتك وبترجع طيران!... يا يسوع انا اثق بك... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ غربل أفعالك ]   بيقول القدّيس أغسطينوس : "المسيحي هو عقل يفكّر به المسيح، وقلب يحبّ منه المسيح، وصوت يتحدّث من خلاله المسيح، ويد يساعد منها المسيح." يعني بالمختصر أي تصرّف ما بيعكس صورة المسيح ما لازم نعملو!... الزوّادة بتقلّي وبتقلّك : بس نبلّش نغربل أفعالنا عهالأساس منبطّل مسيحيّين بس عالهويّة ومنصير مسيحيّين بالفعل... الله معك...! {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ لبنان مش لعبة ]   بيخبرو عن شباب عم يلعبو فوتبول كل شوي بيتخانقو! بالآخر واحد قلّن ما بقا بدّي إلعب، منجي تا نتسلّى منطلع عاملين مشكل وكرمال شي بلا طعمة كلها لعبة. كل مرّة هيك، ولا مرّة منقدر نكمّل مباراة! فكّرو كلّن ولقيو إنّو معو حق... وصارو كل واحد يتنازل شوي ويمشي الحال! الزوّادة بتقلّي وبتقلّك : هالشباب بيشبهونا نحنا اللبنانيين، منضل مختلفين و ولا مرّة وصلنا للآخر بشي أو طلعنا بشي نتيجة! بس الفرق إنّو لبنان مش لعبة! منصلّي اليوم عا نيّة كل لبناني، عا نيّة كل شخص بموقع مسؤوليّة، عا نيّة كل مريض، عا نيّة كل شخص بحاجة لصلا... عا نيّة لبنان كلّو! كلنا بحاجة لصلا... والله معك! {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها}

[ صفّي قلبك ]   بيخبرو إنّو شب عم يقول لخوري الرعيّة عندو إنّو ما بقا بدّو يعترف. سألو الأبونا ليش؟ جاوبو : يا ابونا عاطول برجع بعيد نفس الخطايا أكيد ربنا زهق منّي وأنا ما عم بتعلّم كل مرّة بندم بعد ما أخطي! قلّو الأبونا : طيّب إنت كل ما تنجوي الأرض ببيتك شو بتعمل؟ قلّو بمسّحها أكيد ! قلّو الأبونا : متل ما بيتك كل ما إنجوى بتنضفو وما بتخلّي الأوساخ تتجمّع مرّة فوق مرّة كمان نفوسنا هيك! الزوّادة بتقلّي وبتقلّك : كل ما نخطي لازم نطلب الغفران وما لازم نخلّي الخطايا تتجمّع بنفوسنا أبداً ولازم ننّضّف ونصفّي قلوبنا دايماً!... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ ما في شي مستحيل ]   كتار قطعو الأمل من لبنان، كتار بس تسألن شو الحلّ بيقولولك ما في شي بيخلّصنا من اللي نحنا فيه، كتار بيقولو مستحيل لبنان يخلص من مشاكلو ويصير بلد! قد ما نسمع كلمة مستحيل هالإيّام ما فينا ما نتذكّر أشهر أقوال القدّيسة ريتا : "إن آمَنتُم بالرب، ما من شيء مستحيل!" اليوم بعيدك يا شفيعة الأمور المستحيلة منطلب منّك تتشفّعيلنا عند الرب وتطلبيلنا رحمتو، و تساعدينا نواجه موجة المستحيلات اللي عم تجرفنا يوم بعد يوم... يا قدّيسة ريتا صلّي عا نيّة العالم كلّو حتّى يخلص من مرض كورونا وصلّي للبنان حتّى ينحلّو أزماتو عا أنواعها، إشفعي لهالشعب اللي بتلبقلو الحياة! ينعاد عا كل اللي حاملين إسم هالقدّيسة! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الصداقة الحقيقيّة ]   الصداقة بمجتمعنا فقدت جوهرها صارت بالإسم صداقة وبالمضمون سطحية! شي مرة سألت حالك ليش أنا أصحاب مع هالشخص؟ يمكن يكون الجواب: لأنو مهضوم، بيضحكني، بيسليني، منقضي وقت سوا، مندرس سوا، بعرفو من زمان، تعودت عليه، بيساعدني، بيسمعلي، بينصحني… هالأجوبة ما بتقنع! الصداقة الحقيقية ما بدا مبررات. الصديق الحقيقي هوي صديق وبس نقطة عالسطر! يسوع هوي المتل الوحيد عن الصديق… بيحبك مع انك أوقات ما بتكون منيح بحقو وبتزعلو، إذا بعدت عنو ما بيتركك بيضل حدك وبيساعدك عالسكت بلا ما يربحك جميلة، بيتقبلك متل ما إنت بلا شروط ما بدو منك تتغير، دايماً حاضر بس تعوزو وفيك تحكيه ساعة اللي بدك بالليل أو بالنهار، وصلت صداقتو إنو يضحي بحالو ويموت كرمالك! الزوّادة بتقلّي وبتقلّك : إذا ما لقيت صديق إلك بين البشر كون أكيد إنك مش وحدك يسوع معك وحدك وصديقك عا طول الإيام. والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّ

[ صلاة القلب ]   بيقول القدّيس كليوبا إيليّا الروماني : "يمكن للناس أن يصلّوا بلا إنقطاع شرط أن يقفوا دائماً أمام الله في القلب والعقل. ويمكن أن يمارسوا عمل أيديهم، فيما قلوبهم وعقولهم مرفوعة إلى الله. علينا أن نفهم أن حياة الناس هي صلاة غير منقطعة عندما يتحوّل عقلهم نحو الله." الزوّادة بتقلّي وبتقلّك : شغلك هوّي صلا مش حجّة حتّى ما تصلّي! مش تقول مش قادر شارك بصلا المسبحة عندي شغل! في ناس فاهمة الصلا كأنّو واجب كأنّو حمل تقيل بوقت الصلا هيّي طريقة حياة! صلّو من قلبكن، احكو مع سكّان السما، ما حدا غيرن عندو حل لكل صعوبة عهالأرض! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ نقطة قوّة ]   أكتر حجّة منقولها لربنا كل ما غلطنا : سامحنا يا رب نحنا ضعاف! كتير أوقات منتخبّى ورا ضعفنا البشري بس بتعرفو شغلة، إذا منجي نفكّر ما في إنسان ضعيف بالمطلق، في إنسان مَنّو عارف نقط قوتو! شو رأيكن من اليوم نبلّش نفتّش عا نقط قوّتنا ونستثمر فيهن ونشوف نقط ضعفنا ونشتغل حتّى نقوّيهن، ممنوع حدا بقا يقول أنا ضعيف! الزوّادة بتقلّي وبتقلّكن : في قول منسوب لمار شربل وبغض النظر إذا كان عنجد قالو او لأ بس أكيد بيوافق عليه هوّي وكل القدّيسين : "ضعفك حتّى تتغلّب عليه مش حتّى تتحجّج فيه ..."  والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ السلام يبدأ من منزلك ]   بكل مسابقات الجمال بس يسألوهن إذا ربحتو شو القضيّة اللي رح تدافعو عنها؟ نصّن بيقولو حقوق المرأة والنصّ التاني السلام بالعالم! القدّيسة الأم تريزا دي كالكوتا لقيت الحل للسلام العالمي بكل بساطة! قالت : "ما الذي يمكنك فعله لتعزيز السلام العالمي؟ إذهب إلى منزلك وأحبب عائلتك." إذا كل واحد حبّ عيلتو وكان بَيتو فيه سلام والعالم مجموعة بيوت وعِيَل بينتشر السلام وين ما كان! كل واحد يبلّش من حالو، حِبّو عِيَلكن، خافو عا بعضكن، هالظروف الصحيّة الصعبة لازم تقرّبنا مش تفرّقنا! هيدي فرصة تا نقضّي وقت مع بعضنا... الزوّادة اليوم صلا  عا نيّة السلام العالمي، عا نيّة كل العِيَل تبقى متماسكة و عا نيّة ضحايا العنف الأسري... