زوّادة يوم ١٦ كانون الثاني ٢٠٢٢

-

 


شفاعة ختيار عنّايا معكن


من الأقوال المنسوبة لمار شربل: 

"الإنسان يرغب أشياء كثيرة لا يحتاجها، ويحتاج أشياء كثيرة لا يرغب فيها." 

مين مِناّ و لا مرّة حطّ راسو عالمخدّة و كان محضّر لايحة طلبات من ربنا. 

مين مِنّا ما زار القدّيسين و طلب شفاعتهن تا يحصل عا إشيا مفكّرها ضروريّة إلو... 

أوقات بتستجاب صلاتنا و أوقات لأ و ما منفهم ليش و منصير نعاتب ربنا ليش ناسينا و ما بتحبنا و ما عم تردّ علينا و بعد فترة بيجيلنا الجواب وحدو و وحدنا منقول الحمدالله إنّو ما صار اللي طلبناه! 

عنجد صعب نميّز بين الإشيا اللي بتلزمنا و الإشيا اللي منطلبها و ما بتكون لمصلحتنا، شو رأيكن اليوم نسلّم هالشغلة ليسوع اللي هوّي وحدو بيعرف بكرا و قادر يتحكّم باليوم و نقلّو يا ربّ إنت بتعرف كل شي لتكن مشيئتك، إنت قرّر و نحنا منمشي! 

شفاعة ختيار عنّايا معكن كلكن و انشالله بتحصلو عا كل شي بيفيدكن بشفاعتو... آمـــــــــين!



المصدر : صفحة Jesus My Lord



تعليقات

إرسال تعليق

المشاركات الشائعة من هذه المدونة

زوادة يوم ٩ أيلول ٢٠١٩/الشمعة المطفية/

-
صورة
[ الشمعة المطفية ]  بيخبّرو عن بيّ كان عندو بنت وحيدة، وكان يحبّها كتير. مرضِت، ومع الأسف بعد صراع مع المرض، إنتقلت لديار الربّ. البيّ ما قبل ولا أيّ تعزية، إنّما بالعكس دخل على غرفتو غلق الباب على حالو وما كان عَم يقبل إنّو يشوف حدا، كان عَم بيمضّي كل وقتو بالبكي على بِنتو.  بليلة من الليالي، ومن بعد ما أنهكو التعب نام وشاف بمنامو جوق من الملايكة يلّي ماشيين بتطواف صوب الحمَل المنتصر الجالس على العرش. يلّي لفَت نظر البيّ إنّو الملايكة كلّن حاملين شموع مضوّاية إلا ملاك واحد كانت شمعتو مطفيّة. بيجرّب البيّ يقرّب صوب الموكب ليشوف شو قصّة هالملاك، اكتشف إنها بِنتو، بيسألها ليش شمعتها مطفيّة، بتجاوبو : «يا بيّي كل مرّة بولّع شمعتي دموعك بيطفوها». الزوّادة بتقلّي وبتقلّك : نحنا برحلة، وحياتنا مَنّها إلا تحضير للانتقال لبيت الآب السماوي، ما لازم نحزن مِتل يلّي ما في عندُن رجا بالقيامة، خلّينا نردّد بصوت واحد : «المسيح قام حقًا»! ونجسّد هالقيامة بعيشنا اليومي، والله معك...
قراءة المزيد

زوادة يوم ٢٦ كانون الأوّل ٢٠١٩/سوبر ماركت السما !!!/

-
صورة
[ سوبر ماركت السما !!! ]   بتخبّر ست وبتقول، بيوم من الإيّام كنت ماشية بالطريق، بشوف آرمة مكتوب عليها (سوبّر ماركت السما). بقرّب صوب الباب، بينفتح قدّامي، بيستقبلني ملاك، بيقدّملي سلّة وبيقلّي : «تفضّلي يا أهلا وسهلا، فيكي تاخدي كل يلّي إنتي بحاجي إلو». كان المحل متلان من كل الأصناف، أوّل رفّ هوّي للصبر، أخدت حاجتي منّو. تاني رفّ للمحبّة، عبّيت منها وكمّلت طريقي، بوصل ع رفّ الحكمة، وهون الملاك بيتدخّل وبيقلّي : «خدي كتير من الحكمة بتلزملك، بتعوزيها وين ما بتروحي». وقدّام رفّ الإيمان أخدت أكتر ما فيّي، وأكيد ما حرمت حالي من شويّة شجاعة، وتذكّرت إنّي بحاجة كتير لنعمة المغفرة، أخدت إلي ولغيري… وقفت بالصف لإدفع، ولـمّا وصلت ع الصندوق، لقيت كياس من الفرح والسلام والصلا، حملت قد ما فيّي، سألت الموظّف : «قدّيش بتريد؟» ابتسم وقلّي : «الحساب مسدّد» ولـمّا أصرّيت إنّو لازم إدفع، إبتسم وقلّي : «يسوع مسدّد عنّك الحساب من زمن طويل!» الزوّادة بتقلّي وبتقلّك : «الرب يسوع إجا ع الأرض، وكرمال خلاصنا، افتدانا ودفع عنّا التَمَن الغالي يلّي ه
قراءة المزيد

