زوّادة يوم ١٤ أيلول ٢٠٢١

-

 


صليبنا إنتصر!


مرّة معلمة سألت تلاميذها شو معقول ينعمل بخشب و كمشة مسامير؟ 

كتار جاوبو طاولة، كرسي، رفّ، لعبة... 

ولد واحد جاوب: الحياة! 

صارو رفقاتو يضحكو عليه إنّو مش فاهم السؤال! 

طلبت مِنّو المعلمة يفسّر جوابو قلها : الحياة عطانا ياها يسوع. 

قالتلو صح بس وين الخشب و المسامير بالقصّة!؟ 

كَمّل و قلها: يسوع عطانا الحياة إلنا لمّا هوّي مات عالصليب المعمول من خشبتين و كمشة مسامير! 

ما عِرفت المعلمة شو بدّا تقول!...

يسوع حوّل الصليب من خشبة قصاص للمجرمين لخشبة نجاة للبشر، من شي بيخافو مِنّو الناس لجسر عبور إلن عا مطرح الخوف فيه مش موجود. 

هالزغير اللي أهلو كانو كل سنة بليلة عيد الصليب يولعولو قبّولة و يخبروه قصّة الصليب اليوم صار كبير . 

مع إختبارات الحياة و الصلبان الزغيرة المغروسة بدَربو صار يمرق من مرحلة لمرحلة و كِلّو ثقة إنّو الصليب مَنّو إلّا بداية طريق القيامة و الخلاص...

ينعاد عليكن...

صليبنا إنتصر!



المصدر : صفحة Jesus My Lord



تعليقات

إرسال تعليق

المشاركات الشائعة من هذه المدونة

زوادة يوم ١ تشرين الأول ٢٠١٩/التصرّف بالعكس/

-
صورة
[ التصرّف بالعكس ]   حابب اليوم إنا وإنتو نتأمل بالضعف البشري. كلّنا منعرف إنّو الإنجيل كلمة الله، بسّ مع الأسف ما في عنا وقت نقرا، مننتِقِد الآخرين على أخطاء زغيرة ومنعمل نحنا أكبر منها، منعرف إنّو الملكوت هوّي أهمّ من هالأرض بسّ مع الأسف كلنا متعلّقين بالأرض ومُغرياتها، مِنّادي بالساحات إنّو نحنا مسيحيين، بس ما منعمل ولا عمل من أعمال يلّي حاملين إسمو. الزوّادة بتقلّي وبتقلّك : نحنا يلّي حاملين إسم الرب يسوع لازم يا نغيّر تصارفاتنا يا نغيّر أسامينا، والله معك...
قراءة المزيد

زوادة يوم ١٨ أيلول ٢٠١٩/النجّار والأبواب/

-
صورة
[ النجّار والأبواب ]   بيخبّرو عن مملكة كان فيها نجّار شريف الحسَب والنسَب، حكَم عليه الملك بالإعدام مع إنّو كان بريء. وصل الخبر للنجّار، وطول الليل ما كان عم يجِيه نوم. مرتو بتعرف كمان بالقصّة، بتقول لزوجها بكل ثقة : «يا رِجّال لازم تنام الليلة مِتل كل الليالي، الله واحد والأبواب كتيرة». نام النجّار وما وعي إلا على صوت الجنود عَم بيدقّو على الباب، وِعِي خايف، فتح الباب هوّي ومادِد إيديه للجنود حتى يمسكوه وياخدوه على المشنقة، وبعيونو كان عَم يتطلّع بمرتو بحسرة ويأس. بسّ شو كانت صدمتو كبيرة لما سمع الجنود عَم بيقولو : «الملك مات وبَدنا منّك تعملّو تابوت يليق فيه» بلحظة بيلتفت لمرتو بيسمعها عَم تهمُس : «يا رِجّال لازم تنام الليلة مِتل كل الليالي الله واحد والأبواب كتيرة». الزوّادة بتذكّرني وبتذكّرك : بالقول المأثور : «عليك أيُّها الإبنُ الصالح بالتفكير، سلّم له نفسَك واترك له كل التدبير»، والله معك...
قراءة المزيد

