الزوادة اليومية

  الإبتسامة بتعدي إبتسم لذاتك: ضلّ إبتسم لحدّ ما جأرتك وعبستك وقساوتك يختفو. إبتسم لذاتك لحدّ ما بسمتك تدفّي قلبك وتفرح إنت بوجّك اللي عم يضحك.  وساعتها، إحمل بسمتك وطلّ فيها ع الآخرين.  وإبتسم: إبتسم للوجوه المتروكه، للوجوه الخجوله، الحزينه، المريضه، الصبيّه والنديّه، الجليله والمجعّده.  إبتسم للوجوه بعيلتك وبين أصحابك.  وعدّ إذا بتقدر، البسمات اللي رح تخلقهن بسمتك.  وشوف كيف رح بتكون هالحركه الزغيره عم تحمل الحياة والرجا، وعم بتكون نقطة إنطلاق لتوبة خاطئ، وعم تربح أصدقاء مخلصين.  وإبتسم لألله: بقبول كل إرادتو بحياتك.  وخود ع عاتقك تكون رسول الفرح وبسمتك أداة بتساهم بزرع السلام بكل القلوب. الزوّاده بتقلّي وبتقلّك : بإيام إنعدمت فيها البسمه، وصارت الوجوه اللي حوالينا أغلبها حاملة الهمّ والحزن، فكّرت شي مرّه إنّو البسمه بتحمل رساله؟ والله معك... المصدر : صوت المحبّة

  التفكير بالغير الله معكن... زوّادتنا اليوم خبرية من اليابان؛ الخبرية بتقول إنّو باليابان إذا حدا وصِل بكّير عالشغل بيصِفّ سيارتو بعيد، لحتى لـَمّا بيوصل زميلو بالشغل، يصِفّ سيارتو بمطرح أقرب تَ ما يتأخَّر عَ شغلو! الزوّادة بتقلّي وبتقلّك : قدّيش حلو نفكّر بغيرنا، وما نفكّر بحالنا وبسّ، يا ريت مناخد عِبرة من هالشعب الحضاري، ومنطبّقها، مش بس بالسواقة إنما بكل شي منعملو بحياتنا، إذا منكسُر شوي من حقّنا كرمال غيرنا أجرنا عند ربنا بيكون كتير كبير، والله معك... المصدر : صوت المحبّة

  التناقضات الله معكن... في كتير إﻳﺎﻡ ﻣﻨﻌﻴﺶ ﺗﻨﺎﻗﻀﺎﺕ ﻛﺒﻴﺮﺓ ﺑﺤﻴﺎﺗﻨﺎ.  ﻣﺜﻼً: ﺑﻴﻜﻮﻥ ﻋِﻨّﺎ ﻛﺘﻴﺮ أﺻﺤﺎﺏ، ﻭﺣﻮﺍﻟﻴﻨﺎ ﻧﺎﺱ ﻛﺘﺎﺭ، ﺑﺲ ﻣﻨﺤﺲّ ﺣﺎﻟﻨﺎ ﻭﺣﻴﺪﻳﻦ.  وﺑﻴﻜﻮﻥ ﻋِﻨﺎ ﻛﻞ ﺍﻷﺳﺒﺎﺏ ﺣﺘﻰ ﻧﻜﻮﻥ ﻣﺒﺴﻮﻃﻴﻦ، ولكن منضلّ ﺯﻋﻼﻧﻴﻦ.  ﻋِﻨّﺎ أﺣﻼﻡ ﻛﺒﻴﺮﺓ ﺑﺲ ﻣﺎ ﻋَﻢ ﻧﻨﻌﻄﻰ ﺍﻟﻔﺮﺻﺔ تَ ﻧﺜﺒُﺖ ﺣﺎﻟﻨﺎ ﻭﻧﺤﻘّﻘﻬﺎ. ﻛﻞ ﺍﻟﻠﻲ ﺣﻮالينا ﺷﺎﻳﻔﻴﻦ ﻓﻴﻨﺎ ﺣﺪﺍ ﻛﺘﻴﺮ ﻣﻬﻢ، ﻭﻧﺤﻨﺎ ﻣﺶ ﻋﻢ ﻧﻌﺮﻑ ﻗﻴﻤﺔ ﺣﺎﻟﻨﺎ.  ﺑﻴﻘﻮﻟﻮﻟﻨﺎ ﺿﺤﻜﺘﻨﺎ ﺣﻠﻮﺓ ﺑﺲ ﻧﺤﻨﺎ ﻣﺶ ﻗﺎﺩﺭﻳﻦ ﻧﻀﺤﻚ.  ﻋِﻨّﺎ ﻛﺘﻴﺮ إﺷﻴﺎ ﻧﻌﻤﻠﻬﺎ ﻭﺑﺬﺍﺕ ﺍﻟﻮﻗﺖ ﺣﺎﺳِّﻴﻦ ﺑﻔﺮﺍﻍ ﻣﺶ ﻃﺒﻴﻌﻲ... ﻛﻞ ﻫﺎﻹﺷﻴﺎ ﺑﺘﺼﻴﺮ ﻣﻌﻨﺎ ﻛﻠﻨﺎ؛ ﻭﻗﺖ منمرق ﺑﻬﻴﻚ ﺣﺎﻻﺕ ﻣﺎ ﻻﺯﻡ ﻧﺨﺎﻑ أﺑﺪًﺍ، لازم نخاف ﻭﻗﺖ ﺍﻟﻠﻲ ﺑﺘﺼﻴﺮ ﺣﻴﺎتنا ﺭﻭﺗﻴﻦ ﻭﻣﺎ ﻓﻴﻬﺎ ﻃﻠﻌﺎﺕ ﻭﻧﺰﻻﺕ. الزوّادة بتدعيني وبتدعيك : لنتأمل بمَكنة تخطيط القلب، لما بتكون عَمّ تعطي إشارة فيها طلعات ونزلات يعني إنت بعدك عايش، وبس يصير التخطيط خَطّ مستقيم، يعني إنت مِتِت. خلّينا نتذكّر إنّو الربّ حدّنا ﺑﺄﻓﺮﺍﺣﻨﺎ وﺑﺄﺣﺰﺍﻧﻨﺎ، ومهما تقوى العواصف رح نتخطّاها ورح بيوصّلنا على بَرّ الأمان، والله معكن... المصدر : صوت المحبّة

