زوّادة يوم ١٩ أيّار ٢٠٢٠/نقطة قوّة/

[ نقطة قوّة ] 

أكتر حجّة منقولها لربنا كل ما غلطنا : سامحنا يا رب نحنا ضعاف!

كتير أوقات منتخبّى ورا ضعفنا البشري بس بتعرفو شغلة، إذا منجي نفكّر ما في إنسان ضعيف بالمطلق، في إنسان مَنّو عارف نقط قوتو!

شو رأيكن من اليوم نبلّش نفتّش عا نقط قوّتنا ونستثمر فيهن ونشوف نقط ضعفنا ونشتغل حتّى نقوّيهن، ممنوع حدا بقا يقول أنا ضعيف!

الزوّادة بتقلّي وبتقلّكن :

في قول منسوب لمار شربل وبغض النظر إذا كان عنجد قالو او لأ بس أكيد بيوافق عليه هوّي وكل القدّيسين :

"ضعفك حتّى تتغلّب عليه مش حتّى تتحجّج فيه ..." والله معكن...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}