الزوادة اليومية

عيد الجيش مين مِنّا ما بيتذكّر كيس الجنود البلاستيك الزغار الخضر؟ كلنا نحنا و زغار، صبيان و بنات، كنّا نصفّن و نلعب فيهن و نعمل خطط هجوم و خطط دفاع و نعمل حروب و كل واحد يدافع عن أرضو و نحتفل بالنصر و الجندي اللي بيموت اليوم بالمعركة بكرا رح يرجع عاللعبة!  بعدين كبرنا و صرنا نعرف إنّو الحقيقة ما بتشبه اللعبة إلّا بشغلة وحدة... الجندي اللي بيستشهد كرمال وطنو ما بيموت و بيرجع يخلق من جديد بقلب كل عنصر بهالجيش! الزوّادة اليوم تحيّة صلا لجيش لبنان بعيدو و منطلب من الرب يكون رفيقكن و ينوّر طريقكن!  والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

ما خلصت القصّة! بس نتأمّل بالعهد القديم، منشوف بجزء من سفر الملوك صورة الوضع البشع و اللي بيزعّل اللي انوصل إلها بهيديك الإيّام و كيف إنتشرت عبادة الحجار و الحيوانات و الأوثان... اللي بيقرأ عن هالفترة ما بيتخايل إلّا إنّو الله و كل شي خصّو فيه ضِعِف و إختفى و إنّو خلصت القصّة! بوقتها اللي فكّرو إنّو الله خِلِص ما كانو بس الأشرار كمان حتّى المؤمنين بالرب ضعفو و تفرّقو و ما بقا عندن أمل... كل اللي حلّلو و تصرّفو بوقتها إن كانو مناح أو لأ نسيو شغلة كتير مهمّة! نسيو الله! معقول بقلب كل هالسواد و الوضع الصعب ربنا يترك شعبو و يتفرّج؟ ربنا بيُنطر تا الشر يفَرجي كل قوتو و ما يبقى عندو شرّ ما طلع ساعتها ربنا بيتدخّل! بوقتها ربنا بعت مار الياس اللي كان صارم كتير مع الأشرار و كرمال هيك معروف عنّو غيرتو عالربّ و هوّي من المدافعين الشرسين عن الله! شو بيشبه اليوم هيديك الإيام بالسواد و بالشر ... يا رب عطينا القوّة نصمد و ندافع عن إسمك...تدخّل يا ربّ... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {

سنوبي و رورو بيخبرو عن شرطي شاف بنت زغيرة مع إمها بمحل. الزغيرة حاملة معها لعبتين وحاطّتلن كمّامات حتّى تحميهن من كورونا! لفتتلو نظرو للشرطي قرّب قلها شو إسمن ألعابك؟ قالتلو هيدا إسمو سنوبي و التاني مش إلي بس إسمو رورو.  قلها لمين تاني لعبة؟ فكّر رح تقلّو لإختي أو هيك شي و تفاجأ بس قالتلو : رورو لرفيقتي هيّي مريضة ما فيها تضهر من البيت بتعطيني رورو آخدلها ياه مشوار و برَجعو. براءة هالزغيرة ما فيها ما تذكّرنا بس قال الرب يسوع: إن لم تعودوا كالأطفال لن تدخلوا ملكوت السماء... قدّيش نحنا اليوم بعاد عن نقاوة قلوب الأطفال... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

طفح الكيل  بيخبرو عن كبّاية كانت فاضية نسيوها تحت حنفيّة عم تروّح مَي، شوَي شوَي فوّلت الكبّاية وإذا بتنزل نقطة زيادة بتْطُوف وبتْكِب لبرّا. نحنا بالحياة متل هالكبّاية والحنفيّة هيّي صعوبات الحياة ومشاكلها اللي كل ما تزيد نحنا عم نتقبّل أكتر وأكتر بس رح يوصل وقت ما بقا نقدر نتحمّل أبداً! كتار مِنّا فاضو كبّاياتن، كتار مِنّا البحر ما بيساع المَي اللي جوّاتن! يا رب الصلبان كتيرة مِنها الكبير ومنها الزغير، مِنها عا شكل ناس، مِنها عا شكل أمراض وغيرا وغيرا. نحنا ما عم نشتكي إنّو ما بدنا نحملها أبداً وعارفين وكلنا إيمان إنّو هالصلبان والعذاب الأرضي قبالن في فرح أبدي معك بالسما!  بس منصلّيلك يا رب وقت تحسّ إنّو كبّايتنا إنتلت عالآخر حطّ بطريقنا حدا متل سمعان القيرواني يساعدنا بالحمل ونتشارك معو اللي زاعجنا ومشاكلنا، وكون إنت رفيق اللي ما عندو حدا يتّكل عليه... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" ال

