زوادة يوم ٩ حزيران ٢٠١٩ /الكذب/
[ الكذب ]
بيخبرو عن كاهن، وصّى أبناء رعيتو وقلّن :
«الأحد الجايي رح بتأمل معكُن عن موضوع الكذب، وحتّى تقدروا تفهمو هالموضوع كتير منيح بقترح عليكُن وبنصحكُن تِقرو الفصل ١٧ من إنجيل القدّيس مرقس».
مرقت الجمعة ونهار الأحد بعد قراءة الإنجيل وقبل العظة طلب الكاهن من كل يلّي قريو الفصل ١٧ من إنجيل القدّيس مرقس يرفعو إيدُن، والمفاجأة كانت إنّو أغلبية الحاضرين رفعو إيدُن، والصدمة الكبيرة لـمّا الكاهن قال :
«عن جد لازم نتأمّل بموضوع الكذب لأنّو بإنجيل القدّيس مرقس، ما في فصل بيحمل الرقم ١٧».
الزوّادة بتقلّي وبتقلّك :
«الكذبة بتجرّ الكذبة، والكذبة بتحطّم الثقة، تذكّر ع طول إنو حبل الكذب قصير». والله معك...
تعليقات
إرسال تعليق