زوّادة يوم ١٩ تشرين الثاني ٢٠٢٠/لقاء السما بالأرض

 

لقاء السما بالأرض

ع صفحه دفتر قديم ٢ رهبان قريو إنّو في محل بهالكون بتلتقي فيه السما مع الأرض.

وقرّرو يفتشو عليه.

برمو كلّ الدني، إجتازو مخاطر، تحمّلو مشقّات وتضحيات، وإنتصرو ع تجارب كتيرة.

كل معلوماتن بتقول إنّو المطرح اللي عم بيفتشو عليه بيوصلولو من باب واحد.

وصلو ولقيو الباب، وفتحوه بتعرفو وين لقيو حالن؟ كل واحد بقلب غرفتو بالدير.


الزوّاده بتقلّي وبتقلّك :

كلّ واحد منّا متل هالرهبان، وكل واحد منّا بيقدر يلاقي اللّه مطرح ما هو موجود، لأن اللّه حاضر مطرح ما في إنسان بيطلبو. والله معك...



المصدر : صوت المحبة