بتشوفها بغير طريقة بيخبرو عن رجّال ختيار من الحِرفيّين اللي بيشتغلو بإيدن بس شغلتو مش عاديّة. هوّي بيجمع القزاز المكسور وبيعمل منّو لوحات وتحف.  إجمالاً نحنا بالبيت إذا إنكسر صحن، كبّاية أو أي شي منكبّو.  بس الإشيا اللي بتنكسر إذا وقعت بإيد بتشوفها بغير طريقة بترجعها أحلى من ما كانت!  نحنا هيك كتير صعوبات ومشاكل منواجهها بالحياة بتكسرنا. يمكن الناس يكبّونا متل اي شي مكسور ومش أكيد رح نلاقي بيناتن حدا يعذّب حالو ويشوف هالقطع الزغيرة، منّن رح يقولو مش حرزانة ومنّن رح يخافو يجرحو حالن بشي قطعة ومنّن بيفَضلُو يفَتشو عا حدا كامل مش مكسور.  ما في إلّا ربنا قادر يرجع يجمع هالشقف المفرفطة و يطلّع منها إنسان جديد أحلى وأقوى... أنت أيها الرب القوي إله الصباؤوت، أستطيع كل شيء في المسيح الذي يقوّيني... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

المجتمع هوّي المريض! بيخبرو عن عيلة مؤلّفة من بَي وإم وطفلة. هالزغيرة مميّزة ومش متل غيرها لأنّو عندها توحّد. راحو مرّة يزورو جيرانن، صار الجار كل ما قرّبت هالبنت حدّ إبنو يبَعدو عنها، مرّة، تنين، تلاتة لاحظو أهلها هالشي زعلو كتير وأخدو بنتن وفلّو. هالطريقة البشعة بالتعاطي بيواجهوها كتار من ذوي الإحتياجات الخاصة مش بس اللي عندن توحّد. للحقيقة مش هنّي المرضى، المجتمع هوّي المريض!  هالأشخاص ربنا إختارن ملايكة عالأرض كيف بتسمحو لحالكن تنتقدو هالخَيار!... سأل التلاميذ المسيح عن مولود أعمى منذ ولادته قائلين : «يَا مُعَلِّمُ مَنْ أَخْطَأَ: هَذَا أَمْ أَبَوَاهُ حَتَّى وُلِدَ أَعْمَى؟»; أَجَابَ يَسُوعُ: «لاَ هَذَا أَخْطَأَ وَلاَ أَبَوَاهُ لَكِنْ لِتَظْهَرَ أَعْمَالُ اللَّهِ فِيهِ ...من له اذنان سامعتان فليسمع... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من

بين الأم والقداسة مين ما بيعرف القدّيس أغسطينوس؟ هوّي تعرّف عا يسوع من خلال إمّو و وصل للقداسة. مين ما بيعرف القدّيس يوحنّا فم الذهب؟ كمان تعرّف عالرب بفضل إمّو اللي انقال عنها : "ما أعظم النساء عند المسيحيين" وصار من أعظم القدّيسين!  وفي أمهات هنّي قدّيسات أوّلن إمنا مريم، القدّيسة حنّة، القدّيسة أليصابات، القدّيسة ريتا... بالمختصر، بين الأم والقداسة علاقة ورابط قوي متل كأنّو ربنا ربطن ببعضن بحبل خفي! يا رب بهالإيّام الصعبة أعطِ أمّهاتنا اللي عالأرض نعمة الصبر وهنّي ينقلوها لولادن وعيالن ولأمّهاتنا اللي بالسما يصلّولنا من فوق!... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

إجمع ولا تفرّق بيخبرو عن مجموعة أدوية تنضيف عم يتخانقو مع بعضن.  واحد يقول إنت ما بتنضّف منيح ما حدا سامع فيك، بيردّ عليه التاني بيقلّو وإنت غالي كتير ما حدا عم يشتريك خلّيك عالرفوف بالمحلّات. قال واحد تاني إنتو كلكن مش أصليّين انطرو تا تعرف فيكن الدولة بتنكبّو وصارو يعلّو صوت ورا صوت... مع إنّو كلّن أدوية تنضيف وهدفن النضافة، لازم يشوفو الإشيا اللي بتجمع وما بتفرّق! والناس هيك، بيتخانقو بالإيمان وكل واحد بيحكي عن التاني مع إنّو الكل هدفن موحّد هوّي ربّ واحد! مش مضطرّ تخوّن خيّك الإنسان حتّى تفرجيه إنّو إيمانك صحّ!  كلنا منعبد ربّ واحد كل واحد عا طريقتو! بيقول يسوع المسيح :  سيضطهدونكم بإسمي! و بيقول كمان من ضربك على خدّك الأيمن أدر له الأيسر... قبل ما تتصرّفو بأي موقف تذكّرو هالآيتين سوا... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