تفكير الله وتفكير البشر الله معكن... حابب اليوم أنا وإنتو نفكّر بهالكَمّ سؤال: - شو كان بيصير إذا الله ما كان فاضي يباركني اليوم، لأنّي أنا ما كنت فاضيلو مبارح؟ - شو كان بيصير إذا الله بَطّل يسمعلي اليوم، لأنّي ما سمعتو مبارح؟ - شو كان بيصير إذا الله ما بَعَت إبنو الوحيد لأنّو بدّو يتركني إتحمّل قصاص خطيّتي؟ - شو كان بيصير إذا الله بَطّل يحبني لأنّي أنا ما عم بعرف حِبّ غَيري؟ - شو كان بيصير إذا الله بيستجيب طلباتنا على قدر ما منستجيب نحنا لَنِداءو؟ الزوّادة بتقلّي وبتقلّكن : الله حَبّنا لدرجة إنّو ضحّى بإبنو من أجل خلاصنا، الله حَبّنا بكل مجانية، ونحنا منشارطو لحتى نحبّو، الله غفرلنا بمجّانية ونحنا تَ نسامح منِعتَل ألف هَمّ. خلّينا بالرغم من كل التحدّيات والمصاعب نقلّو: لِتَكُن مشيئتك يا رب لا مشيئتي، لأنّي بعرف إنّو مشيئتك فيها خلاص نفسنا، والله معكن... المصدر : صوت المحبّة

  الإستفادة من الوقت الله معكن... بيخبّرو عن أصدقاء تنَين كانو عم يتصيّدو سَمَك، الأول بيتصيّد سمكة كتير كبيرة حَطّها بالسلة، شكر الله وقام لحتى يفلّ. بيسألو صديقو: «لوين رايح»؟  جاوب: «عَالبيت، تصيّدت سمكة كبيرة وهالشِي بيكفّيني». قلّو: «ليش ما بتضَلّ؟ بركي بتتصيّد كَمّ سَمكة كبار»؟  جاوبو وقلّو: «شو بدّي فِيُن»؟  جاوبو صديقو: «بتبيعُن، بيصير معك مصاري، وهيك بتصير غني ومَرّة ورا مَرّة بيصير عندك رصيد بالبنك، وأكيد لما بتكبر بتقدر تستفيد من المصريات وتعيش عيشة هنية مع ولادك»!  جاوبو: «هيدا يلّي عم أعملو هلّق، ليش بدي أجّلو لبَعدَين، وضيّع كل هالعمر»؟ الزوّادة بتسألني وبتسألك : نحنا قدّيش عم نكتفي بِيَلّي عِنّا؟ قدّيش عم نعرف نشكر الله على العطايا يلّي مَنَحنا ياها؟ عم نستفيد من كل دقيقة وقت ومش عم نأجّل ولا شي لبُكرا؟ القديس بولس بيقول:  «أما أنت يا رجل الله، فتجنّب هذا كلّه. واطلب البرّ والتقوى واﻹيمان والمحبة والصبر والوداعة» (١ تيم ١١/٦) والله معك... المصدر : صوت المحبّة

