الزوادة اليومية

 فكّر بغيرك  مين هوّي قدّيس اليوم؟  بتحتفل الكنيسة بـ ١ تمّوز بتذكار البابا غريغوريوس العاشر.  هالقدّيس الكبير إشتهر بحبّو للفقراء و خوفو عليهن و كَرَمو بالعطاء، معروف عنّو إنّو ما كان يقبل ياكل إلّا إذا تأكّد إنّو توزّع الأكل عالفقراء! هالقدّيس حَبّ "اخوة يسوع هؤلاء الصغار" للآخر... يا ربّ عطينا اليوم أشخاص متل البابا غريغوريوس العاشر يحبّو و يعتلو هم غيرن، يحطّو مصلحة غيرن قبل مصلحتن، يحطّو إيدن بإيد خَيهُن اللي قِسيت عليه ظروف الحياة... يا ربّ ما تخلّي طفل أو ختيار ينام جوعان، ما تخلّي إم و بَي عتلانين هم شو بدّن يطعمو ولادن، ما تخلّي حدا ينحرم من هالنعمة... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

  قلم رصاص بيخبرو عن رجّال حكيم قالولو :  شو أكتر شي بيشبه الإنسان؟ فَكّر شوي و جاوب :  الإنسان بيشبه قلم الرصاص.  سألو ليش؟ قلّن :  قلم الرصاص كل ما بتبريه المبراية حتّى يصير يكتب بخط أحلى و الإنسان نفس الشي الحياة مع كل تجربة بيتعلّم و بيصير شخص أحسن. بالآخر بيخلص القلم و ما بيبقى إلّا الإشيا اللي كتبها و الإنسان كمان بيجي وقت و بيخلص مشوارو عهالأرض و ما بيبقى منّو إلّا اعمالو... كل واحد مِنّا اليوم مدعو يفكّر قلمو شو صار كاتب. إذا كانو إشيا مش حلوين بعد عندو فرصة يمحي و يكتب إشيا أحلى ، ما لازم حدا يأجّل قبل ما يفوت الأوان... والله معكن! {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

ورود المحبّة بيخبرو عن جدّو ختيار عندو جنينة بيِهتَم فيها و بيزرعها ورود و خضرة و فواكه. وَرداتو من كل الألوان و بيهتَم فيهن كتير، ممنوع وحدة منّن تدبل عا إمها. كلّن بيقطفهن عالوقت و بيوعد فيهن القدّيسين! الزنبقة البيضا بيحبها مار يوسف منحطها بالكنيسة قدّام صورتو.  الورود الحمر بتحبّن القدّيسة تريزيا الطفل يسوع منحطّن قدّام صورتها بالبيت. العدرا بتحبّن كلّن منعملها باقة مشكّلة منحطها قدّام البيت بالمزار! هالختيار مزروع بقلبو حبّ الأرض و حبّ الرب و القدّيسين... الزوّادة بتقلّي وبتقلّكن : اليوم حتّى اللي بعدو بيآمن بالإنتماء للأرض عم يبلّش يفكّر يفلّ منها لأنّو ما عندو أبسط مقوّمات الحياة!  ما بقى عِنّا غيرك يا رب إنت و قدّيسينك، وين ما كنّا رح نكون حاملين حبّك بقلوبنا و متل هالختيار أعطينا يا ربّ نرشّ ورود بحياة كل شخص منلتقي فيه... و الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا م

الدبّ القطبي والزرافة بيخبرو عن دبّ قطبي راح يعيش بأفريقيا ما قدر يقعد ولا دقيقة من الشَوب!  وبنفس الوقت كان في بأفريقيا زرافة راحت عالقطب الشمالي وما لحقت وصلت تا طلبت تفلّ قد ما برد. الزوّادة بتقلنا إنّو كل إنسان عندو بيئة بينتمي إلها وبس يطلع منها بيحسّ حالو غريب وأوقات كتير ما بيتحمّل وما بيصدّق يرجع...  إنت كشخص مسيحي وين بيئتك، وين مطرحك؟ بيئتك مش ضروري تكون ضيعتك ومدينتك وأصحابك وعيلتك... بيئتك هيّي المحبّة بأي مطرح كانت ومع مين ما كنت بس يصير فيه حقد وأنانيّة بتحسّ إنّو ما بقا فيك تبقى!  حبّو الكلّ بصدق متل محبّة يسوع إلنا وعيشو مطرح ما بدكن بهالأرض! إنشرو هالوصيّة اللي عطانا ياها ربنا : أحبّوا بعضكم بعضاً كما أنا احببتكم حتّى دفا المحبّة يغمر الأرض من القطب الشمالي للقطب الجنوبي! والله معكن... زوروا موقعنا الرسمي : http://www.khodamerab.com {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقً

العلم ما بيلغي الدين من أكتر الصراعات اللي أخدت إهتمام عبر التاريخ وبعدنا لليوم منتناقش فيها هيّي العلاقة بين الدين والإيمان بألله من جهة وبين العلم والمنطق من جهة تانية! كتار بيقولو إنّو هالدني بوجود العلم مش بحاجة للصلا وللرب وإنّو العلم عندو حلول لكل شي بس إجا القدّيس أمبروسيوس وقال شي كتير مهمّ : "كيف يمكن أن يكون حكيمًا من لا يتطلّع إلى صانعه؟" بس تكون ذكي ومتعلّم وعندك مستوى معيّن من الحكمة أكيد لازم تعرف إنّو كل شغلة بهالدني إلها أساس ومصدر حتّى إنت يا انسان! بس تعترف إنّو في بالكون قوّة أكبر منّك بتكون بلّشت تمشي عالدرب الصحّ وتعرف إنّو العلم ما بيلغي الدين ولا العكس... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

معاً ضد المخدّرات ٢٦ حزيران هوّي اليوم العالمي لمكافحة المخدّرات. بهاليوم بتكتر حملات التوعية عا وسائل الإعلام. نحنا بدَورنا منصلّي عا نيّة كل شخص مدمن حتّى ربنا يعطي القوّة يتخلّص من هالسم ويرجع للحياة الطبيعيّة. منصلّي كمان عا نيّة كل شخص قدر يتخطّى الإدمان حتّى ما يرجع يضعف ويبقى قوي. ما مننسى نذكر الجمعيّات اللي بتشتغل حتّى تساعد الشباب والصبايا يفهمو إنّو صَح مشاكل الحياة كتيرة وفي إشيا صعب كتير علينا نتقبّلها ونعيش معها وخصوصاً الوضع اللي نحنا فيه هلّق بس أكيد أكيد الحلّ مش بالمخدّرات! الزوّادة بتقلّي وبتقلّكن : المخدّرات هيّي للّي بدّو يهرب عا عالم خيالي وبتقتل عالبطيء بوقت الحل الحقيقي بيكون بالمواجهة!.... صلّو معنا عهالنوايا... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

عقمو قلوبكن! ببيوتنا، بمكاتبنا، بسيّاراتنا، بكل مطرح منفوت عليه منكون عم نعقّم إيدينا بالـ sanitizers وعم نرشّ سبيرتو... متل ما عم نهتم بنضافتنا وبصحّتنا وعم نتأكّد إنّو عم نتخلّص من البكتيريا ومن الفيروسات والإشيا اللي بتضرّ، شو رأيكن نهتم كمان نعقّم قلوبنا ونتأكّد إنّو ما فيها شي بيؤذي وإنّو تخلّصنا من كل الزعل والتقِل والحقد والكرِه... وقتها بس منحصّن حالنا مزبوط!  والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ عيشو إيمانكم ]   مبارح ٢٣ حزيران هوّي تذكار القدّيسة الشهيدة أغريبينا. يمكن كتار ما بيعرفوها بس اللي فينا نقلكن ياه عنها إنها إستشهدت لأنها أعلنت إيمانها المسيحي بزمن الوثنيين!  متل ما كل قدّيس منتعلّم عبرة من حياتو، هالقدّيسة بتقلنا وخصوصاً اليوم ما تستحو بمسيحيّتكن و تخبّوها، ما تخافو تبَينو إيمانكن، ربنا مرافقكن وروحه القدّوس معكن وهوّي بيعرف منيح الصعوبات اللي عم نمرق فيها وين ما كنّا حول العالم!  هوّي قال : سيضطهدونكم بإسمي وهوّي قال كمان إنّو باقي معنا طول الأزمان!  