زوّادة يوم ٢٥ شباط ٢٠٢٠/الرفقة الحلوة/

[ الرفقة الحلوة ] 

بيخبرو عن طَيرين ببغاء أخوة قرّرو يطيرو يشوفو الحياة.

واحد عاش مع عيلة زغيرة وتعلّم كلمات حلوة و مهذّبة والتاني عاش مع عصابة وتعلّم منّن كلمات بشعة وألفاظ سيئة!

الأول تبنّتو جمعيّة وصار محبوب كتير والتاني مرّة إستفزّ زلمي بالحكي قام قوّصو!

الزوّادة بتقلّي وبتقلّك :

الرفقة الحلوة والصالحة بتحولك لشخص منيح، الروح الحلوة بتعدي ورفاق السوء بِوَصلوك عالشر و الهلاك و بيحَولوك لشخص مش محبوب ومش منيح!

إعرفو تختارو رفقاتكن وأصحابكن لأنّن رفاق الدرب بهالحياة، نقّو منيح مع مين قادرين تمشو  إيد بإيد  هالطريق  اللي كلها طلعات ونزلات ووقعات ومطبّات... والله معك...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}