الزوادة اليومية

مش هيدا لبنان مَثَل الزارع : «وسقط آخر في الأرض الجيّدة، فأعطى ثمرًا يصعد وينمو، فأتى واحد بـ ٣٠، وآخر بـ ٦٠، وآخر بـ ١٠٠» (مرقس ٤: ٨).     «و لمّا قال هذا أسلم الروح.  فلمّا رأى قائد المئة ما كان مجد الله قائلاً: بالحقيقة كان هذا الإنسان بارًا».(لو ٢٣: ٤٧) «الإنتهار يؤثر في الحكيم أكثر من ١٠٠ جلدة في الجاهل» (١٧: ١٠). «مديونًا... بـ ١٠٠ دينار» (متى ١٨:٢٨). «أي إنسان منكم له ١٠٠ خروف وأضاع واحد منها ألا يترك التسعة والتسعين في البرّية ويذهب لأجل الضال حتّى يجده؟» (لوقا ١٥: ٤). تعدّدت معاني رقم ١٠٠ بالكتاب المقدّس وكل ١٠٠ منّن بتعلمنا درس لحياتنا! اليوم ١ أيلول ٢٠٢٠ بعد ١٠٠ سنة من إعلان دولة لبنان الكبير شو تعلّمنا؟... منعتذر منّك يا بطريرك حويّك، أكيد مش هيدا اللبنان اللي حلمت فيه واشتغلتلو... صلّيلنا من فوق تا يرجع بلد الأرز يقوم ويرجَعو ولادو يحلمو... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من

الكلمة اللي بتطلع ما بترجع!... بيقولو إنّو الكلمات بيشبهو المفاتيح، إذا كانو حلوين وصادقين بيفتحو قلوب وبيسَكرو جروح وإذا كانو بشعين ومؤذيّين بيشتغلو بالعكس بيقَفلو القلوب وبيفتحو الجروح! بيقول داوود النبي : "خبّأت كلامك في قلبي، لكيلا أخطئ إليك"(مز ١١٩: ١١) إنتبهو منيح عا كلماتكن حتّى ما تغلطو لا مع الناس و لا بحق ربنا!.  وتذكّرو إنّو الكلمة اللي بتطلع ما بترجع!... تغذّو من كلمة الله وأنشروها هيّي الضمانة الوحيدة للكل! ...الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

"الله يرانا"... شو كتار القدّيسين اللي عيدن بهالشهر وقدّيش نحنا بحاجة لشفاعة كل واحد منّن! اليوم ٣٠ آب عيد الأخ أسطفان نعمة صاحب المقولة الشهيرة :  "الله يراني". شو يعني؟ معقول كان قصدو بيخوّف الناس بألله!؟  أكيد لأ! كان عم يذكّرن بهالشي تا يقلّن إنّو الله بَي ومتل كلّ البيّات ما بيحبّ ولادو يعملو إشيا بتؤذيهن! قولكن المسؤولين ببلدنا عارفين إنّو الله شايفن؟ عارفين إنّو شايف شو عم يصير بولادو؟... عارفين إنّو عدالتو جايي ما في مهرب لأنّو البَي بيأدّب ولادو بس يغلطو؟ يا رب خلّي عينك عا كل عيلة، عا كل شخص، وعا كل حبّة من تراب لبنان ودِلنا عالخلاص! يا اخ أسطفان تشفّعلنا بالسما... ومتل ما بتقول الترتيلة : طعميت الجايع زادك والله من خيرو زادك يا بركة لأهل بلادك ودخيرة لكل البلدان صلّي عنّا يا اسطفان!... ينعاد عا كل اللي حاملين إسم الأخ أسطفان وببداية كل يوم جديد و بكل لحظة أوعى تنسو..."الله يرانا"... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتح

شوفوا الإشيا بعيونو هوّي بيخبرو عن أبونا دقنو طويلة إلتقى مرّة فيه زلمي بالرعيّة قلّو يا أبونا كيف هيك متحمّل دقنك ما بتشوكك؟ ما بتزعجك؟ و بس تنام وين بتحطها تحت أو فوق الغطاء!؟ أنا ولا يوم قدرت أعمل دقن بالناقص همّ! راح هالأبونا وصار يفكّر بأسئلة هالزلمي، إنّو هوّي ولا مرّة زعجتو دقنو ولا حَسّا حمل تقيل ولا بينتِبه وين بتكون بس ينام! فات بدّو يصلّي ما كان يقدر يحسّ دقنو عم تشَوكو، كيف ما تحرّك مش مرتاح وما قدر ينام! أوقات في هموم منحملها بفرح وما منحسّ فيها بس لمّا حدا يدِل عليها بس لأنّو هوّي عندو مشكلة معها، فجأة بتتقَل ومنصير حاسّين مش قادرين عليها! الصعب لغيرنا مش ضروري يكون إلنا كمان! ربنا بيعطي لكل واحد وزنات عا قدّو، ما بيعطي حدا أكتر ما بيحمل... اوثقوا فيه وشوفوا الإشيا بعيونو هوّي مش بعيون البشر... الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا ت