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الأرقام والقيمة ]  في ناس بتعرف إنّو ربطة الخبز مثلاً حقها ١٥٠٠ ليرة بس بتعتبرها تحصيل حاصل وما بتعرف قيمتها. في ناس عندها فكرة إنّو معدّل حقّ البيت تقريبا ٥٠٠ ألف دولار بس ما بتعرف قيمة يكون في عندك سقف يأويك... وإذا بدنا نعِدّ ما منخلص... العبرة هيّي إنّو كتار اللي بيعرفو الأرقام والأسعار بس قلال كتير اللي بيعرفو القيمة والفرق كبير!... فكرو فيها... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ المسامحة ]   أوقات كتير حدا بيغلط بحقنا ما منقبل إعتذارو و ما بقا منحكي معو. أوقات بالعكس نحنا منغلط بحق حدا ومنعتذر وما بيقبلو يسمعونا أو يسامحونا. وكلنا عنّا أمثلة كتير! حتّى إنّو في مشاكل عمرا أجيال لَوَرا وبيورثوها بالعيلة! طيب كلنا منعرف إنّو سر الإعتراف أو سرّ التوبة واحد من أسرار الكنيسة السبعة. إذا ربنا بيقبل التوبة مين نحنا تا ما نقبلها!؟ أهم من ربنا نحنا يعني؟ أكيد في إشيا بدّا وقت وفي جروح بدّا وقت أكتر من غيرا تا تشفى بس الأكيد إنّو القلوب الصافية والنيّة الطيبة وإذا سلام المسيح موجود بحياتنا ما فينا ما نسامح! إذا منآمن عنجد ما فينا ما نسامح قد ما كان السبب كبير وصعب! الزوّادة بتقلّي وبتقلّكن : البابا يوحنّا بولس الثاني سامح اللي جرّب يقتلو، يسوع سامح اللي صلبوه وإنتو شو ناطرين؟!... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ فكرو فيهن كمان ]   بيخبرو عن صبيّة بتشتغل ببَنك، بهالوضع اللي نحنا فيه بتروح عالشغل بتشوف وجع الناس وبتتحمّل عَصَبِيتن وبيصرخو عليها و ما بيفَكرو إنّو هيّي متلها متلن ومضطرّة تعمل شغلها متل التعليمات بس هيّي بتضَلّ تحسّ معُن وتقول حقّن خايفين عا تعب حياتن. ومن ميلة تانية العجقة اللي عم تصير والناس ما بتلتزم بالوقاية ولا بيبعدو عن بعضن ومنّن بلا كمّامات وكلّن بدّن شغلتن مع بعضن بيقولو نموت من كورونا أحسن ما نموت من الجوع وهالبنت بتضلّ عتلانة هم تنعدي وتنقل الفيروس لأهلها اللي ما بيحملو هيك شي. تخايلو هالجو بالشغل وخوف من حالها بالبيت بتضل وحدها بأوضتها! هيدا مثل من كتار مضطرّين يتعرّضو للخطر كل يوم وبيخافو ينقلوه عا بيوتن، هيدا بعد ما حكينا عن الأطبّاء والممرّضين والأمنيّين... يا رب تحمي الكل و تزرع الوعي والمسؤوليّة بضمير الكل، فكرو فيهن كمان... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ما

[ دفشة لقدّام ]   منقرا بالعهد القديم : "الطويل الأناة يصبر إلى حين، ثم يعاوده السرور" (سفر يشوع بن سيراخ ١: ٢٩) ومنقرا بالعهد الجديد : " الَّذِي يَصْبِرُ إِلَى الْمُنْتَهَى فَهذَا يَخْلُصُ" (إنجيل متى ١٠: ٢٢؛٢٤: ١٣؛ إنجيل مرقس ١٣: ١٣) وغيرا من الآيات بالعهدين بيحكو عن الصبر و علاقتو المباشرة بالخلاص. نحنا اليوم بوضع أكتر شي بحاجة لكلمة حلوة، لكلمة بتشجّع، لكلمة بتعطي أمل ، متل ما بيقولو عاللبناني بدنا دفشة لقدّام! منوعدكن إنّو بقلب كل هالعتمة اللي حولنا نكون عم نجرّب نضوّي لو شمعة زغيرة ونذكّركن إنّو نحنا ولاد الرجا.... الزوّادة اليوم صلاة : يا رب منشكرك عا كل الإيّام اللي مرقت واللي علّمتنا دروس نضجتنا وكبّرتلنا عقولنا وقلوبنا، عطينا نقدر نكمّل للآخر... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الإمتحان الصعب ]   "ان الضيقات هي عمليّات تجميل يجريها الرب يسوع في نفوسنا" (ابونا بيشوي كامل)  يمكن نحنا عم نمرق بظروف من الأصعب بتاريخ لبنان حتّى أكتر من الحروب! هالضيقات وخصوصاً كورونا لازم تعلّمنا شي! إذا طلعنا من هالجو متل ما كنّا قبلو يعني في مشكلة! صار الوقت نعرف مثلاً قيمة الناس اللي منحبّن ونحميهن ونخاف نخسرن، صار الوقت نشكر الله عا نعمة الصحّة، صار الوقت نشكر الله عا كل لقمة خبز عم ناكلها بوقت في ناس بتنام جوعانة، صار الوقت نعرف قيمة الروتين اليومي اللي ما مرق يوم قبل ما إشتكينا منّو وغيرها وغيرها... الزوّادة بتقلّي وبتقلّكن : إذا سمح ربنا بالضيقة مش يعني عم يقاصصنا، هيّي إمتحان لإيماننا وصبرنا! الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ فكّر بغيرك ]   بيخبرو عن وكر نمل بجنينة. جوّا عالم تاني، كل واحد عندو دَورو وملتزم فيه من الملكة، للجنود، للعمّال... كلّن بيتساعدو حتّى يجمعو مونة الشتي حتّى الكلّ يكون بأمان من الجوع بوقتها.   هالعالم المنظّم اللي خلقو ربنا تحت الأرض، شو بينقصنا نحنا حتّى نكون متلو؟ ليش هنّي بيحبّو بعضن وبيساعدو بعضن ونحنا كل واحد بالو بأنانيتو؟ ليش هنّي ماشيين عالقانون وملتزمين بدورن ونحنا بدنا اللي إلنا واللي لغيرنا؟... فوق كل هيدا منستخفّ فيهن، منقول شو فيك تعمل ما كلّك قدّ النملة! مع إنّو النملة بتعمل كتير! الزوّادة بتقلّي وبتقلّكن : كل مخلوق تحت هالسما ربنا عاطيه دور، نحنا زيادة عن الدور عطانا حريّة وهيّي اللي عم نستعملها غلط! اليوم كلنا لازم نساعد بعضنا ونلتزم بمعايير السلامة والوقاية حتّى ما يفوت كورونا عا بيوتنا، لمرّة فَكرو بغيركن، فَكرو بأهلكن، باللي حولكن!... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معن

[ زيارة سماويّة ]   بـ ١٠ و ١١ أيّار ١٩٩٧ كانت زيارة القدّيس البابا يوحنّا بولس الثاني للبنان. بهالنهار البابا القدّيس بارك لبنان وشعبو وقال إنّو لبنان أكبر من بلد وقال عنّو رسالة. الزوّادة بتقلّي وبتقلّكن : اليوم بعد ٢٣ سنة، قدّيش نحنا بحاجة لهيك زيارة "سماويّة" لوطننا الغرقان بالمرض والفقر والمشاكل من كل الأنواع! صلاتنا اليوم لهالقدّيس خاصة ولكل شفعائنا بالسما حتّى يصلّولنا... يا رب ما تترك هالبلد الزغير، إنت اللي زرت ترابو وإمّك نطرتك هون، ما تنسى يا رب هالوطن اللي قدّم كتير قدّيسين وطوباويّين ومكرّمين عا مذابح روما... كلنا إيمان ورجا إنّو بس تعجز أساليب الأرض بيتجلّى مجد السما... