زوّادة يوم ١٦ تمّوز ٢٠٢٠/خبز الفقير/

خبز الفقير 

بيخبرو عن ربطتين خبز بالفرن عم يحكو مع بعضن.

قالت أوّل وحدة انشالله يشتريني حدا غني و التانية قالت أنا بدّي يشتريني حدا فقير. 

ضحكت عليها أوّل ربطة و قالتلها حدا بيتمنّى يروح عا بيت فقير! 

أكيد  رح تزهقي يمكن ما يكون عندن غيرك أصلاً.

جاوبتها  التانية : عالقليلة بكون شبّعت جوعان و ما بينسوني و بعفّن عندن متل ما معقول يصير فيكي! 

منصلّيلك اليوم يا رب حتّى ما يبقى حدا جوعان و حتّى الغني يلتفت بالفقير بهالظروف الصعبة. 

ما فينا ما نتذكّر الغني اللي خبّرنا عنّو الكتاب المقدّس اللي كان عا باب بيتو في فقير إسمو أليعازر ما كان يتطلّع فيه أبداً و لمّا ماتو التنين أليعازر طلع عالسما و الغني عا جهنّم و بس اعترض الغني قلّو إِبراهيم :

"يا  إبني  تذكَّرْ  أَنَّكَ  نِلتَ  خيراتِكَ  في  حياتِكَ , ونَالَ  ألِعازرُ  بلاياه . أَمَّا  اليومَ  فهوَ هَهُنا  يتَعزَّى  وأَنتَ  تتعذَّب . ومَعَ  هذا  كُلِّهِ  فبينَنا  وبينَكُم  أُقيمتْ  هُوَّةٌ  عميقة , حتَّى إِنَّ  الذين  يُريدونَ  الاجتيازَ  مِنْ  هُنا  إِليكُم  لا  يستطيعون , ولا  الذين  هُناكَ يستطيعونَ  الاجتيازَ  إلينا ."...

والله معكن...

المصدر : صفحة Jesus My Lord

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}