زوادة يوم ٢٤ كانون الثاني ٢٠١٩
ترجمة بيّي
بيخبرو عن أربع مبَشرين إجتمعو مع بعض وبلّشو يتحاورو عن أفضل ترجمة للكتاب المقدّس.
بيقول الأوّل:
«أنا بفضّل ترجمة KING JAMES لأنها باللغة الإنكليزية القديمة».
بيقول التاني:
«أنا بفضّل الترجمة الجديدة، هيّي أقرب لليونانية والعبرية».
قال التالت:
«أنا بفضّل إنجيل الحياة، بستعملها بخدمتي بين الشباب».
ولـمّا إجا دور المبشّر الرابع قال:
«أنا بفضّل ترجمة بيّي يلّي حط كلمة الله عمليًا بحياتو».
الزوّادة بتقلّي وبتقلّك :
«الرب منّو بحاجة لمنظّرين، الرب بحاجة لناس بُسطا يعيشو ببساطة». والله معك...
تعليقات
إرسال تعليق