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ جشع وطمع التجّار ]  كيف ما برمنا حديث الساعة الوضع الإقتصادي وغلا الأسعار. في إشيا مقبولة وإشيا ما بتقطع بأي طريقة. مثلاً بتخبّر ست عن شي صار معها بسوبرماركت. نقّت تشكيلة خضرا بيناتن خسّة. وصلت عم تحاسب بتسمع الشب اللي عالصندوق عم يقول للشب اللي بيعبّي الغراض : هيدي الخسّة بس حقها ١٠٠٠؟ قلّو إيه. قلّو ما ليك كيف كلها قلب ما بينكب منها و لا ورقة. منسمع كتير عبارة "جشع وطمع التجّار" بس هيك كتير! صار الإنسان مهدّد بلقمة عيشو بأبسط حقوقو! ما أحوجنا إلك يا رب تجي تطرد التجّار من الهيكل، يا رب ما تترك حدا جوعان، ما تخلّي حدا ينام وعتلان هم بكرا... أعطنا خبزنا كفاف يومنا... والله معكن! {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الأهين والأصعب ]   الزوّادة اليوم حزّورة.  بالحياة في شي هوّي الأهيَن والأصعب بنفس الوقت، شو هوّي؟ الجواب هوّي الخطيّة! هيّي أهين شي لمّا نكون عم نشوف غيرنا عم يعملها وندلّ عليه وهيّي الأصعب لمّا نحنا نغلط وننجبر نتحمّل نتيجة أفعالنا!! "لِماذا تَرَى القَشَّةَ فِي عَينِ أخِيكَ لَكِنَّكَ لا تُلاحِظُ الخَشَبَةَ الكَبِيْرَةَ فِي عَينِكَ أنتَ؟..." الزوّادة بتقلّي وبتقلّكن : كل مرّة بتجو تا تضوّو عا غلطة حدا تذكّرو هالشي... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ قوّتنا منّو ]   ما حدا بيقدر يخرّب الحديد إلّا الصدي اللي منّو و فيه! نفس الشي بالنسبة للناس ما في شي بيقدر يخربك إلّا أفكارك! الزوّادة بتقلّي وبتقلّك : حتّى تكون ربحان بالحياة ما تنطر حدا يقدّملك الربح، إنت بدّك تشتغل عا حالك وتطوّر إمكانيّاتك وتقوّي نقط ضعفك وقتها بس بتربح! الحياة ما رح تقدّملكن هدايا، لازم نتعب تا نوصل!  كل ما تتعبو تذكّرو إنّو ربنا ما خلقنا ضعاف، نحنا ولادو وقوّتنا مناخدها منّو! "إذا دخل اللَّـه في عمل ، دخلت القوّة في هذا العمل . ودخلـت فيـه البركـة ، ونجــح" (البابا شنودة الثالث...) والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ محبّة الله إلنا ]   بيقول القدّيس أغسطينوس : "إنّ الله يحب كل إنسان كما لو كان وحده في الكون" متل الولد الوحيد أهلو ما بيكونو شايفين حدا غيرو، هيك ربنا مع إنّو في عالأرض شي ٧ مليار نسمة بس هوّي شايف كل واحد كأنّو وحدو! عم تتخايلو قدّيش بيحبنا! ونحنا بعدنا منشكّ فيه، منعاتبو عا أقلّ بحصة بطريقنا، منسألو وينك تاركنا لحالنا، كل ما صار شي مش عا ذوقنا منقول الحق عا الله سمح يصير هيك... وغيرا وغيرا... هيك عم نبادلو محَبتو اللي ما بتخلص! الزوّادة بتقلّي وبتقلّكن : كونو أكيدين إنّو لو ربنا بدّو يعاملنا بالمثل كنّا تقاصصنا بقساوة متل قلوبنا اللي مش مصَدْقَة إنّو في محبّة هلقَدّ كبيرة وصادقة وما بدها شي بالمقابل!!... عيدو حساباتكن وإرجعو للرب لأنّو هوّي وحدو سندنا حتّى وقت الكل يتركنا... "رفعتُ عينيّ إلى الجبال من حيثُ يأتي عوني معونتي من عند الربّ صانعِ السما والأرض. لا يَدَعُ رِجْلَكَ تَزِلّ لا ينعسُ لا ينامْ الربُّ يَحْفَظُكَ الربُّ سِتْرٌ لكَ." (مزمور ١٢١)  والله معكن... 

