زوّادة يوم ٢ شباط ٢٠٢٠/القناعة/

[ القناعة ] 

بيخبرو عن زلمي مين ما شاف بيقلّو أنا فقير وما معي مصاري وشو بدّي أعمل.

بلِغِّتنا اليوميّة منقول بيضَل "ينقّ".

مرّة كان عم يحكي مع رجّال ختيار وعم يحكيه بنفس الموضوع.

قلّو الختيار : بتقبل يكون معك مليون دولار وتكون مشلول؟

قلّو لأ، قلّو طيّب بتقبل يكون معك مليون دولار ويكون معك سرطان؟

قلّو أكيد لأ، قلّو معقول تقبل يكون معك مليون دولار وتكون أعمى وأخرس؟

جاوب : مش معقول أبداً...

قلّو الختيار أشكر الله عالنعم اللي عندك ياهن والمصاري ما بتقدر تشتريهن بدل ما تشكي عالفاضي.

الزوّادة بتقلّي وبتقلّك :

بدل ما تطلب الكتير إقتنع بالقليل و تعلّم تشكر الله عا كل شي وتصلّي وتقول بكل قناعة: أعطنا خبزنا كفاف يومنا... والله معك...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}