أكرم أباك وأمّك بيخبرو عن شب إمّو ساكنة بمدينة بعيدة شوي عنّو عم يخبّر رفيقو بالشغل إنّو ما بيروح لعندها إلّا شي تلات مرّات بالسنة لأنّو ما إلو جلادة عجقة السير!  دمّع رفيقو وقلّو لو كانت إمّي بغير بلد مستعدّ سافر لعندها كل يوم بس تا أغمرها وقِلها قدّيش بحبها وقِلها إنّو لو ما كلّ تضحياتها من أوّل ما خلقت ما كنت أنا موجود، بالحرب كنّا فقرا، إمّي كانت تاكل وقعة وحدة تا آكل أنا وإشبع، كانت تقصقص تيابها تا تخيّطلي تياب جداد، كانت تشتغل ليل نهار تا إتعلّم، كانت تكون مريضة لإيّام و تصحّ وما تخلّيني أعرف وتضلّ واقفة عم تخدمني ببسمة، إمّي خبّتني بتنّورتها تا ما يقتلوني بالحرب، إمّي حطّتلي وزرتها بالشنطة أوّل يوم رحت عالمدرسة لأنني كنت بعرف إنها ما بتتخلّى عنها هيك ما بزعل وبتأكّد إنها راجعة تجيبني! اليوم إمّي مش معي، وبعدني لليوم بعرف إنّو صلواتها من فوق بتحميني من ألف خطر وخطر... تخايلو قدّ ما الإم حلوة حتّى يسوع المسيح كان عندو إمّ ووصّانا بأهلنا...  أكرم أباكَ وأمّك... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض الم

برّات بيئتها بيخبرو عن شجرة كرز وشجرة موز. الكرز مزروعة عالساحل والموز مزروعة بمنطقة جبليّة باردة!  ولا وحدة منّن كانت عم تعطي ثمار وأصحابن معصبين منّن وقصّوهن وعملوهن حطب وما إنتبهو إنّو المشكلة هيّي إنّو الشجرة برّات بيئتها كرمال هيك ما عم تعطي ثمار! ونحنا نفس الشي إذا بعّدنا عن كنيستنا وعن روحانيّتنا ما رح نعطي ثمار!  منقرا بالكتاب المقدّس : "كُلُّ شَجَرَةٍ لا تُثْمِرُ ثَمَرًا جَيِّدًا تُقْطَعُ وتُلْقَى في النَّار.فَمِنْ ثِمَارِهِم تَعْرِفُونَهُم."... عطينا يا رب إذا شي يوم شردنا و بعّدنا شوي عنّك نسمع صوتك عم يدعينا نرجع، ما تتركنا نضيع، كون معنا وساعدنا نعطي ثمار ومنّن الناس تشوفك فينا وتتقرّب منّك أكتر وأكتر...  والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

بيت بلا باب إذا حدا إشترى بيت، شو أوّل شي بيعملو؟ صح، بيفتح الباب.  تخايلو بيت بلا باب أو باب مخرّب مخلوع! مين ما كان بيفوت و بيطلع و بيصير البيت مشرّع قدّام اللصوص و الكل! بيقول احد الآباء: "كمثل بيت لا باب له الإنسان الذي لا يحفظ لسانه" نحنا متل البيت و لساننا هوّي الباب. إرجعو تخايلو بيت بلا باب أو بباب منزوع... في كلمات بتؤذي و إذا ما تسكّر بوجهها الباب و قدرت تضهر لبرّا مشكلة!  و هلّق رح تفكرو أكتر المرّة الجايي قبل ما تحكو؟... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

حبّ الحياة بيخبرو عن شب عم يشكي من كل شي و قال لو بيِجي شي زلزال يقتلنا كلنا شو بيكون اريح.  بيقلّو رفيقو إنّو ما معو حق يطلب هيك شي. جاوبو الشب : ليش إنت مبسوط بهالعيشة يعني!؟ قلّو رفيقو : الحياة نعمة ربنا عاطينا ياها، كتير ناس مرضى بإشيا ما إلها دوا بيتمنّو فرصة للحياة و إنت عندك ياها و عم تطلب الموت! هالطلب خطيّة... عطينا يا رب نعرف نقدّر نِعَمك و نفهم إنّو الإشيا الكتيرة اللي عنّا ياها و مستعدّين نستغني عنّا بسهولة غيرنا بيتمنّى يحصل عا شوي منها! يا رب اليوم بعيد مار الياس الحي علّمنا نحب الحياة شو ما كانت الظروف و نقدّر كل لحظة منها و نستعملها لتمجيدك و نشر كلمتك و خلّينا متل النبي إيليّا نكون سيف الحق بوجه الشر و الأفكار المتشائمة... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

