الزوادة اليومية

[ من يصبر للنهاية يخلص! ]   في خبريّة مشهورة عن مار شربل بتقول إنّو كان مار شربل موجوع كتير من معدتو قلّو الأب مكاريوس اللي كان رفيقو إذا بيغليلو شويّة أعشاب ، بالأوّل قال ما بدّو، بعدين قبل عا شرط يشربن بدون سكّر!  تعجّب الأب مكاريوس وقلّو إنّن كتير مرّين ما فيك تتقبّلن، جاوبو القدّيس شربل ما بيجوز إنّو إتلذّذ بالحلويات وسيّدي يسوع شرب الخلّ على الصليب بأشدّ عطشو وأوجاعو! الزوّادة اليوم بتذكّرنا : قدّيش في ناس بالفعل مش بمعنى الحكي مش قادرة تاكل، قدّيش في ناس عم تاكل خبز ناشف و تشرب شاي من دون سكّر ، قدّيش في ولاد عم ينامو بلا أكل عا أمل بكرا يكون غير... أوجاع هالناس كلّن مع يسوع عالصليب وبس يقوم رح يقومو معو! مار شربل ضحّى كتير عالأرض وصار قدّيس! يا ريت هالكلمات بيعطو لو شويّة أمل ببكرا أحلى ، من يصبر للنهاية يخلص! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي

[ قرّر صح ]   بيخبرو عن فلّاح عايش ببيتو البعيد بالجبل بيزرع وبياكل ومربّي شويّة دجاج و معزاية. عاش وربّى عيلتو متل ما تعلّم من جدودو ولا مرّة كان عندو الحشريّة يضهر برّات الضيعة يشوف شو في بغير محل. وبنفس الوقت بيخبرو عن إبن عمّو اللي ما إكتفى باللي تربّى عليه و راح عالمدينة وإستكشف إشيا وحياة جديدة. ما فينا نقول حدا غلط وحدا صح! كل واحد عندو تفكير، عندو طموح، عندو قناعة... الزوّادة بتقلّي وبتقلّك : ما فينا إلّا نصلّي ونطلب من ربنا ينوّرنا تا نعرف ناخد القرارات الصح ونختار صح ونرسم طريق حياتنا ويكون بيوصل لعندك! قد ما كان في مطبّات وحُفر بهالطريق ما رح نستسلم، يمكن نوقف نرتاح بس رح نكمّل للآخر عا دعساتك... الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ خلّيك بالبيت ]   بيخبرو عن عيلة بالإيّام العاديّة أفرادها قليل تا يشوفو بعضن الأهل بأشغالن ولاد بالمدرسة وبالجامعة كل حدا بميل. هلّق بالوضع اللي نحنا فيه وضرورة القعدة بالبيت حتّى نكافح كورونا عم يكونو سوا. هالشي اللي عم نعيشو لَو لقَيتولو كتير صفات سلبيّة إلو فوايدو! العيلة تقرّبت من بعضها وبتخاف عا بعضها وعم تعمل المستحيل حتّى تحافظ عا صحّة الكل. الأهل رجعو يلعبو مع ولادن لَو جوّا، الولاد رجعو يحكو مع أهلن، صارو عم يصلّو سوا! الزوّادة اليوم بتقلنا :  إستفيدو من هالوقت بقلب العيلة و منصلّي حتّى ربنا يعطينا نعرف نعيش متل عيلة الناصرة... يا رب إحفظ كل العِيَل وإحميهن من كل شر.... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ شو بعدك ناطر !؟ ]   قولكن شو أحسن طريقة نستثمر فيها حياتنا اللي كلنا متّفقين إنها زيارة على هالأرض؟ احلى جواب معقول نسمعو : أحسن شي نعملو بحياتنا هوّي نقضيها عم نجمع زوّادة تبقى معنا بس يخلص هالمشوار هون!  اللي بيآمن بيسوع وبالحياة الأبديّة بيعرف إنّو وحدن أعمالو الصالحين اللي بيروحو معو عالملكوت وكل شي تاني بيبقى هون! اللي بعد ما بلّش، شو بعدك ناطر؟! تذكّرو إنّو يسوع قلنا : لا تعملوا للقوت الفاني بل إعملوا للقوت الباقي للحياة الأبديّة! ...  والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ يسوع حاضر ما تخافوا ]   الزوّادة اليوم من روحيّة اللي قالو البابا فرنسيس مبارح. اللي عم نعيشو اليوم بيشبه بس كانو التلاميذ مع يسوع بالسفينة وطلعت العاصفة. إذا منتذكّر منيح هيدي المرّة الوحيدة بالإنجيل اللي منشوف فيها يسوع نايم! التلاميذ خافو كتير وقالو رح نهلك أكيد ولمّا وعي يسوع وروّق العاصفة قلّن : ليش خايفين؟! وين إيمانكن!... عاصفة كورونا اليوم عم تهدّد سفينة العالم كلّو. الزوّادة بتقلّي وبتقلّكن : يسوع حاضر، يمكن نايم بس موجود! آمنو إنّو رح يهدّي العاصفة بالوقت المناسب! ما تخافو، ما تخافو، ما تخافو... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الله وَينو؟ ]   بيخبرو عن زلمي كان يضَل يخبّر قدّيش هوّي متعلّق بضيعتو وبأرض جدودو وما بيتركن لو شو ما صار.  بس بلّشت الحرب أوّل رصاصة طلعت بهالضيعة كان هوّي أوّل واحد هرب وترك كل شي كان يقول بيحبُّو للعدو! حتّى إنّو ما جرّب يدافع أو يواجه! نحنا هيك صايرين منضَلّ نقول قدّيش منحِب الله و متعلقين فيه و قدّام أوّل إمتحان منهرب ومنترك إيماننا ومنصير نقول وينو الله تاركنا ما بيساعدنا ونحنا ما جرّبنا حتّى نفهم أو نلحق الإيمان اللي ما في أشطر مِنّا بالحكي عنّو!... الزوّادة بتقلّي وبتقلّكن : كل ما تسألو الله وَينو بهالظروف تذكّرو مين اللي بَعَّد عن التاني... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ ألف نعم ]   مبارح كان عيد بشارة إمنا مريم. هالعيد فريد من نوعو بيجمع المسيحيّين والمسلمين، هالعيد عيد وطني! مش صدفة يكون هالعيد بهالوقت! يا رب تبعت بشارة لكل اللبنانيّين وكل العالم بالسلام والأمان والصحّة وحل للمشاكل الإقتصاديّة و راحة البال!... متل ما الملاك بشّر مريم و قالت نعم لمشيئتك، نحنا يا رب ناطرين بكل إيمان بشارتك إلنا ومن هلّق منقلّك نعم وألف نعم يا بينا المحب الحنون... ينعاد عليكن بظروف أحسن والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ إشيا إيجابية وإشيا سلبية ]   بيخبرو عن فحمة قاعدة زعلانة كيف قالولها إنّو هيّي مؤذيّة بتحرق غيرها. إجت عند إمها عم تخبّرها، قالتها الإم : مش مزبوط إنّك مؤذيّة إنتي بس يحطّوكي عالبخّور بتطلع ريحة حلوة كتير، بس يولعوكي بيحَضرو أكل مشوي، بس يحطّوكي عالأرغيلة بيتسلّو ساعات... إنتي طبيعتك قلبك نار وأكيد النار بتحرق بس كمان إنتي ما بتفتري عا حدا، اللي إحترق هوّي اللي ما إنتبه يحملك منيح! الزوّادة اليوم بتقلّك : كلنا عِنّا إشيا إيجابيّة وإشيا سلبيّة بس كمان في إشيا ما بيكون الحقّ علينا فيها! يسوع ما علّمنا نسكت عن الحقّ أبداً بس كمان وقت منغلط لازم نعتذر وبنفس الوقت إذا حدا غلط بحقنا نسامحو... أوقات منتخبّط بين كتير مشاعر و ما منعرف نتصرّف بس تذكّرو : "كُونُوا لُطَفَاءَ بَعْضُكُمْ نَحْوَ بَعْضٍ، شَفُوقِينَ مُتَسَامِحِينَ كَمَا سَامَحَكُمُ اللهُ أَيْضًا فِي الْمَسِيحِ" (رسالة بولس الرسول إلى أهل أفسس ٤: ٣٢)... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {

[ الأولويّات ]   بيخبرو عن تنين أصحاب بيحبّو بعضن كتير وعندن كتير إشيا مشتركة بتجمعن. حتّى قد ما قريبين من بعض أوقات كتير بيحكو نفس الكلمة بنفس الوقت. بيفهمو عا بعضن بنظرة. مع إنّو بيختلفو وكل واحد عندو رأي تجاه مواضيع معيّنة بس ولا مرّة حدا جرّب يلغي التاني أو يجبرو بوجهة نظرو، عاطول بيوصلو لحل وسط لأنّو صداقتن هيّي الأهم بالنسبة إلُن و كل شي غير بيجي بعدين. الحياة أولويّات! بس تحدّد أولوياتك وتعرف ترتّب المهم والأهم والأقل أهميّة بتكون عم تعيش صح! بهالإيّام شو الأهم بالنسبة إلك؟ شغلك؟ عيلتك؟ صحتك؟... الزوّادة بتقلّي وبتقلّك اليوم : الأولويّة هيّي الصلا! بالصلا بتحفَظ عيلتك فرد فرد، بالصلا بتحافظ عا صحتك الروحيّة و الجسديّة! تذكّرو إنّو الأرضيّات عاطول بتجي بالمرتبة التانية... الله يحميكن ويكون معكن! {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معن

[ بعد الجلجلة في قيامة ]   نحنا اليوم بوضع صعب. الناس عم تتعلّق بأي خيط أمل قد ما كان رفيع و قد ما كان مش منطقي، شي بيتّكلو عا أقوال منجّمين، شي بيصدقو خبر مفَبرك وصلن عا مواقع التواصل بدون ما يتأكّدو إذا صح، شي بيشوفو القدّيسين بفناجين القهوة ومدري وين!  جرّبتو كل شي و ما رحتو عالمطرح اللي لازم تفتشو فيه! بس يقلنا يسوع : "فِي الْعَالَمِ سَيَكُونُ لَكُمْ ضِيقٌ، وَلكِنْ ثِقُوا: أَنَا قَدْ غَلَبْتُ الْعَالَمَ" (إنجيل يوحنا ١٦: ٣٣) الزوّادة بتقلّي وبتقلّكن : شو بدكن بعد حتّى تآمنو؟ ليش بعدكن ضايعين و خايفين ومحتارين! مش صدفة يكونو كل هالصعوبات بوقت الصَوم! بالصَوم بتكتَر التجارب والضيقات لأنّو الشرّير بدّو يبعدنا عن الله ويلهينا عنّو. عا كل حال شو ما صار و قد ما كان الوضع صعب عا كل المستويات تذكّرو إنّو بعد الجلجلة والصلب في قيامة... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع &quo

[ حبّوهن بالفعل ]  بيخبرو عن ست ختيارة متل كل الكبار بالعمر ما بيحبّو يتركو بيتن وما بتقبل تروح عند حدا. وبهالوضع ما عم تقبل حدا يجي لعندا ! كل شوي بتدق لولادها وأحفادها عا تلفون البيت تا تتأكّد إنّن ما عم يضهرو وما بتقبل إلّا تحكي مع الكل! هالختيارة في متلها كتير! هالشريحة من الناس عاشو الحرب، تهجّرو، جاعو، خافو، عتلو هم، كأنّو ما بيكفِيهون اللي عاشوه حتّى هنّي وعم يحضرو تلفزيون ويسمعو راديو متلنا كلنا يسمعو إنّو كورونا بيقتل اللي بعمرن! شو رح يحسّو؟! هالناس اللي بيفكرو بالكل وبيعتلو هم الكل بعد فيكن قدّامن تكونو بلا مسؤوليّة وتكَملو حياتكن كأنّو ما في شي؟!  #حِبّوهن_بالفعل_مش_بالحكي #خلّيكن_بالبيت_كرمالن_و_كرمالكن_و_صلّوا! َالله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الجمال بالتنوّع ]   بيخبرو انّو مرّة ورَاق وردة الـ marguerite البيض تخانقو مع قلبها الأصفر. الورَاق يقولو يا ريت كلها بيضا كانت أحلى والقلب الأصفر يقول لو كانت كلها صفرا شو كانت أحلى بكتير. تخانقو بدون ما يعرفو إنّو جمالها بتنوّع ألوانها وإنّو هيّي حلوة بوجود التنين سوا وإنّن مَوصولين ببعض وإذا إنفصلو ببطّل في وردة أصلاً ! الناس هيك عاطول بيفتشو عاللي بيشبهن يكونو معو وبيبعدو عن اللي مش متلن وبيعيشو بصراعات وما بيعرفو إنّن بيكَملو بعض وإنّو ما حدا في يلغي التاني وإنّن كلّن ولاد الله وعايشين تحت نفس السما!  