زوادة يوم ٦ شباط ٢٠٢٠/الدبس والعدس/

[ الدبس والعدس ] 

بيخبرو عن زلمي قلها لمرتو انّو عبالو ياكل دبس.

قامت حطّتلو كاسة دبس وبكعبها حطّت عدس! 

بلّش هالرجّال ياكل شوي وصل عالعدس صرخ شو هيدا!!

قالتلو مرتو شو كل إيامك دبس في إيام رح تكون عدس!

الزوّادة اليوم بتقلّي وبتقلّك :

انّو في ايّام حلوة و في إيام صعبة...

نحنا لازم بالإيّام الحلوة نشكر الله و بالإيام الصعبة نصلّي للربّ، حضورو بكل يوم من حياتنا أساسي وهوّي بيأمّن إستمراريّتنا بأمل و فرح! والله معك...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}