ضوّي سراج وطننا السنة الماضية متل اليوم كان مجموع عجايب مار شربل ٢٩ ألف و ٢٧٢ هَودي المسجّلين، ما عدا النِعم و التأثير اللي علّمو بحياة كتار مِنّا. منسمع كتار بيقولو لبنان ما بيشيلو من اللي هوّي فيه إلّا عجيبة! يا مار شربل، إنت من الشفعاء اللي ربنا بيسمعلن كتير، ما تبخل عهالأرض بصلاتك... كل سنة بعيدك مِنقول هالسنة الزوّادة رح تعَيْدك بدون طلبات و كل سنة منجي حاملينلك طلب أكبر من اللي قبلو! ينعاد عليك بالسما يا ختيار عنّايا و لبنان و كل العالم!  صلّيلنا و عطينا ما نقطع الأمل قد ما كان زغير، متل ما بسراج مَي ضوّيت عتمة أوضتك، ضوّي وطننا اللي سراجو فاضي من الزيت!... مار شربل يرافق اللي حاملين إسمو و صلاتو مع الكل وين ما كنتو بهالعالم!  والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

حكماء كالحيّات وودعاء كالحمام بيخبرو عن صبيّة بتشتغل مندوبة مبيعات. راحت عا شركة بدّا تقبض فاتورة. دقّت السكريتيرة للمدير حتّى تقلّو إنّو الصبيّة وصلت و كان في كتير مندوبين غيرها ناطرين... قالتلو السكريتيرة ما رح تضيع دغري بتعرفها هيّي اللي لابسة كمامة!! مش مسموح وقت يكون خطر مرض كورونا بعدو هلقد قوي و هلقد الإنتشار سريع و الناس ما عم تعرف كيف عم تنعدي تكون الحياة هلقد طبيعيّة و يكون اللي عم ينتبه هوّي الغلط و اللي ما بيهمّو الموضوع هوّي الصح!  مزبوط التسليم لإرادة ربنا هيّي اساس حياتنا المسيحيّة و نحنا اللي كل ما صلّينا منقول لتكن مشيئتك بس كمان ربنا عطانا عقل نفكّر و المنطق و العلم حتّى نستعملن! هوّي اللي قلنا كونوا حكماء كالحيّات و ودعاء كالحملان... إنتبهو عا حالكن، صحّة أهلكن و اللي حولكن من مسؤوليّتكن... والله معكن...  المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلا

الأخ مارينوس  ١٧ تمّوز تذكار القدّيسة مارينا اللي ولدت بالقلمون بشمال لبنان.  راحت هيّي و بَيها على وادي قنّوبين و ترهّبت هيّي و لابسة تياب شباب و الكل مفكّرها صبي و سمّوها الأخ مارينوس! كانت قليل كتير تا تحكي و كانت من الرهبان النشيطين. مرّة رئيس الدير بعت الأخ مارينوس عا ضيعة قريبة عند زلمي و عندو بنت صبيّة كانت حبلى و عصّب الزلمي كتير و حتّى ما يقتلها بيها قالتلو إنّو الأخ مارينوس إعتدى عليها بس نام عندن!! ركض البَي عالدير يتشكّى عالأخ مارينوس اللي ما حكي و لا كلمة و ما دافع عن حالو حتّى! عطيوه الطفل اللي خلق و قالولو روح شوف كيف بدّك تربّي إبنك بعيد من هون! أخد مارينوس الصبي و صار يشَربو حليب ماعز و بقي أربع سنين! حنّ قلبو رئيس الدير و رجِع سمَحلو يفوت بس قاصصو قصاص كبير و كمان هالمرّة ما دافع عن حالو! بعدين مرض الأخ مارينوس و لمّا توفّى و إِجو الرهبان يدفنوه تفاجأو إنّو الأخ مارينوس مش شب! و من وقتها ضريح هالقدّيسة بينبع نعم عا زوّارها! عطينا يا رب نقبل مشيئتك و ما نعترض عا شي و نآمن إنّو عدالتك هيّي اللي رح تنتصر! والله معكن... المصدر : صفحة Jesus My Lord {نرجو ممن يرغب بإضافة تع