صَلبو إيدكن عا وجكن، عيشو إيمانكم المسيحي، حبّو بعضكن... و الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الحق والعدل ]   إذا الواحد انسرق منو شي بيبلغ الشرطة، إذا كنا شي مطرح وصار معنا شي منروح عا أقرب مركز شرطة، إذا حدا أخدلنا من حقوقنا منلجأ للشرطة... هيدا بحياتنا اليومية.  شي مرة شايفين صورة للملاك ميخائيل؟ منشوفو بإيدو سيف إلو حدين اللي هني الحق والعدل.  الملاك ميخائيل هوي اللي بيدافع عن الجنة مع جنودو، هوي اللي مهمتو يحارب الشر والأشرار، حتى إنّو بيسموه شفيع رجال الشرطة!  الزوّادة بتقلّي وبتقلّكن : مطرح ما بتشوف شر عالأرض صليلو! أطلب مساعدة جنود السما بكل معاركك... وما رح تكون إلاّ بأمان و سلام وربحان!  أيّها القدّيس ميخائيل، المدافع عنا في المعركة، تضرّع لأجلنا.  أيّها القدّيس ميخائيل، المنتصر على الشيطان، تضرّع لأجلنا. أيّها القدّيس ميخائيل، أمير الجيوش السماوية، تضرع لأجلنا... صلاتو معكن... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ أعطانا المفتاح ]  بيقول احد القدّيسين : "من يتعب من أجل قريبه بدافع محبّةٍ صادقةٍ يرتاح بتعبه، أمّا الذي يحبّ نفسه ويتكاسل، يتعب حتّى ولو كان جالساً!" معو حق! أوقات منخدم حدا من كل قلبنا مع إنّو الشغلة بتتطلّب مِنّا تعب بس عا قدّ ما عم نعملها بحبّ وبتهِمنا النتيجة ما منحسّ بالتعب أبداً وأوقات بتكون نايم أو قاعد كل النهار بدون أي مجهود وكل وسائل الراحة مأمّنتلك و بتحسّ حالك تعبان!  غريب!  تذكّرو شو قَلنا المسيح بإنجيل متّى:  "مَنْ أَرَادَ أَنْ يَكُونَ فِيكُمْ عَظِيمًا فَلْيَكُنْ لَكُمْ خَادِمًا!" هوّي عطانا مفتاح الفرح والسعادة ونحنا حُرّين نختار... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ بابا ]   في إحصاءات بتقول إنّو ٦٥٪ من الولاد أوّل كلمة بيقولوها هيّي بابا!  وأكيد هالشي مش صدفة... البَي هوّي عامود البيت اللي بيسنُد الكِل، البَي هوّي اللي بيحمُل هَمّْ الكِل وعندو حل لكل مشكلة زغيرة وكبيرة، هوّي مصدر الأمان، بس يكون موجود ما منعتل هَم شي... وقد ما حكينا ما منعطيه حقّو !  منعيّد بعيد الأب كل بَي عالأرض، و كل بَي سَبقنا عالسما، منصلّي لكل بَي مريض حتّى ربنا يردّو لعَيلتو! منعيّد مار يوسف بَي العيلة المقدّسة ومنعيّد بينا السماوي ومنطلب بَركتو ونِعَمُو للكل... والله معكن {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ شو منعمل مع هيك ناس؟ ]   في ناس إذا شرّبتن نقطة مَي ما بينسوها كل حياتن وبس تحتاجن أوّل ناس بيكونو حدّك وبيردّولك الجميل أضعاف... وفي ناس لو قدّمتلن المحيط عاطول بدّن بعد وبيعتبرو إنّك مجبور ومن واجباتك تخدمن وإذا إحتجتن رح يقولولك تحِل مشكلتك وحدك! شو منعمل مع هيك ناس؟ منبطّل نساعدن؟ أكيد لأ!  مش بس بَدنا نكمّل نوقف حدّن كمان بدنا نحبّن ! تذكّرو الآية :  "وَإِنْ أَحْبَبْتُمُ الَّذِينَ يُحِبُّونَكُمْ، فَأَيُّ فَضْل لَكُمْ؟ فَإِنَّ الْخُطَاةَ أَيْضًا يُحِبُّونَ الَّذِينَ يُحِبُّونَهُمْ. وَإِذَا أَحْسَنْتُمْ إِلَى الَّذِينَ يُحْسِنُونَ إِلَيْكُمْ، فَأَيُّ فَضْل لَكُمْ؟ فَإِنَّ الْخُطَاةَ أَيْضًا يَفْعَلُونَ هكَذَا."(لو ٦: ٣٢-٣٣)... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ إرادة الله ]   بوقت التعليم عن بعد، في معلمة عطيت تلاميذها موضوع تعبير كتابي بيقول : صرنا بنصّ سنة الـ ٢٠٢٠، شو تعلّمتو من كل اللي صار بالعالم بهالست أشهر؟ تلاميذ كتبو تعلّمنا نتّكل عا حالنا وندرس وحدنا، منّن كتبو إنّو هالسنة ما علّمتنا شي وكانت كلها مشاكل... بس بتعرفو شو أكتر جواب أثّر بالمعلمة؟ في تلميذ كتب : صرلي سنين عم خطّط كيف بتخرّج السنة وبأي بلد بدّي كمّل علمي وهيك... بس صار في كورونا وتسكّرت المدرسة وما أخدت الشهادة وتسكّر المطار وغِلِي الدولار ما بقا قادر إدفع قسط الجامعة برّا !  أنا تعلّمت إنّو الإنسان فيه يخطّط قد ما بدّو بس إرادة الله هيّي اللي بتقرّر مصير البشر مش هنّي!  "حيث نتعلّم أنّ الله هو الَّذِي يَعْمَلُ كُلَّ شَيْءٍ حَسَبَ رَأْيِ مَشِيئَتِهِ" (أفسس ١: ١١) ... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ وحدو هوي الأبدي ]   في ناس بيمرق إيّام وأسابيع وأشهر يمكن ما بتشوفن ولا بتحكيهن بس أوّل ما تلتقو متل كأنكن ما إفترقتو أبداً !  وفي ناس بتشوفن كل يوم وبوجّك عا طول ويمكن بيِقرَبوك بس ما بتحسّ معن بالرابط الموجود مع أوّل نوع من الناس اللي حكينا عنّو! طيّب شو السِر !؟  المسألة بسيطة... القرب والبعد ما بينقاسو بالجسد، بس بالروح! اللي روحك قريبة منّو ما في شي بيفرقك عنّو لو كان بيناتكن كل شي في بلاد واللي روحك بعيدة عنّو لَو بدّو يعيش معك ما بتتقرّب منّو!  إذا طبّقنا هالمعيار عا علاقتنا مع ربنا، وين نحنا روحيًّا منّو؟ قراب؟ بعاد؟ نص نص؟  يا إنسان إسأل حالك هالسؤال وأترك كل شي وحمول قلبك وروحك وأركض صوب الرب!  كل الأرض رايحة باللي فيا ووحدو هوّي الأبدي... والله معكن {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ كون مجنون وامشي صح ]   من أشهر أقوال القدّيس أنطونيوس الكبير : "سيأتي وقت يصير فيه البشر مجانين. وعندما يرون انساناً عاقل سينهضون عليه قائلين : انت مجنون . والسبب كونه يختلف عنهم." قولكن وصلنا لهالوقت؟ كم مرّة انوَصَفنا بالمجانين أو المتخلفين لأننا بعدنا مؤمنين بالرب! كم مرّة بيقولولك مجنون العالم وين صارت وإنت وين بعدك ، يا حرام بيصلّي! اللي بدّا تقلّك ياه الزوّادة اليوم إنّو لو كانو كل العالم غلط وإنت بس صحّ كمّل تكون صحّ مع إنّو الكل رح يدِلّ عليك لأنّك مش متلن بس كون أكيد إنّو طريقك بتوصّل عالسما، ما تخاف تمشي لَو وحدك! والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الروح الحلوة ]   وقت بدّك تتعاطى مع ربنا مش مضطَر تلبس بدلة وكرافات بمعنى إنّو علاقتنا مع الرب ما لازم يكون إلها طابع رسمي!  هوّي منّو مديرك بالشغل!  هوّي بيّك السماوي!  بس نقول قدّيس منفكّر بحدا جَدّي كتير بوقت كتار من القدّيسين مشهورين بروحن المرحة وإنّن كانو يمزحو ويضحكو ولازم يكونو مثال إلنا حتّى نتخطّى صعوبات حياتنا بإيجابيّة وفرح وهالشي بيأكدو البابا فرنسيس بالإرشاد الرسولي اللي عنوانو "إفرحوا وإبتهجوا" :  "فالقدّيس يستطيع أن يعيش بالفرح وروح الدعابة. وهو، دون أن يفقد واقعيّته، ينيرُ الآخرين بروحٍ إيجابي وغني بالرجاء". الزوّادة بتقلّي وبتقلّكن : خلّونا نشتغل تكون روحنا حلوة متلُن وننشر حولنا الفرح والأمل والرجا بجَو هالغيوم اللي فوق بلدنا!  والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ خلّيك بجوّ الربّ ]   بيخبرو عن وردة حلوة كتير قطفوها وحطّوها بمزهرّية بالبيت مين ما شافها تلفتلو نظرو بس بعد كم يوم دبلت وماتت وانكبّت بالزبالة! بنفس الوقت كان في عشبة زغيرة كانت مزروعة حدّ الوردة ما حدا عاطيها أهميّة ولا منتبهلها بالجنينة، الوردة راحت وهيّي عاشت كتير!  الزوّادة بتقلّي وبتقلّكن : إنّك ما تكون محطّ الأنظار، إنّو ما تكون مشهور، إنّو يكون شكلك عادي، إنّك تكون متل الكل مش يعني إنّك ناقص وإذا الناس ما إنتبهولك تذكّر عا طول إنّو بالسما في ربّ سهران عليك وبيحبّك كتير! المظاهر ما بتدوم وخصوصاً إذا الواحد طلع من بيئتو متل ما الوردة إنشالت من الأرض!... خلّيكن بجوّ الربّ والصلا والكنيسة لأنّو بس نطلع منّو منبعد عن الحياة! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ شكراً يا يسوع ]  يا رب ساعدني، يا رب بدّي هالشغلة، يا رب عطيني حلّ لهالمشكلة، يا رب هَودي الناس ما بيحبّوني، يا رب حمِيلي اللي بحبّن، يا رب خيفان، يا رب موجوع، يا رب زعلان، يا رب تعبان، يا رب عطيني و يا رب بدّي... قبال كل هالطلبات كم بشكرك يا رب فيه؟! أكتريّة الوقت منصلّي ومنطلب وربنا بيستجيب وبيخلص الموضوع هون مننسى نشكرو عا نعمو!  تخايلو يكون عندكن هالنوع من العلاقة مع إنسان، بعد فترة أكيد رح يفل!  بس ربنا لأ! ربنا ما بيفلّ، ربنا ما بيتركنا مع إننا مقَصرين معو كتير...  بالأزمات الكتيرة اللي عم نعيشها والصعوبات الكبيرة اللي عم نواجها بلبنان إذا عندك أكل أشكر الله، إذا ما مرضت بكورونا أشكر الله، إذا صحتك وصحّة اللي بتحبّن بعدها بخير أشكر الله، أشكرو كل ما تفتح عيونك الصبح وقبل ما تغفى بالليل... لك التسبيح و الشكران    لكَ المجدُ يا سرَّ القربان لكَ التسبيحُ والشكران بكُلِّ زمانٍ وَكُلِّ مكان... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خد

[ المسؤول الأوّل ]  بيخبرو إنّو ببلد بعيد كان في مسؤول مهمّ جايي يزور ضيعة.  تجمّعو الكل لإستقبالو من فعّاليات وأشخاص عندن مراكز مهمّة ومن السكان. بعد ما وصل بشوَي صار وقت الغدا. واحد من الناس اللي عم يستقبلوه جايي متل ما هوّي من شغلو لابس مريول مكتوب عليه إسم المحل تبعو : فلافل فؤاد. قلّو المسؤول إنّو حابب يتغدّى عندو فلافل!  ما صدّق  هالزلمي وفرح كتير. وصارو كل الحاضرين يتطلّعو ببعضن ويتوشوَشو إنّو كيف هيك عمل المسؤول وأغنياء الضيعة دابحين خروف تا يبيضو وجّن معو ويكرموه ويِبقو يطلبو منّو إشيا!  هيدا مثال المسؤول اللي بيستاهل يكون و يتسمّى مسؤول!  التواضع والقرب من الناس والوقفة حد الفقير والمواطن العادي هنّي اللي بيعملو المسؤولين مش المناصب!  منصلّي للمسؤول الأوّل اللي قد ما حبنا صار إنسان متلنا ومات كرمالنا حتّى ينوّر مسؤوليننا والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من

[ خلّي عينك ع لبنان ]   بالكتب والموسوعات بس بدّن يعَرْفو عن بلد بيحطّو أوّل شي صورة علمو، بعدين لغتو، عدد سكّانو، مساحتو وعمِلتو والإشيا المشهور فيها... إذا إجا حدا هلّق بدّو يعرّف عن لبنان شو بدّو يكتب!؟ عدد سكّانو نصن واقف قدّام السفارات وناطر المطار يفتح تا يهاجر وأقصى طموحو فيزا؟  عِمِلتو فجأة ما بقا إلها قيمة؟  بشو مشهور؟...كل العالم صار يضرب مَثَل فينا بالفساد!  هالبلد اللي إسمو محفور بكتاب ربنا المقدّس، هالبلد اللي نطرت العدرا إبنها فيه، هالبلد اللي خرّج قدّيسين عا مذابح روما... شو عملتو فيه؟!  يا رب خلّي عينك عا لبنان، خلّي عينك عا شعبو، ما تخلّي الناس جوعانة، ما تخلّي أهل مقهورين مش قادرين يأمنو أبسط حاجات بيوتن... ما بقا عنّا أمل بسكان هالأرض، ما إلنا غيرك يا رب إنت أدرى بحال كل واحد مِنّا... صلّو معنا عا نيّة لبنان وكل شعبو... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطل

[ عم يحضّرلك شي أحلى ]   في عبارة حلوة بتقول :  "عندما يتحرّك الله عكس توقّعاتك، فإعلم أنه سيصنع عملاً أعظم مما تتوقّعه" بعدو عقلنا البشري بكتير أوقات ما بيقدر يفهم حكمة ربنا. بعدنا منعمل حسابات الربح والخسارة متل ما نحنا منفكّر، بوقت مرّات كتير اللي نحنا منكون مفكرينو منيح إلنا بيطلع مش هيك وإشيا منكون نقزانين منّا بتتطلع لصالحنا. الزوّادة بتقلّي وبتقلّك : بس تصلّي بدّك شي وربنا يعطيك شي تاني أو ما يستجيب بوقتها كون أكيد إنّو عم يحضّرلك شي أحلا... أصلاً اللي حضّرلك بيت بالسما وحياة أبديّة أكيد قادر يدبّرلك أمور حياتك اليوميّة بأحسن طريقة! وثقو فيه وقولولو لتكن مشيئتك لا مشيئتي يا رب... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ قلبك جنينة ]   يا إنسان ، قلبك جنينة... أفكارك ونواياك هنّي البذور اللي بتزرعن فيها. إنت حرّ يا تزرع ورود يا تزرع شوك وتذكّر إنّو شو بتزرع بتحصد...  وفكّر إذا الرب قرّر يزور جنينتك شو رح يلاقي؟ رح يكون راضي عن اللي رح يشوفو؟... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ أضواء الشهرة ]   بيخبرو عن شب عم يقول شو بحب كون مشهور والناس يصرخو إسمي بس يشوفوني، جرّبت إمّو تفسّرلو إنّو ما رح يحبّ جَو الشهرة بس ما إقتنع.  راحت الأم كتبت عا ورقة : إذا بتريدو زمرو وصرّخو مرحباً جاد، عم بعمل مقلب بإبني، و لزّقتها عا صندوق سيارتو. تاني يوم الصبح هوّي ورايح عالجامعة صارو هالناس يزمرولو و يصرخولو جاااددد، مرحبا جاددد!  إستغرب هالشب كيف كلّن عرفو إسمو، بالأوّل كان عاجبو الموضوع بعدين بلّش ينزعج بعد مسافة وشوي عجق السير قدّامو وما يسمع إلّا زمامير وصريخ بإسمو، عصّب وما عرف كيف وصل عالجامعة. هوّي ومارق ورا السيّارة شاف الورقة!  صار يضحك عا فكرة إمّو وإقتنع إنّو معها حقّ!  الزوّادة بتقلّي وبتقلّك : اهلنا بيعرفو أكتر منّا وربنا ما قلنا أكرم أباك وأمّك عالفاضي! والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ جرس الإنذار ]   في بيوت بيكون فيها جهاز إنذار للحريق بيطلّع صوت زمّور خطر لمّا يكون في نار حتّى ينبّه السكّان. بيخبرو عن بيت من هالبيوت العيلة فيه كل واحد منّن بيضَلّ بأوضتو ماسك تلفونو، قليل تا يحكو مع بعضن... تعبت الأم من هالوضع، ولّعت ورقة وقرّبت عا جهاز الإنذار اللي إشتغل وطلعو كل واحد من زاويتو ركض حتّى يطفّو النار!  وصلو عالصالون لقيو الأم قاعدة و ما في شي! قالتلن : معقول ما بتجتمع هالعيلة الّا ما يكون في شي مصيبة!... فهمو كلّن المقصود وقالولها إنّو معها حقّ صرلن زمان بعاد ومن ورا هالدرس تغيّر روتين حياتن كلّو!.. الزوّادة بتقلّي وبتقلّكن : الواحد ما بيعرف قيمة جمعة العيلة الّا ما يفقدها، ما تخلّو شي يلهيكن عن أكتر ناس بيحبّوكن وقراب إلكن، إستفيدو من كل لحظة سوا... اليوم بإيدنا بس بكرا لأ... يا رب تحفظ كل العيل مجموعة و الله معكن! {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها

[ تحصّن من جوّا ]   معروف إنّو ولاد القدّيسة ريتا كانو مرضى وهيّي خدَمِتن طول الوقت وما انعَدِت منّن! القدّيسة الأم تريزا دي كالكوتا خدمت ناس عندن أمراض كتير و هيّي ما مرضت. القدّيس فرنسيس الأسيزي خدم البرص وهوّي ما انصاب بالمرض مع إنّو بيعدي. وغيرن من القدّيسين نفس الشي!  شو يعني؟ تا ما ننصاب بكورونا لازم نكون قدّيسين؟  لازم نكون أطبّاء وممرّضين ونكون بمواجهة مباشرة مع المرضى؟... أكيد لأ! كل واحد من مطرح ما هوّي موجود بدّو يحصّن حالو متل هالقدّيسين بالصلا، بالبعد عن الخطيّة، بالمحبّة، بالقلب النقي، بالصدق، بخدمة الغير بدون مقابل وبكل قناعة... الزوّادة بتقلّي وبتقلّك : بس تتحصّن من جوّا ما بقا يأثّر شي عليك من برّا! ربنا بيحميك... تذكّرو المزمور ٩١:  "لأنّه يوصي ملائكته بك لكي يحفظوك في كل طرقك"...  والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ قنديل الكاز ]   بيخبرو عن قنديل كاز ببيت ناس، إجت الشمعة، واللمبات اللي عالبطاريّة ورجعت الكهربا... كلّن أخدو محلّو، صار هوّي منسي بزاوية بهالبيت وأكلتو الغبرة... في ناس هيك، بس يجي حدا جديد بينسو القديم و بيهملوه. وفي بيت تاني عندن نفس الغراض، حاطّين قنديل الكاز بصدر البيت بين القطع الأثريّة وكل يوم بينضفو وبيهتمّو فيه مع إنّن عندن كل التسهيلات التانية!  كمان في ناس هيك بيحافظو عا كل شخص بحياتن وبيقَدروه حتّى لو تعرّفو عا أشخاص جداد... الزوّادة اليوم بتقلنا : إنّو خصوصاً بهالوقت اللي نحنا فيه قد ما فينا نهتم ببعضنا ونعطي معنويّات ونقوّي بعضنا حتّى نقطع هالمرحلة بأمان... ونحافظ عا كل شخص ربنا حطّو بطريقنا... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ لتكن مشيئتك ]   ليش يا رب عم يصير معي كل هالإشيا وإنت موجود؟ ليش يا رب خيفانين نحنا هلقد؟  وينك تاركنا؟ ليش الناس هيك عم تتصرّف بقلّة مسؤوليّة تجاه حالن وتجاهي؟ مش إنت الضابط الكل؟ ليش ما عم تعمل شي؟ هالأسئلة وغيرا بتطلع منّا كلنا بلحظات ضعف، بلحظات خوف!  هالإشيا يمكن إذا قلناها لحدا من الناس ما رح يتقبّلها!  بس ربنا بالعكس!  