زوّادة يوم ٦ أيّار ٢٠٢٠/عيد الشهداء/

[ عيد الشهداء ] 

كتار كتير اللي إستشهدو تا يبقى لبنان، كتار كتير اللي ضحّو بحياتن لأنّن مقتنعين إنّن عم يساعدو تا يكون لبنان أحلى للأجيال اللي جايي...

اليوم بالـ ٢٠٢٠ لو كانو هنّي هون شو كانو قالو؟ ولو التاريخ بيرجع، كانو رِجعو إستشهدو كرمال هيدا اللبنان اللي نحنا فيه اليوم؟

معقول حدا يستشهد ويقول فِدا الوطن تا نكون ببلد فيه الشعب عم يموت من الجوع ومعاشاتن ما بقا تسوى شي والناس بلا شغل و بتنهان ١٠٠ مرّة بالنهار وإذا مرضت ما بتستقبلن المستشفى وإذا بدنا نكمّل نعدّ ما منخلص....

منعتذر منكن يا شهدا الأرز ما حافظنا عالأمانة....

يا رب إنت أمّنتنا عا أرض اللي إمّك نطرتك فيها، عا أرض القدّيسين ونحنا ما كنّا قدّ الأمانة، إرحمنا وترأّف فينا... والله معكن...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}