خبز الفقير  بيخبرو عن ربطتين خبز بالفرن عم يحكو مع بعضن. قالت أوّل وحدة انشالله يشتريني حدا غني و التانية قالت أنا بدّي يشتريني حدا فقير.  ضحكت عليها أوّل ربطة و قالتلها حدا بيتمنّى يروح عا بيت فقير!  أكيد  رح تزهقي يمكن ما يكون عندن غيرك أصلاً. جاوبتها  التانية : عالقليلة بكون شبّعت جوعان و ما بينسوني و بعفّن عندن متل ما معقول يصير فيكي!  منصلّيلك اليوم يا رب حتّى ما يبقى حدا جوعان و حتّى الغني يلتفت بالفقير بهالظروف الصعبة.  ما فينا ما نتذكّر الغني اللي خبّرنا عنّو الكتاب المقدّس اللي كان عا باب بيتو في فقير إسمو أليعازر ما كان يتطلّع فيه أبداً و لمّا ماتو التنين أليعازر طلع عالسما و الغني عا جهنّم و بس اعترض الغني قلّو إِبراهيم : "يا  إبني  تذكَّرْ  أَنَّكَ  نِلتَ  خيراتِكَ  في  حياتِكَ , ونَالَ  ألِعازرُ  بلاياه . أَمَّا  اليومَ  فهوَ هَهُنا  يتَعزَّى  وأَنتَ  تتعذَّب . ومَعَ  هذا  كُلِّهِ  فبينَنا  وبينَكُم  أُقيمتْ  هُوَّةٌ  عميقة , حتَّى إِنَّ  الذين  يُريدونَ  الاجتيازَ  مِنْ  هُنا  إِليكُم  لا  يستطيعون , ولا  الذين  هُناكَ يستطيعونَ  الاجتيازَ  إلينا ."... والله معك

مسكّر دينَيْه  بيخبرو عن أم حامل كانت عند الدكتور عم تعمل echographie.  بيَّن الجنين حاطط إيديه عا دينيه. مزح الدكتور و قلها : مسكر دينَيْه ما بدّو يسمعنا عم نحكي عربي، ما بدّو يعرف إنّو رح يخلق بلبنان. يمكن كتار بيمزحو بهالموضوع بس فيه شوي من الجدّ. من زمان كانو جدودنا يقولو الولد يتجي رزقتو معو بس اليوم بيخلق الطفل و أهلو عتلانين هم يأمنولو الحليب و أبسط حقوقو هيدا ما حكينا بعد عن التعليم و الطبابة و غيرها!... صلاتنا اليوم لإمنا مريم تغمر بتوبها كل طفل و تبارك كل عيلة و تتشفّعلن عند إبنها حتّى يرافقن و يمحي الخوف من بكرا من قلوبن... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

أحلى صورة   منلاقي كتير تصريحات لمخرجين و ممثّلين و كتّاب و مرنّمين إنّن لمّا كانو عم يعملو فيلم، مسرحيّة، برنامج، ترتيلة أو غيرن بيجَسدُو حياة قدّيس أو أي عمل بيخدم الرب كان عم "يتسيَّسر" بلا ما يحسّو ، و صعوبات تقنيّة و لوجستيّة كانو متوقعينها تمرق بكل سهولة و أوقات كتير يصير إشيا ما يفهموها متل كأنّو في قوّة خفيّة عم تساعد و تشتغل تا ينجح العمل! هالشي بيخلّينا نتذكّر إنّو كل شي منعملو لتمجيد ربنا بيوصل بأحلى صورة مش لأنّو ربنا بيحبّ الـ show off بالعكس لأنّو كل شي منعملو بحُب صادق و بنية طيبة بينجح! عنجد إنّو يلّي بيترك كل شي بإيد الله رح يلاقي إيد الله بكل شي!  والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

وجع البعد عن الله القدّيسة الزغيرة تريزيا الطفل يسوع بتقول : "في السماوات سيحقّق الله الطيّب كل ما أتمناه، لأنني لم أنفّذ إرادتي الخاصة على الأرض." بكلمات تانية عم تقلنا تيريز سَلمو حياتكن للرب، اتركوه هوّي يقرّر كل شي...ما بتعيش بسلام داخلي إلّا لمّا توثق بالقبطان اللي عم يسوق سفينة حياتك!  إذا بدّك تخلّيه يسوق و بتضلّ تقلّو كوّع من هون، فوت من هونيك...ما بيمشي الحال!  تذكّرو إنّو نحنا ما إلنا شي هون و نحنا زوّار عهالأرض... منسمع كتير بيقولو : حرام ما شاف نهار منيح، كل يوم عندو مصيبة...و غيرا و غيرا و بينسو إنّو هالصعوبات منّا إلّا صليب العبور من هون عا نعيم السما! كل وجع الأرض مَنّو شي قدّام وجع البعد عن الله بعدين... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

