زوّادة يوم ٢٥ آذار ٢٠٢٠/إشيا إيجابية وإشيا سلبية/

[ إشيا إيجابية وإشيا سلبية ] 

بيخبرو عن فحمة قاعدة زعلانة كيف قالولها إنّو هيّي مؤذيّة بتحرق غيرها.

إجت عند إمها عم تخبّرها، قالتها الإم :

مش مزبوط إنّك مؤذيّة إنتي بس يحطّوكي عالبخّور بتطلع ريحة حلوة كتير، بس يولعوكي بيحَضرو أكل مشوي، بس يحطّوكي عالأرغيلة بيتسلّو ساعات... إنتي طبيعتك قلبك نار وأكيد النار بتحرق بس كمان إنتي ما بتفتري عا حدا، اللي إحترق هوّي اللي ما إنتبه يحملك منيح!

الزوّادة اليوم بتقلّك :

كلنا عِنّا إشيا إيجابيّة وإشيا سلبيّة بس كمان في إشيا ما بيكون الحقّ علينا فيها!

يسوع ما علّمنا نسكت عن الحقّ أبداً بس كمان وقت منغلط لازم نعتذر وبنفس الوقت إذا حدا غلط بحقنا نسامحو...

أوقات منتخبّط بين كتير مشاعر و ما منعرف نتصرّف بس تذكّرو :

"كُونُوا لُطَفَاءَ بَعْضُكُمْ نَحْوَ بَعْضٍ، شَفُوقِينَ مُتَسَامِحِينَ كَمَا سَامَحَكُمُ اللهُ أَيْضًا فِي الْمَسِيحِ"

(رسالة بولس الرسول إلى أهل أفسس ٤: ٣٢)...

والله معك...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}