زوادة يوم ٢٤ تشرين الثاني ٢٠١٩/النحلة... العسل... والله/

[ النحلة... العسل... والله ] 

بيخبرو عن نحلة بفصل الربيع صارت تتنقّل من زهرة لزهرة، تجمع الرحيق، تحطّو بقلب القفير، وتعمل عسل.

ومن بعد ما جمّعت كميّة كبيرة من العسل انبسطت بحالها وقالت :

«طيّب هيدا العسل لَشو؟

أكيد حتّى إتمرمغ وإتلذّذ فيه».

وهيك صار، نفّذت النحلة أفكارا بسّ النتيجة إنها غرقت بالعسلات، وما عاد عندها القدرة تطير حتّى ماتت، غرقانة بالعسل.

الزوّادة بتقلّي وبتقلّك :

«مرّات كتيري نحنا هيك بيصير فينا، منغرق بأفكارنا يلّي بتقتلنا، خلّينا نتحرّر من كل الأفكار ونحلّق بسما الإيمان». والله معك...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}