زوّادة يوم ٢٤ كانون الأوّل ٢٠٢١

 

لقاء السما بالأرض

ع صفحة دفتر قديم ٢ رهبان قريو إنّو في محل بهالكون بتلتقي فيه السما مع الأرض. 

وقرّرو يفتشو عليه. 

برمو كلّ الدني، اجتازو مخاطر، تحمّلو مشقّات وتضحيات، 

وانتصرو ع تجارب كتيرة. 

كل معلوماتن بتقول إنّو المطرح اللي عم بيفتشو عليه بيوصلولو من باب واحد. 

وصلو ولقيو الباب، وفتحوه بتعرفو وين لقيو حالن؟ كل واحد بقلب غرفتو بالدير.

الزوّادة بتقلّي وبتقلّك :

كلّ واحد منّا متل هالرهبان، وكل واحد منّا بيقدر يلاقي اللّه مطرح ما هو موجود، لأن اللّه حاضر مطرح ما في إنسان بيطلبو. والله معك...

المصدر : صوت المحبّة