[ عيد الشهداء ]  كتار كتير اللي إستشهدو تا يبقى لبنان، كتار كتير اللي ضحّو بحياتن لأنّن مقتنعين إنّن عم يساعدو تا يكون لبنان أحلى للأجيال اللي جايي... اليوم بالـ ٢٠٢٠ لو كانو هنّي هون شو كانو قالو؟ ولو التاريخ بيرجع، كانو رِجعو إستشهدو كرمال هيدا اللبنان اللي نحنا فيه اليوم؟ معقول حدا يستشهد ويقول فِدا الوطن تا نكون ببلد فيه الشعب عم يموت من الجوع ومعاشاتن ما بقا تسوى شي والناس بلا شغل و بتنهان ١٠٠ مرّة بالنهار وإذا مرضت ما بتستقبلن المستشفى وإذا بدنا نكمّل نعدّ ما منخلص.... منعتذر منكن يا شهدا الأرز ما حافظنا عالأمانة.... يا رب إنت أمّنتنا عا أرض اللي إمّك نطرتك فيها، عا أرض القدّيسين ونحنا ما كنّا قدّ الأمانة، إرحمنا وترأّف فينا... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ فتّش عالمضمون ]   بيخبرو إنّو بيوم من الإيّام بخزانة مطبخ صار هالحديث بين السكّر الأبيض، الملح و السكّر الأسمر. السكّر الأبيض قلّو للملح إنت خيّي الأصلي، زعل السكّر الأسمر إنّو هوّي أكيد أقرب للسكّر الأبيض من الملح مع إنّو شكلو مش متلو بس الجوهر ذاتو و الملح مع إنّو أبيض بس طعمتو غير عالآخر!  والناس هيك... الزوّادة بتقلّي وبتقلّكن : فَكرو فيها، و ما تنغشّو بالشكل و عاطول فَتشو عالمضمون، تذكّرو شو قلنا يسوع المسيح : يَأْتُونَكُمْ بِثِيَاب الْحُمْلاَنِ، وَلكِنَّهُمْ مِنْ دَاخِل ذِئَابٌ خَاطِفَةٌ!... والله معكن.. {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ تكريم مريم العذراء ]   بيقول أحد الآباء :  "إن الذّي لا يكرّم الأم العذراء فهو يسيء إلى إبنها الذي دفعها بالروح القدس أن تقول هوذا منذ الآن جميع الأجيال تطوّبني." بهالشهر المريمي اللي إجا السنة بظروف إستثنائيّة ويمكن مش قادرين نكرّم إمنا مريم متل ما معوّدين، بس متل ما بيوتنا صارت كنايس زغيرة خلّوها تكون كمان مزارات ريحتها بخّور و صلا!... شفاعة مريم ترافق كل شخص منكن و الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ أترك أثر ]   هالمعلومة منقولة من صفحة الأم تريزا عا فايسبوك. هالمعلومة عن ست إسمها إيلين هانا يمكن ما حدا منكن سامع فيها بس بتعرفو شو عملت؟ هالست توفّت عمرها ٨٦ قضت منّن ٥٠ عم تقرا كتب و تسجّلن بصوتها و تحطّن عالإنترنت حتّى يقدرو يوصَلولن الأشخاص العميان بدون أي مقابل. مين بعد عم يعمل شي بهالإيام بلا مقابل؟ مين عم يفكّر بغيرو؟ مين عم يتطلّع عا حاجات غيرو و يفكّر كيف قادر يساعد؟ كتير إشيا فينا نعملها غير التبرّعات الماديّة و بتبقى لوقت أطول محفورة بالقلوب. أكيد ولا شخص كفيف سمع كتاب بفضل هالست رح ينساها! الزوّادة بتقلّي وبتقلّكن : فكرو كيف فيكن تتركو أثر يعلّم... و ما تنسو كل ضحكة شخص عالأرض بتساهمو فيها بتنكتب بحروف كبيرة بسجلات السما... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ محبّة بلا شروط ]   بيخبرو عن ست غنيّة دبحت خواريف و قرّرت تعزم ولاد الضيعة. بعتِت بنتها تخبّر الناس و تعزمن. هالبنت ذكيّة كتير راحت عند الناس و صارت تقلّن دخيلكن ساعدونا عنّا عطل كهربا و صار في نار و رجعت عالبيت. لحقوها كم شخص و بس وصلو لقيو العزيمة! قالتلها إمها ما قلتي للكل؟ جاوبتها مبلا قلتلّن إنّو ولع بيتنا و اللي لحقوني هنّي اللي بيحبّونا عنجد مش عن مصلحة! في ناس بتحبّك لأنّك إنت و في ناس بيكونو بحياتك لأنّو وجودك مناسبن و طالعلن شي بالمقابل... المحبّة الحقيقيّة هيّي اللي بلا شروط، هيّي عفويّة، ما عندها حسابات! الزوّادة بتقلّي وبتقلّكن : يسوع حَبنا عا علّاتنا اللي ما في أكتر منها و مات كرمالنا و ما طلب مِنّا شي بالمقابل! يا يسوع إنت المعلّم الأوّل، علّمنا نحبّ متلك... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطل