زوّادة يوم ٣ شباط ٢٠٢٤

تقاسم خيرات الأرض

الله معك...

بيوم مِن الإيَّام كنت قاعد بالقهوة عم بتفرّج على نملة كانت عَم بتفتّش على شي لتاكلو، وبتلاقي حالها قدّام طاولة بتعربِش عليها بتلاقي في كومة من السكَّر، أكلت لحتَّى شِبعِت، ونِزلِت عن الطاولة، وبسرعة بيِجو نملتَين تنَين وتلاتة وجيش من النمل كلُّن أكلو وشبعو. 

فكَّرت بهالمشهد، وعرِفت إنّو النملات في عندُن طريقة تواصُل نحنا منجهلها، بَس المهمّ إنّو عرفو كيف بدّن يخبّرو بعض لحتّى يتقاسمو الخير يلّي الربّ عطاهُن ياه.

الزوّادة بتدعيني وبتدعيك :

لعَيش الشراكة والمحبِّة ولتقاسم خيرات الأرض، مش مطلوب مِنّا نِقضي على الفقر، المطلوب نتقاسم خيرات الأرض مع بعض، والله معك.

المصدر : صوت المحبّة