ما بيزعل منّا ومع الوقت منعرف إنّو كل اللي مرقنا فيه هوّي لصالحنا! تأكيداً إنّو ربنا ما بيزعل منّا، شوفو بسفر المزامير، داود عاتب الرب كتير مثلاً بالمزمور ١٠ بس قال :  "يارب، لماذا تقف بعيداً ؟ لماذا تختفي في أزمنة الضيق!" داود إنسان متلنا حكي اللي بقلبو بصراحة والرب تقبّل!  يا رب، يا بينا السماوي سامحنا إنّو منضل نردّد "لتكن مشيئتك" وما منقبل هالمشيئة، سامحنا إنّو خوفنا البشري بيضعّف ثقتنا بحكمتك... سامحنا... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّ

[ إرجعوا للمصدر ]  عا طول منسمع بيقولو إنتبهو من الإشاعات، فتشو عا مصدر الخبر وبيعطونا مصادر رسميّة موثوق فيها حتّى نوصل للمعلومات المزبوطة. ومن نحنا وبالمدرسة وبالجامعة كل ما نعمل بحث اوّل سؤال بيسألونا ياه من وين جايبين معلوماتكن!؟ اليوم، بقلب كل هالفوضى اللي نحنا فيها، كلنا مدعوّين نرجع للأساس، للمصدر، ليسوع المسيح، للكتاب المقدّس وللكنيسة... الزوّادة بتقلّي وبتقلّكن : قد ما مشيتو وبعّدتو بطرقات هالحياة وقد ما سمعتو إشيا وخبار وقد ما جرّبو يقنعوكن، ما تضيعو البوصلة، إرجعو للّي نفخ فيكن الروح هوّي أدرى بكل شي متعلّق فيكن... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ عمل صغير بحب كبير ]   بتقول القدّيسة الأم تريزا دي كالكوتا : "يتقبّل الله الأشياء الصغيرة عندما يراها مصنوعة بحب كبير" شو يعني إشيا زغيرة؟ إبتسامة مثلاً، كلمة حلوة، صلا زغيرة عا نيّة حدا، وردة، صحن أكل، حبّة دوا، مبلغ زغير... هالإشيا وغيرا لما يكون قلبك مصدرها، لمّا تكون عم تعملها لأنّك بتحبّ وبسّ، لمّا تكون مش ناطر شي بالمقابل، لمّا تكون فرحان اذا عملت فرق كتير زغير بحياة حدا، لمّا تفكّر بغيرك وتعتل همّن وتحس معن، لمّا تصلّي لغيرك قبل حالك، لمّا تتقاسم إشيا ما عندك غيرا مع حدا... هيدا الحب اللي كانت عم تحكي عنّو الأم تريزا!... ربنا يتقبّل منكن كل عمل زغير معمول بحب وقلب كبير! الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ صلاة مع بادري بيو ]   معروف عن بادري بيو إنّو كانو الناس يقصدوه يطلبو منّو يصلّيلن. بتعرفو شو كان يصلّي عا نيتن؟... صلاة لقلب يسوع هوّي كتبها!  الزوّادة بتقلّي وبتقلّكن : بهالشهر المبارك اللي منكرّم فيه قلب يسوع، خلّونا سوا نتعلّم هالصلا و نردّدها مع بادري بيو : ١. يا يسوع حياتي، أنت قلت:    “الحق، الحق أقول لكم، إسألوا تُعطوا، أطلبوا تجدوا، إقرعوا يُفتح لكم” ها أنا أقرع الباب وأسأل نعمة… (اُذكَر النّعمة). ٢. يا يسوع العزيز إلى قلبي، أنت قلت :    "الحق، الحق أقول لكم، كلّ ما تَطلبون من أبي باسمي، يُعطيكم إيّاه” إنّي أطلب باسمك من الآب السّماوي نعمة… (اذكرها). ٣. يا يسوع صديقي وكلّ ما لي، أنت قلت :   “الحق، الحق أقول لكم، السماء والأرض تَزولان وكلامي لا يزول” إنّي أعتمد على كلامك المنزّه عن كلّ خطأ وأطلب نعمة (اذكرها). و بآخر كل مقطع بيقول  الأبانا، السلام و المجد  و جملة يا قلب يسوع الأقدس، عليك إتّكالي، وفيك رجائي!... صلا مقبولة و الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعب