زوّادة يوم ٢ شباط ٢٠٢٤
ما تِحكموا عالناس !
بيخبرو عن زلمي عندو دكّان شوي فات صبي زغير.
قام صاحب الدّكان قلّها لَمرتو :
هيدا أغبَى ولد بالعالَم شوفي.
فتَح إيديه و حطّ بإيد ٢٠ ألف ليرة و بإيد ٥٠ ألف ليرة و قلّو إختار، قام الصّبي أخَد الـ ٢٠ ألف و فلّ!
قلّها شِفتي!
كل يوم بيٍجي و كل يوم بعمِل فيه هيك و بياخُد الـ ٢٠ !
بعد فترة سمعِت المَرا الصّبي عم يخبِّر رفقاتو بالحيّ و عم يقلُّن مفكّرني ما بِفهَم بس أنا بعرِف كتير منيح إنّو نهار اللّي باخُد الـ ٥٠ ألف رح تُخلَص اللِّعبة و ما بقا يطلعلي شي!
ما تحكموا عالناس! ما تحكموا عالناس! ما تحكموا عالناس!
هيك يسوع قال و هيك لازم نتصرَّف... الله معكن.
المصدر : صفحة Jesus My Lord
تعليقات
إرسال تعليق