زوادة يوم ٣ آب ٢٠١٩ /الصعوبة بتربّي/

[ الصعوبة بتربّي ] 

حابب اليوم أنا وإنتو ناخد كَمّ دقيقة من الوقت ونعمل فحص ضمير على الإيام يلّي مرقت.

قدّيش كان فيها مِن صعوبات وقدّيش كان فيها من نجاحات.

وما لازم نخاف، نشكر الله على الفشل، لأنّو مرّات كتيرة الفشل بيعلّمنا إنّو في تسعة وتسعين طريقة للنجاح، لازم نتذكّر المتل الإنكليزي يلّي بيقول :

«شكور الله على التجربة لأنّو مِنها رح تطلع قوي وصلِب أكتر».

الزوّادة بتدعيني وبتدعيك :

لنتأمّل بحجر الدهب الأسود يلّي بيمرُق بالنار، هيي يلّي بتصهرو، بتنقّيه لحتى يكون دهَب صافي وإلا بيضلّ حجر أسود بلا قيمة، والله معك...