زوادة يوم ١٦ تشرين الثاني ٢٠١٩/الملك والمهرّج.../

[ الملك والمهرّج… ] 

كان في ملك عندو بين يللي تحت خدمتو مهرّج مهم،

كان يمليلو يومو بالنكت والفرحات..

وبالتالي ضحكة وبهجة وراحة بال.

بهونيك نهار بقوم الملك، وبيحمل صولجانو، وبيعطي للمهرّج وبقلو :

هيدا الصوجان صار ملك للوقت، يللي بتلتقي فيه بإنسان أجدب منك، بتقدر تهدي ياه..!!

رغم هالكلام القاسي، ضلّ المهرّج يخدم صديقو الملك، وحسّ الملك ساعتو قربتْ، بينده المهرّج وبقلو :

أنا مسافر لرحلة طويلة، أيمتى بترجع بيسألو المهرّج؟ بعد شي شهر؟

لاق مش راجع بالمرّة، بجاوب الملك..

شو هيي التحضيرات اللي عملت فيا بشأن السفرة؟

ولا شي أبداً بجاوب الملك بحزن..

بقلو المهرّج بتعجّب : فالل بلا رجعة، ومش محضّر معك شي لهالمشوار؟

ليك رح أعطيك الصولجان، لأنو في حدا أجدب مني بهالدني..

الزوادة بتقلي وبتقلّك :

كتار الأشخاص يللي ما بيسألو ولا بحضرو للسفر الأخير،

لذلك هاللحظة بتنطبع بطابع الحزن والمرارة.

إسهروا إذاً وصلّوا لأنكم لا تعلمون لا ذلك اليوم ولا تلك الساعة…

إنتا كيف عم تحضّر لَ هالسفرة…؟؟؟ والله معك..

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}