الزوّادة بتقلّي وبتقلّك : صار الوقت الناس توعى وتحبّ بعضها وتفهم إنّو ما فيهن يخلّو الآخر يكون نسخة عنّن وإنّن لازم يعيشو سوا بمحبّة و سلام! والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ طاقة أمل ]   بيقول البابا شنودة التالت : "لا توجد ضيقة دائمة تستمر مدى الحياة لذلك في كل تجربة تمر بك قل : مصيرها تنتهي. سيأتي عليها وقت وتعبر فيه بسلام. إنما خلال هذا الوقت ينبغي أن تحتفظ بهدوئك وأعصابك ، فلا تضعف ولاتنهار ، ولاتفقد الثقة في معونة الله وحفظه." الزوّادة بتقلّي وبتقلّك : بقلب كل جَو الخوف والهمّ اللي عايشينو و كل التساؤلات اللي عنّا ياها متل وينك يا رب ليش تاركنا بكل هالصعوبات إجا البابا شنودة يفتحلنا طاقة أمل ، طاقة رجا ويذكّرنا إنّو عاطول بعد الشتي في ربيع وعاطول بعد الليل في نهار وعاطول بعد المشكل في صلح وبعد الزعل في فرح و بعد الخوف في سلام! ما تخافو! كل يوم بيوصّينا ربنا و نحنا هالضعف البشري اللي فينا بيضل ينسى و يخاف! يا رب بهالإيام الصعبة خلّي عينك علينا! الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّ

[ مار يوسف شفيع العمّال ]   بيخبرو عن مار يوسف إنّو كان يشتغل كتير وما كان يشكي أبداً. نحنا الّلي منضل نقول تعبانين وكل ما زاد علينا الضغط شوي ما منخلّي حدا ما منخبرو، نحنا عايشين بعالم كل الناس بيفتشو عا وسائل الرفاهية والراحة. الزوّادة اليوم  بتقلكن : إرتاحو بيوم الرب ومن يوم التنين خلونا نبلّش الأسبوع بروح جديدة ونفسية جديدة ونسلّم شغلنا وتعبنا وضغوطاتنا لمار يوسف ونطلب منّو يرافقنا ومنصلّي كمان عا نيّة الناس الّلي عاطلين عن العمل حتّى تمرق هالفترة والرب يفتح بوجّن بواب الأمل... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ التجارب ]   بيخبرو عن زلمي ختيار بدّو يعمل ناسك صارت تجي عا راسو أفكار حتّى ما يصوم. كأنّو صوت عم يقلّو : كول اليوم و بكرا بتتنسّك. قال : لأ ما رح أعمل هيك، رح صوم اليوم و بكرا متل ما الله بيريد بيصير! الزوّادة اليوم بتقلنا : إنّو بزمن الصوم بتكتر التجارب، كتار الأصوات اللي رح تجرّب تغريك و تبعدك عن الله، هون بتبيّن قوة الإرادة و الإيمان والتسليم لمشيئة الرب!... الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ مار روكز ]   بلبنان في كتير رعايا عا إسم مار روكز بس شو بتعرفو عنّو؟ هالقدّيس ولد بفرنسا. معروف عنّو إنّو بيحب الناس كتير و لمّا توَفّوا أهلو كان عمرو ٢٠ وزّع مصرياتو عالفقراء و ترك الأراضي لعمّو. بعدين لبس تياب بسيطة وسافر عا روما. بس وصل عا إيطاليا شاف مرض الطاعون متفشّي بين الناس وصار يخدم المرضى ويشفيهن بإشارة الصليب. حتّى هوّي إنعدى طاعون وعَزَل حالو بعيد عن الناس وتوجّع كتير، بس ربنا عطاه نعمة الشفاء. رجع عا فرنسا وعمّو كان الوالي بس ما عرفو! فكّرو جاسوس وحبسو. تعذّب كتير وأوّل ما توفّى بَيَّن نور بالحبس و لِقيو حدّو لوح مكتوب عليه : "من أصيب بالطاعون، وإلتجأ إلى عبدي روكز، ينجو بشفاعته". ومن وقتها مار روكز شفيع الأمراض المعدية...