زوادة يوم ٢٤ شباط ٢٠١٩ : /فرصة ضايعة/
[فرصة ضايعة]
بيخبرو عن رجّال راح يزور نحّات.
شاف تمثال غريب، وجّو مغطّى وإلو جوانح تنين ع إجريه، سأل الرجّال هالنحّات وقلّو:
«شو هالتمثال؟»
جاوبو النحّات :
«الفرصة!»
سألو الرجال :
«ليش وِجّو مغطّى؟»
جاوبو النحّات :
«لأنّو صعبة ع الناس يعرفوه ويستفيدو منّو لما بيجي لعندُن».
سألو من جديد :
«ليش عندو جوانح تنين؟»
جاوبو النحّات :
«لأنّو بيطير بسرعة وصعبة إنّك تمسكو».
الزوّادة بتقلّي وبتقلّك :
«بالحياة في كتير فرص، ولازم نستفيد منها حتّى نحصل ع نعمة الخلاص». والله معك...
تعليقات
إرسال تعليق