  الكلام والأعمال الله معكن... بدّي مِنكُن اليوم تلات دقايق لحتى نفكّر إنّو العالم حوالينا ورشة عمل.  ما لازم نخاف، نشَمّر على زنودنا، نغطس بالعتمة ونكون نحنا النور. لازم نتذكّر إنّو الربّ إجا على الأرض كرمال المرضى، مش كرمال الأصِحّاء، أكَل وشِرب مع الخاطيين، لَمَس ضعفُن، غفرلُن خطاياهُن، بَدَل ما يغرقوا بأوحالها، كان يعطُف علَيُن ويدفّيُن بنعمتو ومحبتو. الزوّادة بتقلّي وبتقلّك : ما تنطُر مين بيبلِّش لحتى تتبَعو، لازِم تكون إِنتَ المـُبادِر الأَوَّل.  القدّيس بولس بيدعيني وبيدعيك لحتى نرشد الكسالى إلى الطريق الصحيح، ونشجّع الخايفين، نساعد الضعفاء ونصبر على كل الناس، والله معك... المصدر : صوت المحبّة

  إبقَ معي يا رب الله معكن... بيخبّرو عن طفل مريض بالقلب كان عَم يتحاور مع الجرّاح يلي بدّو يعمِلّو عملية، بيقول الجرّاح:  «بتعرف إنّو بُكرا بدّي إفتحلَك قلبك»؟  جاوب الصبي:  «إيه وأكيد رح بتلاقي يسوع هونيك».  بيقلّو الجرّاح:  «بس إنت ما بتعرف قدّي قلبك تعبان، ويمكن ما أعمل شي بسّ إفتح وسكّر».  جاوب الصبي:  «ما عندي مشكلة، لأني بعرف إنّك لما رح تفتح قلبي رح بتلاقي يسوع هونيك.  هُوّي قلّي يا إبني عطيني قلبك وأنا أكيد عطيتو ياه».  بيكمّل الجرّاح وبيقول: «رح خَبرَك شو رح لاقي: أكيد في تَلَف بالشرايين، وضعف بالعضلات، وتقصير بالدورة الدموية، بس بالرغم من هودي كلّن رح جَرّب أعمل شي».  جاوب الصبي بكل هدوء:  «بس أكيد إنّك رح بتلاقي يسوع هونيك». تاني يوم عمل الجرّاح العملية وكتب هالتقرير: عند هالصبي في تلف بالشرايين، وضعف بالعضلات، يعني ما في أمل بالشِفا، بتوقّع إنّو هالصبي يموت بعد سنة.  بس بلحظة وقَّف الكتابة وبلّش يتساءل: ليش يا رب بتسمح بهالشي؟ ليش بتسمح بالألم؟ ليش خلَقت هالصبي بهالقلب الضعيف؟ سمع بداخلو صوت عم بيقول:  «هيدا الصبي عمل رسالة كتير كبيرة، بالرغم من إنّو كتير زغير ردّ خروف للق

  المحبّة الله معكن... ﻓﻲ ﻧﺎﺱ أﺻﺤﺎﺏ ﻣﻦ ﺯﻣﺎﻥ ﻛﺘﻴﺮ، ﻭﻻ ﻣَﺮّﺓ ﺗﺨﺎﻧﻘﻮ أﻭ إﺧﺘﻠﻔﻮ!  وﻣﻦ ﺗﺎﻧﻲ ﻣَﻴﻞ ﻓﻲ ﻧﺎﺱ ﻣﺘِﻞ ﻣﺎ ﺑﻴﻘﻮﻟﻮ ﻣﺎ إﻟُﻦ ﺻﺎﺣﺐ!  ﺑﻴﻨﻄﺮﻭ ﻏﻴﺮُﻥ عَ ﻛﻠﻤﺔ ﺣﺘﻰ ﻳﻌﻤﻠﻮ ﻣﺸﻜَﻞ! ﺣﻠﻮ ﻣﻦ ﻭﻗﺖ ﻟﻠﺘﺎﻧﻲ ﻧﻌﻤُﻞ ﺗﻘﻴﻴﻢ ﻟﺤﻴﺎﺗﻨﺎ وﻟﻠﻨﺎﺱ ﺍﻟﻠﻲ ﻣﺮﻗﻮ فيها.  ﻧﺸﻮﻑ ﻣﻊ ﻣﻴﻦ ﺗﺨﺎﻧﻘﻨﺎ وﻣﻴﻦ أﺻﺤﺎﺑﻨﺎ. ﻭﺗﺄﻛّﺪﻭ إﻧّﻮ ﻧﻬﺎﺭ ﺍﻟﻠﻲ بتتوصّلو ﺗﻘﻮﻟﻮ: أﻧﺎ ﻣﺶ ﻣﺨﺎﻧﻖ ﻣﻊ ﺣﺪﺍ ﺑﺘﻜﻮﻧﻮ ﻋَﻢ بتعيشو ﺭﺳﺎﻟﺔ ﺍﻟﻤﺴﻴﺢ، رسالة المحبة تجاه الآخرين. ﺑﻤﻌﻨﻰ إﻧﻜُﻦ ﻋَﻢ بتحبّو ﻋﺪﻭّﻛﻦ ﻟﺪﺭﺟﺔ إﻧﻮ ﺑَﻄّﻞ إﺳﻤﻜُﻦ أﻋﺪﺍﺀ وﻋَﻢ بتحبّو ﺍﻟﻠﻲ ﺑﻴﺤﺒّﻮﻛُﻦ ﻛﻤﺎﻥ. الزوّادة بتقلّي وبتقلّك : خلينا نحِبّ الكلّ حتى أعدائنا، وهيك بيصير التغيير، وبيتحوّلو لأصدقائنا، ورسالة يسوع بتتجسّد على الأرض ومنقدر إنّو نبني حضارة المحبة، والله معكن... المصدر : صوت المحبّة

