زوّادة يوم ٨ كانون الثاني ٢٠٢٣

 

ضلّكن عم تتمرّنو 💪🏼

بيخبرو عن تنين أصحاب قرّرو يشاركو بمسابقة ركض. 

واحد منّن كل يوم يوعى بكّير و يروح يتمرّن و التاني يضحك عليه يقلّو ما في داعي أبداً للتمرين ما أنا بطل السنة الماضية و أسرع واحد بالمدرسة. 

بيوم السبق بلّشت المنافسة و كان اللي ما تمرّن هوّي الأوّل بس وصل لنص السبق و ما بقا قدر يكمّل من التعب و انسحب و بالآخر ربح رفيقو اللي تمرّن كل يوم! 

الزوّادة بتقلّي وبتقلّكن :

ما تتّكلو عا قوّتكن وحدها لازم تضلّو عم تتمرّنو بكل شي بالحياة حتّى بعلاقتنا مع ربنا! 

ما بيكفي قول أنا مؤمن و خلص، لازم ضل صلّي و غذّي إيماني تا يكبر أكتر و صير أقرب للرب! 

الله يرافقكن و يعطيكن القوّة تكَملوا كل شي للآخر.

المصدر : صفحة Jesus My Lord