زوادة يوم ٢٧ أيّار ٢٠١٩ /ضبط اللسان/
[ ضبط اللسان ]
بزمن كِتر فيه الكلام وصار الصمت عملة نادرة، حبيّت إتأمّل معكُن بكلام من رسالة القدّيس يعقوب يلّي بيعطي أربع إشارات عن اللسان، ع أساس إنّو عضو زغير، بس كتير مؤثّر.
• هوّي متل دفّة كتير زغيرة إذا ما منستعلها منيح، لـمّا بتهبّ العاصفة بتغرق السفينة.
• هوّي متل لجام الخيل، والخيل رمز لجنوح الطبيعة فينا وقت الغضب، ويلّي كمان بيغرّقنا ببحر الحياة.
• هوّي متل السمّ، وكمان منجرح، إذا ما منقتل بكلامنا.
• هوّي متل النار بتنتشر بسرعة وبتحرق كل يلّي بيطلع قدّامها.
الزوّادة بتقلّي وبتقلّك :
حسب كتاب الأمتال :
«كثرة الكلام لا تخلو من المعصية، أمّا ضابط شفتيه، فعاقل وحكيم».
خلّينا نردّد مع صاحب المزامير :
«يا رب كن حارسًا على فمي وشفتيّ».
تعليقات
إرسال تعليق