ماشي صح   بيخبرو عن رئيس وقع عن الحصان و إيدو صار فيها تشوّه كبير انجَبر الطبيب يقطَعلو ياها.  شافو مسؤول بالدولة و لأوّل وهلة ضحك عليه. عصّب الرئيس و أمر تنقطع إيد المسؤول كمان و هيك صار.  التقى المسؤول بموظف أقل مرتبة منّو، الموظّف ضحك عليه و كمان إجا أمر تنقطع إيد الموظّف و كرّت المسبحة تا صارو كل اللي بهالبلد بإيد وحدة!  بيوم من الإيّام سافرت صبيّة عهالبلد كرمال كان في مهرجانات و أوّل ما وصلت كلّن صارو يدلّو عليها و يضحكو عليها لأنّو عندها إيدتين!  ضروري نعرف إنّو لو ملايين عملو الغلط و شخص واحد عمل الصح بيضَل الغلط غلط و الصح صح! لو العالم العايشين فيه مليان خطايا و بعيد عن ربنا و متعلّق بالماديّات و إذا كنت بتصلّي و بتآمن بيضحكو عليك و بيقولو بتزهّق، هنّي اللي مضيعين الطريق! ما تلحقن، إنت اللي ماشي صح!... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

يا إبن داوود إرحمنا   بيقول القديس يوحنّا فم الذهب : "أيها الإنسان كم من مرّة تقول: يا ليتني أرى وجهه أو ألمس ثيابه أو أرى حتّى ولو حذائه ولكنّك أيّها الإنسان تراه وتلمسه بل وتأكله..." عنجد كم مرّة كِنّا مرضى و تمنّينا نكون مطرح المنزوفة نلمس توبو و نشفى... كم مرّة تمنّينا نشوفو تا نقلّو : يا إبن داوود إرحمني ! كم موقف بالكتاب المقدّس خلّانا نقول يا ريتنا كِنّا موجودين، مثلاً وقت صلبوه كلنا منقول لو كِنّا هونيك كِنّا دافعنا عنّو و ما خلّيناهن يقَربو عليه! يا ريت و يا ريت و يا ريت و ما مننتبه إنّو هوّي حاضر بيناتنا بالقربانة!... يا رب عطينا نشوفك و نلمس حضورك و نتوحّد فيك... ما تتركنا بهالإيّام الصعبة و إسمع صرختنا كلنا عم نقول : يا إبن داوود إرحمنا ... والله معكن... المصدر : صفحة Jesus My Lord

ارجعوا للرب بيخبرو إنّو مرّة ساقية و بحيرة و نهر و بحر و محيط عم يتخانقو مين أكبر مين أزغر مين حلو مين مالح مين فيه حياة و مين ما بيعيش فيه شي... و ما حدا منّن تطلّع لفوق و شاف الشتي اللي بيغذّيهن كلّن و مصدرن! الناس هيك... بيتخانقو عا كل شي، مين أحسن و مين أغنى و مين مدري شو و ما بيتطلّعو لفوق و ناسيين انّو في ربّ بالسما هوّي اللي خلقن كلّن عا صورتو و مثالو!  كلنا متساويين قدّام ربنا و بيحِبنا كلنا... يا ريت كلنا منرجع للأساس و منترك كل شي تاني بيلهِينا عن الله! ارجعو للرب و ما تتخانقو و تختلفو كرمال إشيا باقية عهالأرض و نحنا فالّين!  والله معكن... المصدر : صفحة Jesus My Lord

شخصيتين زغار مين منّا ما بيتذكّر الرسوم المتحرّكة اللي كنّا نحضرن نحنا و زغار. بأكتريتن كان يمرق مشاهد بتكون فيها الشخصيّة محتارة و عا كتافها شخصيتين زغار متلها وحدة عا شكل شرير و وحدة ملاك كل وحدة منّن عم تقنع الشخصيّة تتصرّف بطريقة معيّنة. نحنا كمان  بقلب كل واحد منّا في هالشخصيتين الزغار... إنتو صوت مين أعلى عندكن؟  تصرّفاتكن أفكار أي واحد منّن عم تعكس؟ قبل كل قرار بتاخدوه، قبل كل كلمة بتقولوها، قبل كل تصرّف بتعملوه فَتشو عالهدوء بتعرفو ليش؟ لأنّو ربنا صوتو رقيق كتير و بيحكينا بالصمت عكس الشرّير اللي بيعجِقنا و بيلهينا بالأصوات العالية و الضجّة حتّى يمرّق أفكارو الخبيثة... الكتاب المقدّس بيقدّملكن نصيحتين اليوم : "اَلْمَحَبَّةُ فَلْتَكُنْ بِلاَ رِيَاءٍ. كُونُوا كَارِهِينَ الشَّرَّ، مُلْتَصِقِينَ بِالْخَيْرِ" (رسالة بولس الرسول إلى أهل رومية ١٢: ٩) و  "لاَ يَغْلِبَنَّكَ الشَّرُّ بَلِ اغْلِبِ الشَّرَّ بِالْخَيْرِ" (رسالة بولس الرسول إلى أهل رومية ١٢: ٢١)...  والله معكن!

