زوّادة يوم ٩ آذار ٢٠٢٣

 

الغربال

الله معكن... 

بيخبّروا عن رجّال مجنون كان قاعد بباحة الضّيعة، حامل غربال وعم بيغربل الهوا، تقدّم منّو شاب وسألو: شو عم تعمل؟ 

جاوبو: عم غربل الأصدقاء. 

سألو الشّب مين يلّي نزلوا من الغربال؟ 

قلّو :

"الغدّارين، السّارقين، المتملّقين، الأنانيّين، أصحاب الوجهين، ناكري الجميل، خائني العشرة، المنافقين..."

وبلحظة كمّل الشّاب طريقو حزين لأنّو إكتشف إنّو الصّداقة صارت نادرة بعالم اليوم.

الزّوّادة بتقلّي وبتقلّك :

بتقدر يكون عندك كتار يلّي هنّي رفاق سفر، أو عمل، أو دراسة، قلال هنّي الأصدقاء، بس لازم تنتبه من كترة الأصحاب، والله معك.

المصدر : صوت المحبّة