زوّادة يوم ١٤ شباط ٢٠٢٣
عيد الحب
اليوم عيد الحب، وما فيني خلّيه يقطع من دون ما إحكي عن الحب.
مين منّا ما بيحبّ؟
منبلّش بالطّفل الزغير ومنخلص مع كلّ إنسان كبير.
الكل بيعرف يحبّ!
بس حُبّ عَنّ حُبّ بيِفرق !!
في حبّ المصلحة اللي نتيجتو فشل العلاقات، وفي حُبّ بدِّي سمِّي: جواب الحبّ!
حب الطّفل هوّ حب بريء للشّخص اللي بيعطيه الحنان والحبّ.
حب اللي ما بيخاف من شي لمّا يكون بين إيدين اللي بيحبّن!
بيعمل أي شي من دون خوف لأنّو بيعرف إنّو اللي بيحبّو مش ممكن يئذيه.
الله حبّنا حُبّ كبير ما بيوقف عا حدود!
حَبّنا حُبّ من دون شروط.
حَبّنا لدرجة إنّو مات كرمالنا.
معقول ما نحبّو نحنا بدورنا من دون شرط أو مصلحة؟!
مستعدّين نجاوب على حب الله:
بدِّي حب متلك يا ربّ؟
حُبّ بيمرق بالصّليب وبينتهي بالقيامة؟
عيد حُبّ مبارك عالجميع ♥️
يسوع بيحبّنا، خلّونا نحبّو.
الله معكن...
خدّام الرب ®
تعليقات
إرسال تعليق