فتشو ع جوهر الإشيا بيخبرو عن صبيّة كل يوم بتمرق عا بيّاع متجوّل معو كرواسون بتسلّم عليه بتاخد ترويقتها و بتروح عا شغلها. بس البيّاع ولا مرّة ردّ عليها بس تصَبْحو... في واحد من الجيران لاحظ هالشي عا فترة، راح عند البنت و قلها لشو بعدك بتسلمي عليه و بتشتري من عندو و هوّي مرحبا ما بيقلّك يا عيب الشوم عليه شو بلا ذوق. قالتلوالصبيّة : بتعرف ليش و لا مرّة ردّ؟ قلها : لأ.  جاوبتو : لأنّو أخرس... الزوّادة اليوم بتقلنا دايماً فَتشو عا جوهر الإشيا و ما تكتفو باللي بتشوفو عيونكن لأنّو المظاهر بتغشّ و كتير أوقات بتظلم... ما تحكمو عا حدا لأي سبب، ربنا خلق الكل و هوّي شايف و بيحاسب الكلّ... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

إيمان عابر للحدود بيخبرو عن شب مسافر. كلّن عتلو همّو شو رح يعمل وحدو ببلد غريب!  و بلّشت ورشة ضبّ الشنطة.  بتعرفو شو أوّل شي حطّو بشنطو؟ لأ مش الـ passport و لا تيابو! أوّل شي حط إنجيلو، مسبحتو، و صورة القدّيس شفيعو! هالشب آخد معو صلوات إمّو و بركة الله، هالشب ما رح يعتل همّ إنّو رايح عا مطرح جديد ما بيعرف فيه حدا لأنّو حامل إيمانو بقلبو! الزوّادة بتقلّي وبتقلّك : إيمانك عابر للحدود و للمسافات...يمكن الهجرة من أصعب المواقف بحياة الإنسان، و بمتل هالأوقات الصعبة ما في إلّا ربنا قادر يكون معنا بكل وقت و زمان و مكان و تحت كل السماوات! خلّو الربّ رفيقكن، هوّي ما بيفلّ و ما بيترككن شو ما كانت الظروف... معك لا اخاف يا سيّد حياتي أنت لدربي أوفى صديق! والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

قلبك كنزك قدّيش بيفرحو لمّا يلاقو منجم دهب، لمّا بعد حفر طويل يطلع مَي، لمّا يلاقو نفط عا عمق كبير... كل الإشيا الغالية و اللي قيمتها كبيرة بتكون بالعمق مش عالوجه... نفس الشي بالنسبة للناس تا تَعرف الشخص مزبوط ما توقّف عالشكل بدّك تفوت عالعمق، عالقلب!  الإنسان بقلبو... ناس كتير بتبعّد عنّن من شكلن و ما بتعذّب حالك تعمل جهد تفتّش عا قلبن و تتعرّف عليه عن قريب و ما بتطوّل لتكتشف إنّك غلطان و بالعكس كمان... تذكّرو عا طول إنّو قلبكن كنزكن و اللي الرب بقلبو ما في شي بيغلبو. قلبكن متل بيتكن، إذا ما كنتو منضفينو بتستحو تستقبلو زوّار، نضفو قلوبكن من الحقد و الزعل و خلّو البواب مفتوحين و أكيد الرب رح يلبّي الدعوة بسرعة! "طُوبَى لِأَنْقِيَاءِ الْقَلْبِ، لأَنَّهُمْ يُعَايِنُونَ اللهَ" (متى ٥: ٨)... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