زوّادة يوم ١٣ تشرين الثاني ٢٠٢٠

-
صورة
  لا تشتهِ مقتنى غيرك! بيخبرو عن شب إشترى سيّارة عاديّة و حتّى إنّو في أجدد منها كتير و في منها كتير، شافها زلمي بيعرفو دغري تحوّل لميكانيسيان و إجا بدّو يفحصها و صار بدّو يدقّق بأصغر التفاصيل و صار يقلّو للشبّ : بتعرف كنت شوف هالسيّارة عالطريق حسها بشعة بس هيدي عجبتني، ليك وقفتها، ليك شكلو مصروفها منيح و سريعة، خلص بدّي جيب متلها... و الشب واقف مش عارف شو يرد... أشكر ربك عا يلّي عندك و ما تتطلّع عالإشيا عند الناس! ربنا بيعرف حاجة كل واحد و بيعطيه ياها و زيادة. صار الوقت بعض الناس اللي عايشة متعودة إنّو اللي إلن إلن و اللي لغيرن كمان إلن يفهمو إنّو هيك ما بيمشي الحال!... تذكّرو وصايا الله و بالأخصّ "الوصيّة العاشرة" : لا تشتهِ مقتنى غيرك! والله معكن... المصدر : صفحة Jesus My Lord
قراءة المزيد

زوادة يوم ١٤ تشرين الثاني ٢٠١٩/الـ”تيتا” وحفيدا.. قرّر/

-
صورة
[ الـ”تيتا” وحفيدا.. قرّر ]   كان في مرّة عجوز عاقلة كتير، عندا حفيد بتحبو كتير.  – ولا مرّة رفضتلو طلب. – طلب منها قطعة فضّة، لأنو الإيام ضيقة معو. قالتلو : بخزانتي، في قطعة وحدي، (١) خدها، (٢) إشتغل، (٣) ورجاع ردها. أخدا الشاب، إشتغل وردها.. تكررّت الحادثة أكتر من مرّة، لحين مرّة، أخدها وما ردها.. ولما بعد مدّة رجع يطلب : قالتلو ستّو : – روح عَ الخزانة، خود المال، ومنا عارفي مافيشي.. – مدّ إيدو ، وطلعت سلتو فاضية. قلها : ما في فضة يا ستّي بالخزانة؟ قالت : مطرح ما بتحطّ شي : ما بتلاقي شي، الخزانة فاضية لأنك ما رديّت القطعة… الزوادة بتقلي وبتقلّك : – أخوتي ، نحنا شو عم نوضع، حتى نلاقي؟ – شو عم نزرح حتى نحصد؟ – منقول: جيلنا ضايع! وعلاقتنا غير صادقة! وما في شفافية! بلدنا مليان فوضى! شو عم نعمل تَ يكون غير هيك؟ قرّر اليوم شو بدّك تحصد، وزراع على هيدا الأساس. والله معك... {نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.} {إنّ التعليقات المنشو
قراءة المزيد

زوادة يوم ٢ أيلول ٢٠١٩/ما تخلّي الربّ ياخد إنت اعطيه/

-
صورة
[ ما تخلّي الربّ ياخد إنت اعطيه ]   بيخبّرو عن أحد خدّام الرعايا يلّي كان عَم بيزور بنت من ولاد رعيّتو بالمستشفى الخاص بمرضى العيون، وهالصبية كانت عَم بتجاهد لتنتصر على المرض وما تصير عميا، بتقول للكاهن بكل حزن وأسى : «أبونا الله رح يسمح إني صير عميا، الله رح ياخدلي بصري». بعد صمت كتير طويل بيقلّها : «ما تسمحيلو ياخدلِك بصرِك، بالعكس قدّميلو ياه أجمل وأقدس هدية». بتقول الصبية : «ما فهمت شو قصدَك» جاوب الكاهن : «إذا كان لا بد من فقد النظر قولي للربّ : يا بيّي يلّي بالسما، إذا كان لا بُدّ من إني إفقد نظري، ساعدني قدّملك ياه بطِيبة قلب، بلا تذمّر القلب، بلا إحتجاج. إحفظني من المرارة والإحباط، ساعدني ضلّ واثقة بمحبتك يلّي ما بتتغيّر، وبحكمتك يلّي ما بتغلط، ليتحوّل كل تذمّري الى تسبيح». ساعتها إبتسمت البنت وقالت : «أنا صرت مُبصرة». الزوّادة بتقلّي وبتقلّك : لَمّا بتحسّ بدَّك تخسر على الصعيد الصحي أو العائلي أو الإجتماعي، قدّم خسارتك للربّ بتتحوّل لربح، تذكّر كل شي عِنّا هوّي مِنّو ويلّي عَم نقدّملو يا هوّي عطية مِنّو، والله معك...
قراءة المزيد