  المغفرة الله معكن... زوادتنا اليوم، وقفة تأمّليّة بكتاب الإنجيل، يلّي بيدعيني وبيدعيكُن للتأمّل بالآية يلّي بتقول : «من ضَرَبك على خدّك الأيمن أَدِر له الأيسر». كتير إيام مننحَطّ بمواقف صعبة، يمكن لأنّو نحنا عِنا شخصية ومبدأ مْعَيّن منتعامل عَ أساسو مع الناس، ومنتوقّع مِنّن يتصرّفو معنا بذات الطريقة.  بس بأكترية الأوقات بيخيب أملنا، وبتجي النتيجة بالعكس!  ويمكن منوصَل لمطرح ما بتكون عِنا الجرأة نواجِه، ومنفضّل نبتعد، مش حِقِد، بس منكون حاسّين إنو يلّي كان يجمعنا راح.  بيقولو: الواحد صعب يسامح القريب وأهيَن يسامح الغريب.  يمكن ناس حبّيناهُن ووثِقنا فِيُن وتغيّرت الظروف، نحنا بالنهاية ناس ومنفكّر بكرامتنا وكتير صعب نتنازل ونكسر من حَقّنا!  قدّيش نحنا قادرين نسامح؟ وقدّيش عن جَدّ عَم نعيش هالشي بحياتنا ونطبّقو؟ عالقليلة إذا مش كرمال الشخص التاني كرمال الربّ! الزوّادة بتقلّي وبتقلّك : بصلاة الأبانا كلّنا منقول : «إغفر لنا ذنوبنا وخطايانا كما نحن نغفر لمن خَطئ إلينا»...  عطينا يا ربّ نقدر نسامح من كل قلبنا، والله معكن.... المصدر : صوت المحبّة

  إبتسم الزوّادة اليوم وقفة تأمّلية، بأمور حياتية يومية، بتخلّينا على طول نكون مبتسمين، مع إنّو في كتير أمور حوالينا ما بتشجّع، وبتخلّينا نكون عابسين.  لازم نبتسم طالما نحنا قاعدين مع عيالنا، في ناس ما عندن حدا بهالدني.  لازم نبتسم نحنا ورايحين عَ شغلنا، قدّ ما نكون تعبانين ومضغوطين، في ناس قاعدين بالبيت ما عَم تلاقي وظيفة.  لازم نبتسم إذا كنَّا فقراء بس صحّتنا منيحة، في ناس كتير أغنياء بس ثروتهن كلّها ما بتقدر تأمّنلن الصحة والشفاء.  لازم نبتسم لأنّو كتار هنّي يلّي عَم يتمنّو يكونو متلنا ومش عَم يقدرو.  بالأخير لازم نبتسم لأنّو الله وحدو بيكفّي تَ ما نكون عابسين أبدًا. الزوّادة بتقلّي وبتقلّك : الإبتسامة لا بتغني الفقير ولا بتفقّر الغني، إنّما تنَيناتُن بحاجة لإلها.  تذكّر إذا بيوم من الإيام التقيت بإنسان عَبوس وبدَّك تاخد منّو إبتسامة، لازم تعطيه ياها، وجمال الإبتسامة إنّها بتعدي، والله معك... المصدر : صوت المحبّة