أَسْتَطِيعُ كُلَّ شَيْءٍ فِي الْمَسِيحِ الَّذِي يُقَوِّينِي...  من أقوال القدّيس يوحنا فم الذهب :  "قال الشيطان للربّ : أترك لي الأقوياء فأنا كفيل بهم، أما الضعفاء فلا أقوى عليهم لأنهم يشعرون بضعفهم فيحاربونني بقوتك." اليوم الأحد، فرصة إلنا حتّى نتحدّى ضعفنا و نتذكّر إنّو قوّتنا مصدرها إنت بس يا رب!  قوتك وحدك اللي بتغلب الشر و الشرير، وحدنا ما منقدر نعمل شي... الزوّادة اليوم بتقلّي وبتقلّك : إذا حاسس حالك ضعيف، ما تيأس، ما تخاف، ما تستسلم!  مش كل طفل بيستقوي ببيو؟ إنت إبن الله إستقوي فيه و هوّي بيتكفّل بالباقي! تذكّرو رسالة بولس الرسول إلى أهل فيلبي ٤/ ١٣ : "أَسْتَطِيعُ كُلَّ شَيْءٍ فِي الْمَسِيحِ الَّذِي يُقَوِّينِي..." احد مبارك و الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

جوجل Google بيخبرو عن صبي زغير بس سألوه بالمدرسة كم شخص هنّي بالبيت جاوب: ٥، أنا و ماما و بابا و إختي و google!  استغربت المعلمة إنّو مين بيسمّي إبنو غوغل!  و سألتو إذا غوغل صبي أو بنت.  قلها : ما بعرف و لا مرّة شفتو بس مين ما كان هوّي كتير ذكي شو ما يصير كلّن بيقولو هلّق منسأل غوغل! هالزغير بعدو ما تعرّف عا عالم الإنترنت و انبهر بقدراتو كيف بَس يجربو! الإنترنت بتساعد كتير و بتسهّل الحياة و بتقرّب المسافات بس كمان عندها مخاطر خصوصاً عالزغار اللي كتير سهل يصير عندن إدمان عا هالعالم الإفتراضي... الزوّادة اليوم بتحمُل رسالة إجتماعيّة : إنتبهو لولادكن و كونو حدّن و وَجْهُوهن عالإشيا اللي بتثقّفن و بِتسَلّيهن بلا ما تؤذيهن و نَظمولن علاقتن بالإنترنت حتّى ما يصير عندن إدمان عهالشاشة الزغيرة... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

لوّن حياتك بيخبرو عن شبّ مصوّر بيحبّ كتير الصُور بالأسود و أبيض مع إنّو في كتير تكنولوجيا و تطوّر بعالم التصوير اليوم و إشيا بتفَرجي الألوان بطريقة كتير حلوة. و بس انسأل ليش هلقدّ متعلّق بالإشيا القديمة و الماضي قلّن :  من زمان كان كل شي أحلى، و كل شي إلو قيمة و الشعب اللي ما عندو ذكريات و تاريخ ما رح يكون عندو مستقبل! معو حق هالشب اللي شغلتو يحفظ اللحظات... كانو الصُوَر وسيلة تا نتذكّر إشيا و نخلّي أوقات ما بدنا ياها تروح عايشة فينا، اليوم صرنا نزعل بس نشوف صُوَر من زمان و نترحّم عا هيديك الإيام مش لأنها كانت أحلى ، لأننا مش شايفين أمل أو ضَو بالمستقبل عم نتعلّق بالماضي... يا رب، عطينا نرجع نحب الألوان، عطينا نرجع نحبّ الحياة و نحلم، عطينا نرجع نتشجّع، عطينا نرجع نحب يطلع الضَو و يبلّش نهار جديد!... يا رب إستجب، إستجب لنا... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائه

الأب الروحي كلنا منسمع بالأب الروحي أو المرشد الروحي وقدّيش مهمّ يكون بحياتنا شخص يساعدنا و ينوّرنا بكل شغلة قدّ ما كنّا قراب من أهلنا أو عنّا صديق منوثق فيه ، منسمع كتير عن قدّيسين أساس نجاحن هنّي أبوهن الروحي لأنن هنّي يلّي بيساعدو للشخص بتدبير حياته الروحيه و بيخلّوه يخرج من الظلمة للنور الإلهي ، مهمّ إنّو يكون عندك أب روحي يرشدك و يرعاك و يقودك حتّى ما تكون وحدك بس تواجه الخطيّه وحتّى صلواتو و إرشادو تكون مُعين إلك و مهمّ إنّك تسمع منّو لأنه بيعرف صالحك و لأنّو إختبر حياة الصلاة قبلك . زوّادتنا اليوم بتقلنا : تعلّم الطاعة مثل القدّيس يوحنّا لمّا طاع بيّو و صار في بالعالم شجرة إسما شجرة الطاعة، و هيك علّمنا الإنجيل لمّا قال :  إسألوا مرشديكم في الرب و الله معكن ... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}