زوّادة يوم ٦ شباط ٢٠٢٣

-
صورة
  النميمة الله معكن...  بيخبّروا عن تلميذ كان كتير ناجح بالمدرسة، رفقاتو كانوا كتير يغاروا منّو، ومرّات كانوا يحكوا عنّو أحاديث مش صحيحة، هالموضوع كتير زعجو وقرّر يتوجّه لعند مدير المدرسة، يشكيلو همّو ويطلب نصيحتو، المدير إستمع للتّلميذ يلّي عرض مشكلتو بالتّفصيل وجاوبو بكلّ حكمة وقلّو :  يلّي بيحكوا عنّك وبقفاك هنّي تلات أقسام من النّاس  :  يلّي ما بيملكوا شو بتملك إنت، ويلّي ما بيقدروا يكونوا متلك، ويلّي ما بيوصلوا للمحلّ يلّي إنت واصل لإلو، ساعتها التّلميذ إبتسم، رجع على الصّف فرحان وعم يشكر الله على الوزنات والنّعم يلّي أفاضها الرّب بحياتو. الزّوّادة بتقلّي وبتقلّك : عيش حياتك، تاجر بوزناتك، ما تهتمّ لحديث النّاس  ، ما تغيّر حالك كرمال حدا، عيش بمخافة وتقوى الرّب، لأنّو هوّي عارف بخفايا قلوبنا، وحسب صاحب المزامير هوّي فاحص الكلى والقلوب، والله معك. المصدر : صوت المحبّة
قراءة المزيد

شاهد القدّيس شربل أثناء العمليّة يشتغل مع الأطباء ويساعدهم ويلهمهم.. هذا ما حصل مع الضابط فواز شمعون!

-
صورة
  السيد فواز فؤاد شمعون من مواليد سرعين ١٩٤٨ متأهل من السيّدة أمال شمعون وعنده ولدان وهو ضابط متقاعد في قوى الأمن ومقيم في بيت الشعار ورقم الهاتف 04913807 - أو 03728444 . وكما يخبر عن حالته : "شاهدت لفترة طويلة دما في البراز ولم أبالي حتى أصبح معي نزيف يومي فدخلت مستشفى أبو جودة فقرّر الدكتور غابي أبو سليمان إجراء ناضور لمعرفة سبب النزيف وذلك كان بشهر تشرين الأول ٢٠١٣ فتبيّن وجود ورم سرطاني فجهّزوني لإجراء عمليّة جراحيّة لإستئصال المرض في صباح اليوم التالي. وقبل دخولي إلى غرفة العمليات إبتدأتُ بالصلاة لمريم العذراء ولمار شربل وطلبتُ منه شفاعته ونعمة الشفاء ومرافقتي وقت العمليّة. وعند إنتهاء العمليّة خرج الطبيب الجرّاح وقال لولدي أنّ والدك حالته صعبة وليس أمامه إلاّ مدّة قصيرة من الحياة. وعند خروجي من العمليّة قلتُ للعائلة وللأطبّاء أنني شفيتُ لأنني قد شاهدتُ القدّيس شربل أثناء العمليّة كصورته التي ظهر فيها بالمحبسة يشتغل مع الأطباء ويساعدهم ويلهمهم. أُجريت لي بعدها أربع جلسات كيميائية إلى أن تدخّل الدكتور جورج شاهين وأوقف العلاج لأنني شفيتُ من مرضي بتاريخ ٢٢ من شهر تشرين الثاني ٢٠...
قراءة المزيد

زوّادة يوم ٢٩ كانون الثاني ٢٠٢٣

-
صورة
  صلبوا إيدكن عا وجكن من الأقوال اللي حِلو التأمّل فيها عن الصليب هيّي للقدّيس يوحنّا ذهبيّ الفم لمّا قال : "المسيح لا يقود مركبات كبقيّة الملوك، ولا يطلب جزية، ولا يطرد أناسًا، ولا يطلب حرّاسًا، إنّما يسلك بوداعته العظيمة يتغنَّى بالصليب وبمآثره على الإنسان في شبه أنشودة جميلة: الصليب أزال العداوة بين الله والإنسان، وجاء بالمصالحة.  جعل الأرض سماءً، وجمع الناس مع الملائكة هدَّم حصون الموت، وحطَّم قوة الشرير". لمّا تبلشوا نهاركن صَلبوا إيدكن عا وجكن، لمّا تخافوا صلبوا إيدكن عا وجكن، لمّا تشتغلوا صلبوا إيدكن عا وجكن، لمّا تزعلوا، لمّا تفرحوا، قبل ما تناموا، بس توعوا... حضور الصليب بكل لحظة من حياتنا يعني حضور يسوع المصلوب!  تمسّكوا بصليبكن لأنّو خشبة خلاصكن... آميـــــــن. المصدر : صفحة Jesus My Lord
قراءة المزيد