  مين الأهمّ؟ الله معكن... بيخبّرو عن شبّ بيحبّ الموسيقى كتير.  جَبلو بيّو بيانو جديد.  قَد ما انبسط بآلتو الجديدة، غفِي هوّي وعَم بيدقّ موسيقى.  بس غِفي، بلّشو نوتات الموسيقى يتخانقو مع بعضن.  بتقول الـ Do: «أنا بيحبّني أكتر منكن، لأنو أنا أهيَن شي يحفظني أنا أوّل نوتا».  بترد الـ Ré: «أكيد أنا الأهمّ أكتر شي دقّ عليّي».  بتعصّب الـ Mi وبترِد: «بلايي ما بتسوُو شي».  وفاتو عالخط الـ fa sol la وsi، وعي الشبّ عَ صوتُن عَم يتخانقو، قالولو: «منيح وعِيت بالوقت المناسب، ممكن تقلّنَا مِين أحسن وحدة مِنّا بنظرك»؟  قلّن الشبّ: «كلكن حلوين ومهمّين قَد بعضكن، ما حدا أهَمّ من حدا، لأنّو ما فيّي دقّ ولا غنيّة بلا ما إستعملكن كلّكن، إذا نِقصِت نوتا منكن بيكون اللحن ناقص! ما تتخانقو أنا بدّي ياكن كلّكن». الزوّادة بتقلّي وبتقلّك : بالحياة نحنا هيك منتخانق، مين الأحسن ومين الأهم ومين الأوّل، ومننسى إنّو بنظر ربنا كلّنا متساويين، لأنّو كلّنا ولادو، خلينا نتذكّر التلاميذ، لما سألو يسوع مين الأهم فِيُن، قلّن: «يلّي بدّو يكون الأول فيكن لازم يكون الخادم لكلّ إخوتو»، والله معكن... المصدر : صوت المحبّة

المفاتيح الله معكن.. خلّونا نفكّر سوا كمّ باب منفتح بالنهار: باب الغرفة بس نوعا، باب الخزانة قبل ما نلبس تيابنا، باب البيت لحتى نروح على شغلنا، باب السيارة لننتقل من محل لمحل تاني، باب المكتب لنفوت نستقرّ ونبلّش شغل.  في بواب بتفتح بمفتاح، في بواب بتفتح ببصمة الإيد، وفي بواب بعد أصعب، بتفتح بأرقام سريّة، وفي بواب هيّنة ما بتكون مقفلة أصلاً.  معقول هودي هِنّي بس البواب يلّي منفتحُن بحياتنا؟ أكيد بعد في كتير بواب، وأوّلن بواب السما، مع إنّو قليل تَ حدا يفكّر يفتحُن، مع إنّو كل واحد منّا معو نسخة من مفاتيحُن، وهنّي كلمتَين:  «يا رب». الزوّادة بتقلّي وبتقلّك : هالكلمتَين بيفتحولنا بواب السما، شرط نكون منِعنِيُن وعَم نقولُن من قلبنا. شو رأيكن متل ما ربنا مأمنّا عَ مفاتيح ملكوتو، ليش نحنا ما منأمّنو عَ مفاتيح قلوبنا؟ ما تخافو تسلّمو حالكن للربّ وشوفو كيف كل شي بيتيَسّر، والله معكن... المصدر : صوت المحبّة

الإتجاه الصحيح الله معكن... بيخبّرو عن صِيّاد كان ما يروح رحلة صيد إلاّ ما يتوه بالجبال ويضيّع طريق الرجعة.  بيوم من الإيّام، بيلتقي بصديق الطفولة، وبيقرّر يشكيلو همّو، بيقلّو صديقو: «الحلّ عندي».  باليوم التاني بيجي لعندو وكان حامل بإيدو علبة مخمليّة، فتحها وقدّملو منها بوصلة حتى تساعدو بإكتشاف طريق العودة للبيت.  بعد فترة رجع لعند صديقو عَم يشكيلو همّو وبيقلّو بحسرة:  «بعدني عَم ضيّع بالطريق»!  سألو صديقو:  «عَم تستعمل البوصلة»؟  جاوبو:  «أكيد، بس ما عَم بفهم ليش هالبوصلة كل ما ديرها عالجنوب بتبرُم بتبرُم وبتدلّني عالشمال»! الزوّادة بتقلّي وبتقلّك : هيك نحنا منعمل بكلام الرب وتعاليم الكنيسة، مِنفَسّرُن على ذوقنا ومنروح محلّ ما نحنا بدّنا، بدال ما نتبع تعاليمُن ونروح لمحلّ ما هنّي بيودّونا ونردّد على طول:  «لتكن مشيئة الربّ لا مشيئتنا، إرادتو لا إرادتنا»، والله معكن... المصدر : صوت المحبّة

  الثمن الله معكن... بيخبّرو عن صبي إجا عند أهلو عطاهُن ورقة مكتوب عليها:  تنضيف الجنينة: ٥٠٠٠ ل.ل ترتيب أوضتي: ٣٠٠٠ ل.ل إنتباه لخيّي الزغير: ٦٠٠٠ ل.ل  روحة عالدكّان: ٢٠٠٠ ل.ل غسيل السيارة: ٥٠٠٠ ل.ل،  المجموع: ٢١٠٠٠ ل.ل. أخدت إمّو الورقة وكتبِت: حمل ٩ أشهر: دون مقابل. سهَر عند المرض: دون مقابل. إهتمام ٢٤/٢٤: دون مقابل. قلق: دون مقابل.  بس شاف الصبي الورقة إستحى وأخد القلم وكتب حد المجموع:  «مدفوع بالكامل ومسبّق». الزوّادة اليوم بتذكّرني وبتذكّرك بالوصيّة الرابعة «أكرِم أباك وأمّك».  الأهل نعمة من الله، هنّي سبب وجودنا على هالأرض، كَم مرّة سهرو لنِحنا ننمى، تعبو لنِحنا إرتحنا، جاعو لنِحنا شبعنا.  خلّينا ننحني قدّامُن إن كانو على هالأرض أو صارو من سكّان السما، ونجرّب نردّلُّن شوي من الكتير يلّي قدّمولنا ياه بكلّ مجانيّة، والله معكن... المصدر : صوت المحبّة