رفيقنا الدايم! في إيّام كتير بتمرق ما بيصير فيها شي مهم إنّو عاديّة... بهالإيّام مننسى نذكر ربنا بيكون كل شي ماشي وما بدنا شي!  وأوّل ما ينشغل بالنا عا حدا منحبّو أو نحسّ بخطر قد ما كان زغير، أو مرض، أو زعل أو همّ أو خوف معيّن... منركض نصلّي ونقلّو يا رب بعرف صرلي زمان مش حاكيك بس بترجّاك ساعدني وهوّي مع إنّو ما منستاهل بيعطينا أكتر ما منطلب وبيشيل الهَمّ والخوف من عقولنا وقلوبنا، بيوقف حدنا بيسندنا وبيدعمنا وبتشتّي علينا السما نِعَم! قدّام حبّك اللي ما إلو حدود يا رب وين بدنا نخبّي وجهنا قد ما مستحيّين منّك! ما في كلمات تكفي تا نشكرك عا كل عطاياك إلنا مع إننا مننشغل عنّك، منشكرك لأنّك مرافقنا وحامينا وبتسامحنا، منشكرك عا كل شخص حطّيتو بطريقنا من أهل وأخوة وأصحاب... ما بيكفيك يارب ولا شكر يا رفيقنا الدايم!... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا ت

توقيت السما ما بيشبه توقيت الأرض! اليوم ٢٧ آب هوّي عيد القدّيسة مونيكا. يمكن كتار بيعرفو إبنها و بيردّدو أقوالو بدون ما يعرفو إنّو هيّي اللي وصّلتو للقداسة! القدّيسة مونيكا هيي إمّو للقدّيس أوغسطينوس اللي حتّى بالقداسة ما بعَّد عن إمّو كتير وهوّي عيدو بكرا! القدّيسة مونيكا، مشهورة إنّو بيصلّولها الأمّهات عا نيّة ولادن متل ما هيّي بصلاتها حقّقت توبة إبنها وصار قدّيس! هالإمّ اللي ما تعبت ولا زهقت من الصلا، هيّي ما صلّت اليوم وتحقّق اللي طلَبِتو بكرا!  صلّت وصلّت وصلّت بكل إيمان هيّي وأكيدة إنّو عند ربنا ما في مستحيل وإنّو هوّي بيعرف أيمتى يستجيب، وكانت فاهمة كتير منيح إنّو توقيت السما ما بيشبه توقيت الأرض! كتير إشيا منتعلّمها من هالقدّيسة، ومنطلب منها اليوم تصلّي مع كل الأمهات بالعالم خصوصاً بلبنان في أمّهات محروق قلبن عا ولادن وفي أمّهات خايفين عا ولادن من كل شي! صلّي معن يا قدّيسة مونيكا وتشفّعيلن... َالله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

لو ما إلتهيت بالعدّ بيخبرو عن تنَيْن أصحاب عم يتحدّو بعضن مين بيصلّي أكتر بس ما كانو عم يعرفو يقرّرو!  راحو عند خوري الرعيّة حتّى ينقّيلن إختبار ويكون الحكم. قلّن روحو كل واحد عا بيتو وصلّو الأبانا والسلام ومنشوف بكرا. بس طلع الضَو ركَضو التنين عا بيت الأبونا ليشوفو مين ربح!  سأل الأبونا الأوّل إنت كم أبانا وكم سلام صلّيت؟ قلّو ٢٣٦١ أبانا و ٦٤٥٧ سلام. استحى التاني بس سمع هالأرقام يقول إنّو كل اللي صلّاهن هنّي بيت مسبحة واحد بس! قلّو الأبونا للأوّل عملت منيح بس لو ما إلتهيت بالعدّ وركّزت أكتر عالصلا وعا حديثك مع الرب!  وقلّن للتنين إنّو الصلا مش بكترة الكلمات والحكي ولا بِكَم مرّة منعيد... الصلا بالقلب، بالصدق، بالإيمان، بالتواضع، بالصمت!... أوقات شمعة وكلمتين زغار بيعملو عجايب... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة

المحبّة أكبر من كل شي انسأل مرّة أحد الآباء شو لازم نعمل تا نحافظ عا أصدقائنا وما نخسرن أبداً؟ جاوب: احتفظو عاطول بحفرة زغيرة لتدفنوا فيها أغلاط اصدقائكن! بكلمات تانية شو عم يقلنا؟ متل اللي قالو يسوع... سامحوا، اغفروا، ما تشوفوا القشّة بعين خيكن وتنسوا الخشبة اللي بعينكن وغيرها كتير.... ما حدا ما بيغلط إلّا ربنا السلام لإسمو! ممنوع تحاسب غيرك عا غلطة الكل معرّض يوقع فيها...مع إنّو بيقولو إنّو الزعل من حدا بتحبّو بيوجّع أكتر من حدا تاني ما بيعنيلك... بس عاطول كل ما تزعلو من صديقكن أوّل شغلة لازم تعملوها إنكن تتذكّرو ليش أصلاً إنت اخترتو من بين الكل تا يكون صديقكن ساعتها شو ما كان سبب الزعل رح يزغر ويدوب بنبع المحبّة اللي زارعو ربنا بقلوبنا وما تخلّو يكون العتب قد المحبّة لازم المحبّة تكون عاطول أكبر من كل شي... الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا

كيرياليسون كتار بيردّدو كلمة كيرياليسون بدون ما يعرفو معناتا... كيرياليسون بتعني يا رب إرحم! بالكنيسة القبطية بتتردّد هالكلمة ٤١ مرّة دلالة عالجلدات الـ ٣٩ اللي إنجلدن يسوع، و بينزاد عليهن إكليل الشوك و طعنة الحربة!  هالشي دلالة عالآلام اللي من خلالها يسوع خلّصنا وهنّي مصدر رحمتو الكبيرة إلنا!... قدّيش نحنا اليوم بحاجة لهالكلمة... إرحمنا يا رب!  كيرياليسون كيرياليسون كيرياليسون... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

بتحب تزيد دولار عا فاتورتك تتبرّع فيه لبيروت؟ بيخبّر أحد المغتربين اللبنانيين إنّو بالبلد اللي هوّي فيه كان بالسوبرماركت وبس وصل عالصندوق بتقلّو الموظفة :  بتحب تزيد دولار عا فاتورتك تتبرّع فيه لبيروت؟ شو عزّتو الدني... خبّى دموعو بعيونو وهيدي كانت أسرع سفرة إلو عا لبنان، سافر بأفكارو عاليوم اللي سافر فيه وترك شقفة من قلبو ببيروت، سافر لأنّو ببلدو الزغير ما لاقى مطرح طموحو الكبير من ورا الواسطة وغيرها... شاف قدّامو الصوَر اللي بعتولو ياهن عن بيت أهلو اللي تهدّم بالإنفجار، شاف بَيّو راح تَعَب حياتو بثواني، ما نسي إمّو كيف تجَروَحت بالقزاز وإختو إحترقت سيّارتها وبعد ما خلّصت حقها، شو حسّ حالو غريب مطرح ما هوّي! مع إنّو ببلد بيحترم حقوق الإنسان وعايش بكرامة وكل شي مأمّنلو بس عاطول فيه بس... لبنان يا قلب الله، ليش منحبّك هلقدّ!  وين ما رحنا بتروح معنا... عم نصلّيلك... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر

عجايبو عابرة للقارات بـ ٢٢ الشهر دربك مليانة زوّار... يا مار شربل بديارك طُلّ وبارك زوّارك... اليوم ٢٢ الشهر غير عن باقي الأشهر!  يا مار شربل كتار مش قادرين يزوروك بس صلواتن سابقتن لعندك! طُلّ عليهن ببيوتن و يمكن أصلاً صارو بلا بيت... رافِقن وتشفّعلن وين ما كانو... رتّلنالك : لا تنام يا ختيار عنّايا، بلادك الموجوعة يا شربل حرام عم تاكل من جوعا وتتداوى آلام، لبنان هالأرزة الخضرا عندو شربل والعدرا يا شربل منّك نظرة عا لبنان و طمّنا... بيقولو لبنان ما في شي بيخَلصو إلّا عجيبة، وناسيين إنّو عنّا قدّيس عجايبو عابرة للقارات وما بتنعَدّ، عنّا قدّيس محبستو باب للسما! رتّلنا كمان : يا راكع عا تلّة جارتها السما، يا غافي وعيونك لعينينا نور، يا قدّيس اللي من عنا، إهدنا يا شربل حين تشتدّ الصعاب! عم نعيّطلك بكل الكلمات والألحان اللي منعرفن، اليوم وكل يوم رح نطلب شفاعتك ورح نقلّك : يا شربل صلّي عنّا وكلنا إيمان إنّك عم تصلّي معنا وعنّا!... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المخ

السلطة الرابعة كل يوم مندوّر التلفزيون والراديو ومنشوف صفحات عم تبثّ مباشر عا فايسبوك، صار هالشي عادي عِنّا وما منفكّر بالأشخاص اللي بفضلن عنّا كل هالشي! كل الأحداث اللي عم تصير حولنا عم توصل عا بيوتنا أوّل بأوّل بفضل تعب شباب وصبايا ما بينامو وإذا نامو كم ساعة بيوعو قبل الضَو وأوقات كتير بيعرضو حياتن للخطر تا ينقلولنا الصورة والصوت والخبر. اللي نحنا منشوفو بلَمحَة عالتلفزيون وبيزعلنا هالشباب والصبايا عم يشوفو إشيا ضرب مليون مرّة و عم يتأثّرو و يبكو أكتر مِنّا بكتير... هنّي بالآخر ناس عندن قلوب ومشاعر و هنّي الأقرب عالحدث! صلاتنا اليوم عا نيّة كل الإعلاميين والمذيعين والمصورين ومساعدين المصورين وشباب هندسة الصوت والمخرجين وكل شخص شغلو بهالمجال... الله يقوّيكن و يعطيكن الصحّة... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة

ما تيأس... ما تفلّ عم تتعب كتير وتشتغل وتشقى وحاسس بعدك مطرحك؟ ما عم تتقدّم؟  النتايج اللي ناطرها تتحقّق طوّلت؟ ما بقا قادر تتحمّل وعم تفكّر تستسلم وتوقف بنصّ الطريق؟  شو رأيك تفكّر اليوم بطريقة جديدة وتشوف الأمور من زاوية تانية... تذكّر إنّو بالشجرة المثمرة آخر شي بيطلع هوّي الثمر!  أوّل شي منزرع بذرة، بيصير عندها شلوش ووراق وجذع وبعدين بتزهّر وآخر شي الثمرة! يمكن اللي ناطرو بعد ما نضج بمشروع الله إلك! ما تيأس وما تفلّ يمكن صرت قريب تحقّق حلمك!... يا رب أغمر قلوبنا بالأمل و الرجا و القوّة تا نكمّل ونثمر ونعكس صورتك للكل... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

ما تخافوا قال القدّيس البابا يوحنّا بولس التاني :  "لبنان الرسالة". قال البابا بينيديكتوس : ة "التوازن اللبناني يمكن أن يشكّل نموذجاً لكل الشرق الأوسط وللعالم بأسره".  ومن كم يوم قال البابا فرنسيس : "في هذه الأيّام، تتّجه أفكاري غالبًا إلى لبنان". لبنان هالبلد الزغير عالخريطة، حاضر بقوّة بكل العالم وبصلوات الكل والمثل اللي شفناه عا لسان تلات باباوات بيكفي تا نعرف إنّو ربنا معنا ومش تاركنا! متل ما قالت ست ختيارة : لبنان عندو واسطة بالسما، قدّيسين كتار وطوباويّين ومكرّمين وصلوات من روما و من كل البلاد... ما تخافو! متل ما الكل حاملنا بصلواتو نحنا كمان لازم نصلّي عا نيّة وطننا، يا رب نحنا ما رح نطلب شي إنت الحاضر عاطول و اللي شايف كل شي بكل ايمان منقلّك : لتكن مشيئتك... والله معكن المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب&qu

طاقة أمل بيخبرو عن صبي زغير عم يلعب، كسر مزهرية، صرخ عليه بيّو بصوت عالي وقلّو مبسوط هلّق ليك شو عملت بدّي خلّي إمّك تكَسرَك! وبنفس الوقت شي مطرح بهالعالم كمان صبي زغير عم يلعب كسر مزهريّة بس بيّو ما صرخ، بيّو مسكو من إيدو وقلّو ما تزعل هلّق منّضِّف الأرض سوا و منقول sorry للماما. الولاد بيخَزنو بذاكرتن كل شي... بيكفينا صور بشعة عم تنحفر بذاكرة الكبير و الزغير! الولاد هنّي جيل المستقبل، ربّوهن عالحريّة، ازرعو فيهن الإستقلاليّة، علموهن إنّو معليش إذا غلطنا عا شرط نرجع نجرّب نصلّح، قوّولن شخصيتن ما تكسروهن، قولولن إنّو بكرا أحلى مع إنّو يمكن نحنا الظروف خلّتنا ما بقا كتير متأملين بس ممنوع ولا قوّة تقتل أحلام ولادنا!... يا رب منصلّيلك عا نيّة الأطفال الملايكة اللي تركو هالأرض بكّير و منطلب منّك طاقة أمل للّي كبرو قبل وقتن بهالوطن... اعطيهن إيّام حلوة تعوّضلن ولأهلن عن كل زعل و ظلم هالإيّام... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقا

ما تخاف تطلع عالضَوْ ! بيخبرو عن زلمي أعمى، لأنّو ما بيشوف قضّى حياتو كلّ النهار قاعد بوجه الحيط ومش عارف!... بيوم من الإيّام تتطوّر الطبّ وبعد عمليّة بتوجّع كتير صار هالزلمي يشوف! بس بقي قاعد بوجه الحيط لأنّو تعوّد هيك... ما إستعمل شي من ميزات حاسة النظر، و لا إستكشف شي من جمال هالدني وبقي قدّام الحيط... العبرة من هالقصّة إنّو بس تكون قدراتك محدودة ما حدا بيعتب عليك بس لمّا تصرلك فرصة لتغيّر و تتقدّم ما تضلّ رابط حالك بالماضي الضيّق المعتم، ما تقبل شي أو حدا يقيّدلك طموحك وحرّيتك وين ما كنت ومين ما كنت... ما تخاف تطلع عالضَوْ ! من له اذنان سامعتان فليسمع... وهيك حياتنا ممنوع تبقى متل ما كانت قبل ما نتعرّف عا يسوع!... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

حامل ربّ البيت بيقول أحد الآباء : "يذهب المسيحيّون إلى بيت الرب وفي داخلهم ربّ البيت". الأحد، اليوم السابع، بهاليوم اللي ميّزو الرب بيروحو الناس عالكنيسة، عا بيت الله يلتقو فيه ويجدّدو إيمانن بالرب. بهالظروف الصعبة من كورونا وتفجير ما تسكّرت ولا تكسّرت الكنايس بالعكس زاد عددها كتير! كيف؟! كل بيت تهدّم بصلاة أهلو صار كنيسة، كل غرفة مستشفى بس يصرخ المريض أو الجريح اللي فيها يا رب رح يسكنها الله! مع صرخة كل إم عم تودّع ولادها وكل ولد خسر أهلو وصلاتن لعدالة السما، الوطن كلّو صار بيت للرب!  يا رب، هالأرض ضاقت فينا، ظلمتنا، بكّتنا، وجّعتنا... يا رب كل واحد مِنّا اليوم وكل يوم بحاجة لرفقتك ولوجودك بقلبو... عطينا يا رب يستاهل كل واحد مِنّا يكون هوّي كنيسة متنقلة، هوّي بيتك، لأنّو حامل ربّ البيت بقلبو!... منقدّملك يا رب إيّام حياتنا كلها، خلّيهن كلّن يكونو متل الأحد مناسبة لقاء فيك... الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ ا

لبنان بحاجة لأعجوبة بهاليوم بعيد السيدة ما فينا ما نتذكّر أعجوبة قانا، بتعرفو ليش!؟ هونيك شفنا مريم الشفيع الأكرم عند يسوع، هون شفنا قلب يسوع الحنون اللي ما بيرفض طلب لإمّو! يا عدرا بعيدك كل حبّة تراب من لبنان صار فيها دم وعم تصرخلك تتشفّعي بهالبلد المكرّس لقلبك الطاهر! زنري كل بيت من بيوتنا بتوبك، علمينا الخدمة تا نخدم خَينا الإنسان لو كنّا نحنا تعبانين متل وقت إنتي رحتي عند أليصابات، وأهم شي نتعلّمو منّك خصوصاً بهالوقت هوّي نقبل مشيئة ربنا بقلب كل الظروف الصعبة اللي عم نعيشها وعم نسأل ربنا وينك... يا عدرا متل ما بتقول الترتيلة : يا مريم يا أم النور النعمة بقلبك مسكوبة من عنّا كن صيدا و صور فرحتي بأوّل أعجوبة، وطننا بحاجة اليوم لأعجوبة... تشفّعيلنا... ينعاد عا كل الحاملين إسم إمنا مريم والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنو

بالوحدة عاطول مننجح بيخبرو عن مجموعة خشب وكمشة مسامير حِكيو مع شاكوش اتّفقو كلّن سوا واشتغلو وتوحّدو بالآخر طلعت طاولة حلوة كتير... لو هالخشبات ضلّو لحالن كانو بقيو بس خشب، و المسامير وحدن كمان كانو بقيو شويّة حديد! يعني بالوحدة عاطول مننجح... هيك نحنا البشر إذا توحّدنا ووقفنا حدّ بعضنا وتساعدنا رح ننتصر ورح تكون النتيجة لصالح الخير أمّا إذا كنّا مفرّقين و كل واحد وحدو بيقوى علينا الشرّ وبيكسرنا!... نحنا بأمَسّ الحاجة كلبنانيّين اليوم تا نكون إيد وحدة حتّى نقدر نكفّي ونجرّب نتطلّع صوب بكرا مع إنّو عيوننا مدَمعين بس رح نرجع نوقف أقوى كلنا سوا إيد بإيد... يا رب غمرنا برحمتك و بارك وحدتنا و تضامننا... الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

وجع الحب من كلمات بادري بيو :  "من يبتدئ بأن يحبّ عليه أن يستعدّ ليتألّم!"  معو حقّ!  والأمثلة كتيرة... حُبّ يسوع إلنا تتّرجم بوجع الصلب.  حُبّ كتير من القدّيسين للربّ تتّرجم بالعذاب و بالشهادة.  حُبّ الأهل لولادن بيتّرجم بتَعَب وشقا كل حياتن حُبّ الشعب لبلادو بيتّرجم بتضحيات كبيرة... و غيرا كتير، يمكن حالات مختفلة بس بيجمعن شغلة وحدة ثابتة هيّي قوّة الحُبّ... هالحُبّ قد ما كان بيوجّع رح يربح و ينتصر بالآخر وكمان الأمثلة كتيرة... حُبّ يسوع صار قيامة، حُبّ القدّيسين صار قداسة وفرح أبدي، حُبّ الأهل صار ولاد صالحين، حُبّ الشعب بيزهّر حرّية! ما تخافو من الوجع الجايي من الحُبّ، من بعدو في نور وخلاص... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

الهدف هوّي الخير! بيقول البابا شنودة الثالث : "إن أردت أن تريح الناس ، فإفعل ذلك بالطريقة التي يرونها مريحة لهم ، وليس حسب فكرك، لأنّك ربما تحـاول أن تريحهـم بأسـلوب يتعبهـم...".  خصوصاً بهالوقت اللي نحنا فيه، في إشيا منعملها منكون مفكرين عم نساعد بس الشخص اللي عم يتلقّى المساعدة يمكن ما يتقبّل أفكارنا مع إنّو الهدف هوّي الخير! مثلاً يمكن إنتو شباب وصبايا مندفعين وحابّين تساعدو الناس تنضّف بيوتها من القزاز والردم اللي هوّي شي كتير منيح بس في ناس يمكن ما يتقبّلو حدا ما بيعرفوه يفوت عا بيوتن ومحلّاتن وما بينلامو! وصلنا لوقت ما في ثقة بين الناس وهالشي بسبب الشر المنشور وين ما كان! يا رب حط سلامك بقلوب الكل وحط بطريق كل شخص حدا يكون مصدر راحة و شفاء للجروح... يا رب رجّع الأمن والأمان لشعب لبنان...آميـــــــن ... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب&qu

بعد في ناس صادقة بيخبرو عن شب راح عا سوبرماركت جاب غراض ودفع ومشي. هوّي ورايح صار يفكّر إنّو معقول غِليو هلقد الإشيا، حسّ إنّو دافع أكتر من ما جايب غراض. فلّ عا شغلو ونسي الموضوع.  عشيّة دق تلفونو رقم غريب رد طلع صاحب السوبرماركت، قلّو إنّو غلطو معو عالصندوق وآخدين منّو زيادة ٣٠ ألف ليرة وقلّو للشب إنّو ساعة اللي بدّو يمرق ياخدن! جرّب الشبّ يقلّو مش حرزانين وشَكَرو عا مصداقيتو إنّو كان فيه يطنّش عا زيادة صندوقو وما يرجّع الكاميرات ويشوف مع أي زبون صار الغلط ويفتّش عا رقمو ويتّصل فيه!  ما قبل صاحب المحل وكان كتير مُصِرّ انّو يجي الشياخدن!... هالزوّادة صارت عنجد، وإيه بلبنان بعد في ناس صادقة، في ناس بتحسّ بتعب غيرها، في ناس عندها الحقوق مقدّسة، في ناس عندها ضمير! الله يكتر من أمثالكن... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنو

لأنّو عندك ربّ بالسما بيخبرو عن شب بَيتو تكسّر نتيجة الإنفجار عم يفتّش بالردم و يجَروِح إيديه بالقزاز حتّى يلاقي شغلة بتعزّ عليه، مش شي غالي إنّو مصاري أو دهب، هيي ذكرى من حدا... أوقات إشيا بتعنيلنا نحنا وبس وصعب علينا كتير نتركها و نمشي... بيّك السماوي شايف كل التكسير والخراب بهالأرض وعم يفتّش عليك بين كل هالردم لأنّك غالي عليه! لأنّو عندك ربّ بالسما ما تخاف من شي عالأرض... قومو، نفضو الغبرة، مسحو دموعكن، صَلْبو إيدكن عا وجكن، قولو لتكن مشيئتك، صلّو للشهدا واطلبو الشفا للجرحى، امسكو مسبحتكن بإيد وإيد خيكن الإنسان بالتانية وامشو... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

حرزانة تزعّل ربنا منّك؟ "الربُّ لا يلومك إن أخطأت لانّه ممتلىء رحمة يلومك إذا لم تتب. " (القدّيس يعقوب السروجي) كلنا معرّضين للخطيّة وكلنا بشر ضعاف أكيد كل واحد بمستوى معيّن بس كلنا في إحتمال نغلط لأنّو ما في حدا بلا خطيّة إلّا ربنا وإلهنا يسوع المسيح! حتّى مع كل ضعفنا وخطايانا ربنا ما تركنا و لا تخلّى عنّا، بالعكس!  قدّملنا فرصة تا نصلّح ونرجعلو بسر التوبة! متل ما في المحّاية لنقدر نصلّح أغلاطنا بس نكتب، هيك العلاقة مع ربنا بالإعتراف بينمحو الخطايا! إذا إنت ما إستفدت من هالفرصة صارت مشكلتك!... متل ما بتتخلّى عن كبريائك تا تصالح حدا بتحبّو زعّلتو بغض النظر إذا بقصدك أو لأ، ما بتحب ربنا تا تتصرف معو بهالطريقة؟!  حرزانة تزعّل ربنا منّك؟ القرار عندك... والله معك... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا

حسّيت بالذنب بتخبّر صبيّة وبتقول : وعيت اليوم فتّحت عيوني بس شفت السقف فوقي حسّيت بالذنب! كيف أنا عندي شي يحميني و ٣٠٠ ألف لبناني تشرّدو! حسّيت بالذنب بس أكلت، حسّيت بالذنب بس تلفنت لخيّي وردّ عليّي وفي ناس ناطرين نقطة امل يقدرو يسمعو صوت اللي بيحبّوهن! حسّيت بالذنب بس قلت صباح الخير لأهلي وفي ولاد إختفو أهلن بغمضة عين، حسّيت بالذنب بس لقيت سيّارتي قدّام البيت وفي ناس تعب عمرها إختفى بثانية... و شو بدّي عد تا عد... بشكرك يا رب عا كل نعمة عاطيني ياها وبطلب منّك تغمر كل المظلومين برحمتك وبحنانك، عوّض إنت بتعرف يا ربّ كيف تعوّض لكل واحد خسارتو... عطينا يا رب نصلّي كل واحد متل ما بيعرف، مع هالزمن المليان تجارب عطينا نتمسّك فيك أكتر و أكتر!...  "لأَنَّهُ كَمَا تَكْثُرُ آلاَمُ الْمَسِيحِ فِينَا، كَذلِكَ بِالْمَسِيحِ تَكْثُرُ تَعْزِيَتُنَا أَيْضًا" (٢ كو ١: ٥)... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام

عدالتك لكل ظالم بيقول القدّيس بولس برسالتو الأولى لأهل كورنثوس : "أَمْ لَسْتُمْ تَعْلَمُونَ أَنَّ الظَّالِمِينَ لاَ يَرِثُونَ مَلَكُوتَ اللهِ؟" الظلم إلو عدّة وجوه، فينا نشوفو عا شكل إهمال ، قلّة ضمير، فساد، سرقة، قتل، أنانيّة، غرور.... والصلا كمان إلها عدّة وجوه، إذا مقهور وقلت بس : يا رب من كل قلبك هالكلمتين بيفوتو من باب السما العريض، اذا إم مقهورة صلّت و طلبت ربنا ما بيرِدها خايبة كيف إذا شكيتلو ظالم... إذا مخبّايين هون ورا قوانين و وراق مفَصْلينها البشر عا قياسن وين رح يخبّو وجهن و وين رح يروحو من عدالة عرش السما... يا ويلن... متل ما كتب متّى الإنجيلي : "أَيُّهَا الْحَيَّاتُ أَوْلاَدَ الأَفَاعِي! كَيْفَ تَهْرُبُونَ مِنْ دَيْنُونَةِ جَهَنَّمَ؟..." يا رب رحمتك للشهداء و الجرحى و الموجوعين و المشرّدين و المحزونين و كل حدا بيصرخلك!  يا رب عدالتك لكل ظالم، لكل فاسد، لكل حدا إذي ولادك... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأ

لبنان...يا قلب الله... لبنان صليبك كبير وتقيل، مشاكل إقتصاديّة، اوبئة، حرايق، فياضانات، إنفجارات... إنت عم توجعنا يا لبنان... شعبك اللي ما بتمرق مناسبة بدون ما يقدّم دمّ، بيوتك اللي ما وفّرتن حرب ولا كوارث، برّك، بحرك، جوّك... كل شي فيك عم يوجعنا... يا رب إرحمنا ، إرحم الشهداء، خفّف وجع الجرحى، عزّي قلوب المحزونين، طمّن بال كل مهموم وكل حدا فاقد شخص، كل شخص وقف مصدوم قدّام خسارة حدا بيحبّو، أو بيتو، أو سيّارتو أو أو أو... إذا بدنا نعدّ ما منخلص... دخيلك يا ربّ قرّب قيامة لبنان، طوّلت جلجلتنا... ارحمنا يا رب... والله معكن.. المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

الدواء الشافي بالعهدين القديم و الجديد منلاقي آيات كتير عن الشفاء من الأمراض مثلاً : "الرب يحفظهم على مرضهم ويعيدهم من فراش مرضهم. (مزمور ٤١: ٣)" و "لكن الحشود علمت به وتبعته. رحّب بهم وتحدّث معهم عن ملكوت الله ، وشفى أولئك الذين إحتاجوا إلى الشفاء. (لوقا ٩: ​​١١)" الصلا هيّي الطريق اللي بيمشي فيها الشفاء تا يوصل للطالبينو!  اليوم نحنا و كل العالم بأمَسّ الحاجة للشفاء و الحماية من كورونا و من كتير أمراض ما إلها دوا... افتحو إنجيلكن و فَتشو عا آيات عن الشفاء بتحسّو إنكن أقرب للرب و إنّو طلبكن مش مستحيل!  صلاتنا اليوم عا نيّة كل مريض بهالدني شو ما كان نوع مَرَضو و منخصّ بالذكر البابا بينيديكتوس... والله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

كون سيّد قرارك بيخبرو عن طابة عم تخبّر عن حياتها. بتقول من أوّل ما يصنعوني ببيعوني و اللي بيشتروني بيلعبو فيّي و بيكبّوني عالأرض و بيوهموني إنّو أنا اللي بقرّر مين الربحان بالمباريات بس بالآخر هنّي اللي بيقرّرو كل شي! و بس يخلصو المباريات بقعد بخزانة لحالي بنطر يرجعو يعوزوني... بمجتمع كترو فيه اللاعبين و كلّن عينن عا ألقاب و جوايز الأرض ما تكون متل هالطابة! كون سيّد قرارك، الله خلقك حرّ ما تصير عبد لشي بهالدني، لا للناس و لا للمال و لا للخطيّة!... صار الوقت تصير سيّد قرارك لأنّو ما حدا غيرك رح يتحمّل نتيجة خياراتك!... والله معك... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

المشاركة بيخبرو عن عيلة مؤلّفة من أهل و ٤ ولاد. واحد منّن بدّو كل شي إلو و ما بيشارك إخواتو بالغراض و لا بالألعاب و لا بالشوكولا، كل شي بيخبّيه إلو. لاحَظو أهلو هالشي و قرّرو يعَلْموه درس. راحو جابو ألعاب جداد لإخواتو و صارو يلعبو فيهن بعيد عنّو و بقي هوّي وحدو مع اللعب القديمين. صار يقلّن : أصلاً غراضي أحلى بس لمّا شاف إنّو ما حدا إهتم راح لعندن إعتذر و طلب يلعب معُن. قالولو أهلو إنّو بالعيلة و عا طول لازم نتشارك غراضنا مع غيرنا هيك بيكونو الكل فرحانين! كتير مهم نتعلّم من نحنا و زغار المشاركة و نعرف إنّو الأنانيّة مش منيحة. و تأكّدو إنّو كل شي بيتعلّمو الولد من هوّي و زغير بيكبَر معو كرمال هيك علموهن الصلا و الإيمان تا يكبرو معن و ما بقا بينخاف عليهن بطرقات هالحياة... الله معكن... المصدر : صفحة Jesus My Lord {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}