صلولو! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الهديّة ]   إجمالاً لمّا نكون بدنا نجيب هديّة لحَدا منحبّو ، منكون منعرف شو يللي معقول يفرِّحلو قلبو ويخلّي عيونو يلمعو، حتّى إنّو منقدر نتخايلو قدّامنا هوّي وعم يفتحها. ولمّا هيدا الشخص بيفتح الهديّة ، ما بيتوقّع أبداً إنّو تكون هيدي هديتو وبالحقيقة بيفرح كتير. ونفس الشي مع ربنا هوّي اللي بيقرا بالقلوب، هوّي اللي بيعرف شو بيفرّحنا لو كنّا عم نطلب غير شي، بس هوّي دايماً هديتو أحلى بكتير من توقّعاتنا. الزوّادة بتقلّي وبتقلّك : صحيح إنّو الله كريم، وكتير. وما تنسوا انّو ما حدا بيحبنا قدّو، وثقوا فيه. والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ سامريّ صالح ]   في صلا حلوة بتقول : "والذين وقعوا في الطريق، أرسِل لهم سامري صالح يعالج جروحهم" يا رب مش بس بعتلنا سامري صالح لمّا نوقع، عطينا نحنا نكون سامريين صالحين بحياة غيرنا كل واحد عا طريقتو. ما أكتر الوقعات يا رب، و ما أصعب الطريق... ما النا غيرك سند وكلنا ثقة إنّو بالآخر في قيامة و اللي مصبّرنا عا كل اللي عم نمرق فيه هوّي رجا الفرح الأبدي... يا رب ما تخلّي حدا متروك، وحيد، موجوع، حزين، بردان، جوعان، بلا شغل، بلا بيت...إبعت لكل واحد منّن سامري صالح بهالصوم و كل يوم! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ عمق الأمور ]   مرّة زلمي صوّر غزال عم يقطع الطريق وإنتشرت الصورة وصارو الناس يعَلقو عليها إنّو حرام الغزال ليش عم يقطع الطريق يمكن تفوت فيه سيّارة وهيك إشيا. بس ما حدا فكّر يعلّق مثلاً : ليش في طريق عام بالغابة؟ ليش خرّبو البشر بيت هالغزال اللي ما رح يعرف إنّو الزفت خطر عليه؟ أوقات في صُوَر و مواقف وراها في إشيا أعمق بكتير بس الناس مِتعَودين يشوفو اللي مبيّن، قليل اللي بيفكّر أكتر من ما مطلوب ومن اللي شايفينو عيونو! الزوّادة اليوم بتقلنا : انّو يسوع حكانا بالأمثال حتّى يعلّمنا نحلّل و نفكّر ونشوف عمق الأمور! عطينا يا رب مواهب روحك القدّوس بهالصوم المبارك وخصوصاً موهبة الحكمة حتّى نشوف و نفهم و نتصرّف عهالأساس! الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ شكر الرب ]   بيخبرو عن شب بيشتغل شغلتين بيفلّ من بيتو الساعة ٧ بيرجع الساعة ١٠ بالليل و معاشو عالقد تا ياكل و يشرب و يعبّي بنزين و كل شهر نفس القصة. هالشب متل كتير شباب بلبنان اليوم. مظلوم؟ أكيد ، مش عم ياخد حقّو؟ أكيد ، عم يتعب أكتر بكتير من اللي عم يطلَعلو؟ أكيد ، بيستاهل أكتر بكتير؟ أكيد ، راحو أحلى سنين حياتو عم يجرّب بس يعيش بكرامة؟ مزبوط، عا كتافو مسؤوليّات تقيلة كتير ما بيتحملها حدا بعمرو؟ مزبوط، عندو كتير أحلام مش قادر يحقّقها؟ مزبوط.... كل هالإشيا بمَيلة من الميزان و تاني مَيلة فيه شَكرو لربنا إنّو مع كل همومو و تعبو ما صار فيه متل كتار فقدو أشغالن و ناس ما عندا سقف فوق راسها و ناس بتنام جوعانة و ناس مريضة مش قادرة تتعالج! منصلّي سوا اليوم : يا رب كون مع هالشباب و خلّي بقلوبن أمل إنّو بكرا أحلى قد ما اليوم كان صعب... يا رب تشرق شمسك بالعتمة اللي نحنا فيها اليوم!  والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأش

[ خلّيك بالبيت ]   نحنا و العالم كلو عم نمرق بمرحلة صعبة كتير... واللي عم يصير مش عادي أبداً وأكيد هالشي بيتطلّب منّا تصرّف مش عادي كمان! الزوّادة اليوم عم تطلب من كل شخص يتصرّف بوعي ومسؤوليّة تجاه الظروف اللي نحنا فيها. إذا مش خايف عا حالك ما تكون أناني وفكّر باللي حولك! أكيد هالدعوة للوقاية مش قلّة إيمان! إذا إستعملت عقلك اللي عطاك ياه ربنا ما بتكون قليل الإيمان! تسكير المدارس مش للرحلات السياحية وإستكشاف البلد، الزيارات والمناسبات والواجبات بتنطر لبعدين، السلامات والغمرات بيتأجّلو... الإستهتار بيوصّل للمرض وبعدين ما بينفع الندم! إذا خسرنا حدا منحبّو كرمال نغمرو شو منكون إستفدنا!؟ إنتو عملو اللي عليكن وإنتبهو وسلمو الباقي لربنا... صلّو! والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ إختلاف الرأي ]   بيخبرو عن تنين أصحاب عم يحكو عن الأكل. قلّو الأوّل : أنا ما بحب الباتنجان المحشي قاطع الرز فيهن بيصير لونو mauve بحسّن مجويّين. رد التاني و قلّو : غريب! أنا بحب هالأكلة لأنّو الرِز لونو mauve بحب هاللون كتير... نفس السبب خلّى شخصين واحد يحب الشغلة و واحد ما يحبها بس هالشي ما خلّاهن يبَطلو اصحاب! و نحنا هيك كل واحد عندو رأي مختلف عن التاني بالنسبة لموضوع معيّن و هالإختلاف ما لازم يفرّقنا بالعكس لازم يكون في مساحة للحوار و التلاقي!... الزوّادة بتقلّي وبتقلّك : شو ما كان السبب و قد ما كان بنَظر الأرضيين مهم، منّو شي قدّام حقيقة إنّو كلنا ولاد الله و متساويين قدّامو!... ما تزعّل خيّك كرمال شي، حبّ العالم متل ما بيحبّك الرب... والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ حكمة ربنا ]   مين مِنّا ما سأل حالو لو مرّة ليش ربنا بيشفي ناس وناس لأ، ليش ناس كل حياتن و لا مرّة حصلو عا شي بالهيّن و ناس شغلتن بتزبط من أوّل مرّة، ليش ناس بيكونو فقراء و ولادن جوعانين و غيرن عم يكبّ الأكل، ليش ناس بتستغلّ السلطة لتوصل و ناس مظلومة و حقوقها مأكولة؟! الجواب والقرار عندو، حكمتو مش عاطول منفهمها بس الأكيد إنها لمصلحتنا لو ما بيّن هالشي بوقتها. يللي بيشفِيُن مثلا  ما بيعني أبداً انّو بيحبن أكتر، لأنّو البَيّ ما بيفرّق بين ولادو، وإلّا كان شفي القدّيسة تريزيا الطفل يسوع أو القدّيسة رفقا والأمثلة كتار من سير القدّيسين اللي مرضو و انظلمو و تعبو... بس حبّ الرب إلُن رفعُن لمرتبة القدَاسة و شو هنّي صعوبات الأرض قدّام مجد السما! يا رب عطينا نقبل مشيئتك بضعفنا البشري و ننطر اليوم اللي بتقلنا فيه : أدخل فرح سيدك...الله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعب

[ عيد المعلّم ]   اليوم بعيد المعلّم ما فينا ما نتذكّر قدّيسين كتار كانو معلمين! إذا مناخد مثل بلبنان، القدّيسة رفقا والقدّيس نعمة الله الحرديني كانو بمجال التعليم كل واحد عا طريقتو وبالمطرح اللي انْوَجَد فيه. معروف عن رفقا إنّو ما كانت تصرخ أبداً وكانت تستعمل أسلوب الإقناع وتلاميذها يحبّوها كتير. والقدّيس الحرديني كان يعلّم بمدرسة دير كفيفان وكان مار شربل تلميذ عندو! معروف عَنّو تواضعو حتّى لمّا ترقّى وصار مدير كان يشتغل بتجليد الكتب! الزوّادة اليوم صلا لكِلّ معلّم  تِعب و خرّج أجيال واعية، لكِلّ معلّم بيعلّم من قلبو مش من الكتاب حتّى ربنا يرافقن برسالتن ويعطيهن الصحّة! والتحيّة الأكبر بتبقى للمعلّم الأوّل يسوع المسيح... والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ البوصلة ]   بيخبروا عن صيّاد كان يضيّع طريقو دايماً هوي ورايح عالجبل ليتصيد، قرر رفيقو يشتريلو بوصلة حتى تدلو عالطريق… وبعد فترة رجع لعند رفيقو عم يشكيلو : بعدني بضيع بالطريق. قللو رفيقو : عم تستعمل البوصلة ؟ قللو : هالبوصلة كل ما ديرا عالجنوب بتبرم بتبرم وبتدلني عالشمال… الزوّادة بتقلّي وبتقلّكن : هيك بالإنجيل إخوتي ،، ما نفسّر الإنجيل أو ناخدو مطرح ما نحنا بدنا ،بالعكس نتبعو و نمشي مطرح ما هوي بيدلنا ونقبل مشيئة ربنا بحياتنا، والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ في الإتحاد قوّة ]   إجتمع بهونيك مرّه عدّة رجال ولكن طال الحديث بينهن لساعه متقدمه من الليل، وغمرتهن العتمه وصقّعت الدني، فجمّعو شويّة حطب وشعّلو النار وصارو يتدفّو عليها. كانو قاعدين وحاشرين حالهن حول هالنار الحلوه. ولكن واحد منهن ما عاد بدّو يقعد مع الباقيين. فإختار حطبه ولعانه وأخذها وراح وقعد بعيد عنهن. ولكن حطبتو ما طوّلت حتى إنطفت وخلّت صاحبها بالعتمه والصَّقعه والوحده التامّه. فكّر بينو وبين ذاتو وقام ورجع لعند أصحابو، وحطّ حطبتو بقلب النار اللي رجعت شعّلتها بلحظه من الوقت، وقعد بقلب الدايره والنار نوّرتلو وجّو ودفّتلو جسمو. الزوّاده بتقلّي وبتقلّك : الجنّه بلا أصدقاء ورفقاء موحشه، خلّينا نتّحد ونقعد مع بعض، وهيك منحوّل كل لقاءاتنا الأرضيه الى جنّه. والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ السجود ]   إسمع هالخبريّه : كان مرّه الفيلسوف ديوجين عم ياكل ع العشا شوربة عدس، شافو الفيلسوف أريستيب اللي كان عايش بحاشية الملك حياة ترف ورفاهيه. قلّو لديوجين : "لو تعلّمت تسجد قدّام الملك، ما كنت اليوم عم تاكل عدس!" وجاوبو ديوجين : "لو تعلّمت تكتفي بالعدس، ما كنت اليوم عم تزحف قدّام الملك." وفهمك كفايه. الزوّاده اليوم عم تسألك : إنت، لمين عم تسجد؟ وليش؟ عم تطرح عليك السؤال حتى تقول إنّو القناعه تحرّر وكرامه، والسجود للحرّيه والكرامه لغير الرب عبوديه وذلّ. والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ المحبّة ]   زوّادتنا اليوم بتدعينا إنّو ما نستحي نعبّر عن محبتنا للأشخاص اللي حوالينا. الحب هو أساس الحياة. إسمعو هالخبريّه : هوي كان رجّال قوي وهي كانت بنت ناعمه وحسّاسه. تزوّجو وعاشو أحلى عيشه. صار عندهن ولاد. كبرو وريّشو وطارو كل واحد لحياتو. ومتل كل بيّ وإمّ، رجعو لوحدتهن اللي بلّشوا فيها حياتهن. وهيك فقدت المرا بسمتها وصارت عايشه بوحدة رهيبة، لدرجه إنّو ما عادت تترك الفرشه. خاف زوجها عليها ونقلها ع المستشفى بركي بيلاقولها علاج للمرض اللي عم ينهش جسمها. ولكن كل طبيب كان يفحصها كان ينفض إيديه عاجز عن إيجاد الدوا والعلاج المناسب. آخر إختصاصي أخد الرجّال ع جنب وقلّو : "يا حبيبي، مرتك بكل بساطه مش حابّه بقا تعيش." ومن دون ما يقول أي كلمه، فات الرجّال ع غرفة مرتو، قعد حدّها، مسكلها إيدها اللي إختفت بإيدو الضخمه وقلّها : "إنتِ مش رح تموتي..." "ليش؟" سألتو مرتو بصوت خفيف. "لأنو أنا بحاجه إلك" جاوبها الزوج. وبإبتسامه خفيفه وعيون فرحانه بتتطلّع فيه وبتقلّو :

[ ما حدا كمالة عدد ]   بيخبروا عن ٤ شباب إتّفقوا إنّن يلعبو طرنيب، بس واحد منّن ما قدر يجي جَدّ عليه شغل وصار بدّن حدا رابع تَيِكتمِل العدد. شوي بيدقّ الباب وبيطلع جارن اللي بالإيام العاديّة ما كتير بيحبّو زيارتو، بس ليلتها رحّبو فيه وشدّو العزيمة وقالولو : جيت عالقدّ. بتلعب ورق معنا؟! وهيك صار. الزوّادة بتقلّي وبتقلّكن : في ناس أوقات وجودن ما بيعنيلك كانو أو لأ هيّي ذاتها وفي ناس إذا غابو لحظة بتحسّ في شي ناقص وفي ناس وجودن يمكن بيزعجك. الأكيد إنّو نظرتك مختلفة عن نظرة ربنا! بالنسبة إلو بيحبنا كلنا، بالنسبة إلو الكل مهم وما حدا كمالة عدد! كونوا على ثقة إنّو الله بيعرف إسم وحلم كل شخص، قَوّو علاقتكن فيه بهالصوم المبارك والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ الصوم ]   من أشهر أقوال البابا كيرلس السادس :  "إن الصوم يا أولادي هو أوّل وصيّة سلّمها الله للبشريّة حين أمر أبَوينا الأوّلين "آدم وحوّاء"أن لا يأكلا من بعض أثمار الجنّة. والصوم هو أوّل عمل قام به ربنا يسوع المسيح بعد العماد و قبل أن يبدأ عمله الكرازي وسط الناس. والصوم هو أوّل عمل قام به آباؤنا الرسل القدّيسون عندما رفع عنهم المسيح!" الزوّادة بتقلّي وبتقلّكن : نحنا وين من كل هالأحداث؟ اليوم كلنا مدعوّين للصوم ولنبلّش درب الحق. الصوم فرصة حتّى نرجع للرب. الصوم هوّي الخطوة الأولى عا درب السما. وأكيد أكيد ما عم نحكي عن الصوم عن الأكل، المقصود اوّل شي صوم القلب عن الحقد!... صَوم مقبول للكل،والله معكن... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}

[ إبدأ بالأقرب ]   بتقول الأم تريزا دي كالكوتا : "لا تفكّر أبداً بالأعداد بل ساعد كل مرّة شخص واحد وإبدأ من الأقرب لك." الزوّادة بتقلّي وبتقلّك : ما تقول ليك أدّيش في ناس بحاجة لمساعدة أنا شو بدّي أثّر. ما تفكّر بالكميّة، فكّر بالعكس إنّو كل مرّة بتساعد شخص بيكونو المحتاجين نقصو واحد! وما تروحو تفتشو بعيد أوقات بيكونو حدنا و مش حاسّين فيهن. أهمّ نقطة نضوّي عليها اليوم إنّو بس نقول مساعدة أكيد ما قصدنا المعنى المادي بس، الدعم المعنوي بيجي بالمرتبة الأولى! الله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}