  الدموع الله معكن...  بيخبّرو إنّو بيوم من الإيام كان في clown عَم بيقدّم عرض بساحة الضيعة، وكان في رِجّال ختيار عَم يحضر، ومن كترة ما أُعجب بالمهرّج صار يبكي من الضحك.  تقدّم منّو شبّ وسألو :  «ممكن تخبّرني ليش عَم تبكي»!  جاوبو:  «عَم إبكي لأنّو الدموع أنواع:  أوّل نوع دموع الحزن، منِبكيهُن بس نكون زعلانين ومقهورين، تاني نوع، دموع الفرح منبكيهُن بس يصير شي كتير حلو وما منكون مصدّقين شو عَم نشوف».  وبيدخل الختيار بلحظات صمت وبيتنهّد، بيسألو الشبّ عن سبب هالتنهّدات، بيقلّو الختيار: «ذكّرتني بأهمّ نوع من الدموع: دموع التوبة، هودي الدموع بينزلو وَحدُن بلا ما نحسّ هنّي ترجمة لكلمات بدّنا نقولها وما عَم نقدر، هنّي نتيجة لمسة الروح القدس لقلبنا. تذكّر يا إبني الدمعة مش دليل ضعف أبدًا، مرّات كتيرة بتكون مصدر قوّة وناتجة عن فرح كتير كبير».  الزوّادة اليوم بتدعيني وبتدعيك لعيش سرّ التوبة والمصالحة مع الذات والآخرين والله، كمان بتدعينا لعدم السلوك بطريق الخطية والشرّ والحقد.  خلّينا نصلّي على نيّة كل خاطي تَ يتوب، عَ نيّة كل حزين تَ فرح الرب يفوت عَ قلبو، عَ نيّة كل تعبان حتى الروح القدس يكون

الشجاعة الله معكن... بيخبّرو عن شبّ كان في سؤال شاغِلّو بالو: شو هيي الشجاعة؟  سأل كتار من الناس بس ما وصل لجواب. أحد الرجال المتقدّمين بالسنّ بينصحو يزور أحد النسّاك يلّي عايش بصومعة على راس الجبل. قبل الضو، الشبّ بيتسلّق الجبل وبيوصل لعند رِجّال ختيار كلّو حياة، بيستقبلو الناسك وبيسألو عن سبب زيارتو، جاوبو:  «قاصدَك لحتى أعرف منّك شو هي الشجاعة». جاوب الناسك بكل رواق:  «الشجاعة مش إنّك تخاطر بحياتك، ولا إنّو تكِبّ حالك بلا ما تفكر بالنتايج، ولا إنّك تعمل أعمال خارقة، الشجاعة هيي بكل بساطة إنّك ترجع تجرّب بعد ما تفشل، هيّي إنّك تواجه مشاكلك مش تهرب منها، هيّي إنّك تسامح بوقت الحقد، هيّي إنك ما تستقيل ولا تستسلم ولا تنحبط». الزوّادة بتقلّي وبتقلّك : لازم نكون شجعان لأنّو نحنا ولاد الإيمان والرجاء والمحبة، ما لازم نخاف من السقوط لأنّو الربّ على طول بيمِدّ إيدو وبينتشلنا، لازم نكون شجعان بقراراتنا وما نخاف من عمل الخير والصحّ، لازم نكون متل معلّمنا نشهد للحقّ، نحبّ الكلّ، نساعد الكلّ، نصلّي على نية الكلّ، والله معكن... المصدر : صوت المحبّة

  لا تخف الله معكن...  خَلّيني أنا وإنتو نتذكّر إنو عبارة «لا تخف»، بتمرق بالإنجيل ٣٦٥ مَرة! عَ عدد إيام السنة! الرب قصْدُو عَن جَدّ يطمّنك ويقلّك إنّو هوّي حَدّك كل يوم وكل لحظة، بكل فحص، بكل إستحقاق، بكل قرار لازم تاخدو...  هوّي قبلان تكون تحت جناحو وإنت حرّ، فيك ترفض هالحماية وتتمرَّد، وفيك تحتمي فيه وما بتكون إلاّ ربحان!  الزوّادة بتذكّرني وبتذكّرك : إذا كنت خايف من أيّ شي، يسوع تارك الدني كلّها وواقف حدّك. هوّي وعدك بالإنجيل إنّو ما رح يتركك، وعم يوفي بوعدو كل يوم! صَلِّب إيدَك عَ وجّك، وهوّي بيتصرَّف، والله معك... المصدر : صوت المحبَّة

إشفينا... منقرا بإنجيل القدّيس متّى:  "كَانَ يَسُوعُ يَطُوفُ كُلَّ الْجَلِيلِ يُعَلِّمُ فِي مَجَامِعِهِمْ، وَيَكْرِزُ بِبِشَارَةِ الْمَلَكُوتِ، وَيَشْفِي كُلَّ مَرَضٍ وَكُلَّ ضَعْفٍ فِي الشَّعْب" (إنجيل متّى ٤: ٢٣) يا ربّ خلّي بيوتنا تكون متل الجليل، تعا ملّيهن من حضورك، علّمنا، بشّرنا كلّ ما تشوفنا نسينا، و ذَكّرنا انّو الملكوت صار قريب و اشفينا... إشفي قلوبنا المكسورة و اشفي كل شخص جسمو ضعيف حتّى ما يغلبو المرض، إشفي يا رب كل ضعف فينا شو ما كان نَوعو و إنت أخبر باللي جوّاتنا...  يسوع ينوّر حياتكن و إنشالله كيف ما برمتو تلتقو فيه و بركاتو تغمركن. أحد مُبارك للجميع المصدر : صفحة Jesus My Lord

  عَلّو راسكن.. يسوع بيحبكن! بس الشخص يكون زعلان بلا ما يحسّ بيوَطّي راسو...  بالعكس لازم نتعلّم بس نواجه ظرف صعب نعَلّي راسنا لفوق و نتطلّع صوب السما مطرح ما في الحلّ لكل شي...  عاطول خلّي عيونك صوب يسوع، خلّيك مَعُو و بيصير كل شي هَيّن، بيصير كل شي أرضي ما يأثّر فيك أبداً لأنّك عارفو موقّت و متأكّد إنّو ربنا وحدو الدايم...  عَلّو راسكن، يسوع بيحبكن! المصدر : صفحة Jesus My Lord

  إمسكلي إيدي! بيخبرو عن صبي زغير ماشي هوّي و إمّو عالطريق و في سيّارات كتير.  خافت عليه إمّو و قالتلو ما تبعد عنّي و امسكلي إيدي.  قلها الصبي: لأ إنتي إمسكيلي إيدي!  إستغربت الأم و قالتلو: نفس الشي حبيبي ما في فرق.  جاوبها: مبلا!  إذا أنا مسكتلك إيدك يمكن إتعب و إتركها بس إذا إنتي مسكتيلي إيدي ما بتتركيها لو شو ما صار!  هيك إيد بينا السماوي بس يمسكلنا حياتنا ما في شي بيقدر علينا بس إذا نحنا اللي مسكنا أوقات منبعد أوقات مننشغل و مننسى بس لمّا نقلّو يا ربّ إنت قائد سفينة حياتنا، تعا إمسك كل شي و إنت تصرّف، ها هِيَ حياتي في يديك إفعل بها ما تريد ساعتها منحسّ بالأمان الحقيقي... الله يمسك إيد كل واحد منكن و يملّي حياتكن نِعَم و فرح... آميـــــــن. المصدر : صفحة Jesus My Lord

  عين الله مش متل عين البشر! في جملة حلوة كتير بتقول إنّو الناس بيفكرو إنّو الله بيشوفنا من فوق بس هوّي بالحقيقة بيشوفنا من جوّا و الفرق كبير!  كل فكرة بتمرق براسكن الله بيعرفها، كل دقّة من دقّات قلبكن يسوع سامعها، كل نيّة أو شعور عندكن ياهن تجاه غيركن ربنا عارفن لو تصرّفتو عكسهن!!  عين الله مش متل عين البشر!  ذكِرو دايمًا هالجملة و متل ما قال الأخ اسطفان نعمة: الله يراني... مع ربنا كل شي عالمكشوف... عين الرب تسهر عليكن و تحرسكن من كل شر منظور و غير منظور... آميـــــــن. المصدر : صفحة Jesus My Lord

    chaperon Rouge  من زمان و عا سبيل النكتة صار يوصلنا عا تلفوناتنا قصة chaperon rouge بس عا لسان حفيدو للذئب عم يدافع عن جدو و يقول إنّو مظلوم.  بالقصة اللي كلنا منعرفها و منخبرها لولادنا إنّو الذئب هوي الشرير.  خبرية الذئب الزغير بتقول إنّو جدّو كان كتير منيح و حتى ما كان ياكل لحمة كان بس ياكل حشيش بس chaperon rouge تجي تقطفن و و تنتفن و هوي يترجاها يقلا يا عمو بليز خليلي شي آكلو و هيي ما ترد و تصير تدعسلو أكلاتو قصد.  قام قرّر يروح يحكي ستها تا يتفاهم معها لأنو هيي زغيرة بس ستها شريرة أكتر منها و ضربت الذئب وقعتو إجا عم يقوم تا يفل لأنو زعل كتير قامت الست شافت صياد مارق صارت تصرخ ساعدنا ساعدنا الذئب بدو ياكلنا!  من وين إجت هالفكرة عا راسها!  و إجا الصياد قوّص الذئب... زوادتنا اليوم مش هدفها تخبركن القصة اللي كلكن بتعرفوها بس هدفها تقلكن إنّو كل خبرية إلها وجّين و وجهتين نظر ولا مرة تحكمو عا حدا بلا ما عالقليلة تسمعو رأيو و تخلوه يدافع عن حالو يمكن يكون مظلوم! والله معكن... #خدّام_الربّ

  اللي الله معو ما بيعوز شي!   بتقول القدّيسة تريزيا الطفل يسوع لكل واحد منّا : "لا يُقلقنّكّ شيءٌ، لا يُخيفنّك شيء، كلّ شيء يزول، الله لا يتغيّر، الصبرُ يَحصل على كلِّ شيء، من معه الله فلا ينقصه شيء، الله وحده يكفي." (ت ٢٢٧) معروف عن تريز إنّها بتكتُب شو عاشِت و شو إختبرِت.  هالقديسة كتير عمليّة و بتحكي الإشيا متل ما هيّي بكل بساطة و بتتدخّل بأكتر وقت إنتَ بحاجة لحدا يقلّك هالكلمات!  إذا عم تقلّنا ما تخافوا من شي و ما تعتلوا هم شي اللي الله معو ما بيعوز شي هوي لأنّها عاشِت هالإشيا، هالزغيرة اللي خساراتها كانت أكبر من إنو حدا بعمرُها يتحمّلها، خسرِت إمها و إخواتها وحدة ورا التانية فاتو عالدّير و مرَض و وفاة بيّها و بعدين مرَضها هيي، من عدا الصعوبات اليوميّة اللي ما بتِنعدّ...  بالآخر كل الأوجاع راحِت و بقي يسوع، وحدو اللي ما ترَكَها، وحدو اللي كل ما طلبِتو لقيتو!  انشالله ورودها و كلماتها بيملّوا بيوت و حياة كل شخص محتاجُن... آميـــــــن. المصدر : صفحة Jesus My Lord

  توقيتو هوّي الصحّ بيخبرو عن إم و بَي عم يحكو إنّو ما بقا في أكل بالبيت و سِمعن إبنن الزغير.  قرّب و قلّن ما تزعلو، هيديك المرّة الأبونا بالقدّاس خبّر إنّو يسوع قال شو ما بدكن اطلبو منّي و أنا بعطيكن، أنا رح صلّيلو خبرو إنّو بدنا أكل.  فات الصبي عا أوضتو و صلّى و بس خلّص راح عند أهلو قلّن: شو جبلنا أكل؟  قالولو أهلو : لأ.  تاني يوم كمان صلّى الصبي و رجع سأل أهلو قالولو لأ.  تالت يوم زعل الصبي و قرّر ما بقا بدّو يصلّي لأنّو يسوع ما ردّ عليه، بعد شوي بتوصل سيّارة مُزارع مليانة طبخ و جبنة و لبنة و خضرة و فواكه بيقلّن إنّو هوّي فاض عندو الإنتاج و عم يوزّع عالكل.  قالولو أهلو ما بدّك تسألنا اليوم إذا يسوع بعت أكل؟  قلّن لأ وقّفت صلّي زْعِلت لأنّو ما ردّ عليّي.  خبّروه أهلو شو صار، فرح الصبي كتير و قال بعتذر منّك يا يسوع إنت مشغول كتير و أنا ما نطرتك... اطلبوا تجدوا إقرعوا يفتح لكم و قد ما طوّل الجواب هوّي أخبر و توقيتو هوّي الصحّ ما تنسوا هالشي و ما تتراجعوا! المصدر : صفحة Jesus My Lord

  تعالوا إلى المناولة !  بيوم الرب بيذكّرنا القدّيس جان ماري فياني المعروف كمان بخوري آرس : "تعالوا إلى المناولة، تعالوا إلى يسوع، تعالوا للعيش منه وله.. صحيح أنّكم لستم أهلاً به ولكنّكم بحاجة إليه!" خطيّتنا عم تبعدنا عنّك يا رب، خطيّتنا ما بتخلّينا نستاهلك و بنفس الوقت بسببها لازم نجي لعندك حتّى تشفينا و تخلّصنا منها!  يا ساكن القربانة أسكن قلبنا... أحد مبارك للكل. المصدر : صفحة Jesus My Lord