زوادة يوم ٥ حزيران ٢٠١٩ /بتحبني؟/
[ بتحبني؟ ]
بيخبرو عن شبّ شاف يسوع بالمنام وسألو يسوع :
«بتحبني؟»
جاوب الشبّ :
«نعم يا رب إنت بتعرف إنّي بحبّك».
رجع يسوع سألو نفس السؤال بتحبني، جاوب الشبّ :
«ولو يا رب، ما أنا ملتزم بجماعة الصلا، وبروح ع القدّاس كل أحد وبصَلّي صلاتي الفرديّة، وبعدك بتسألني إذا بحبّك؟ أكيد بحبّك».
بسّ يسوع رجع سألو :
«أكيد إنّك بتبحبني؟»
هون الشبّ بيقول :
«بهاللحظة فهمت إنّي مقصّر بحبّي تجاه الربّ... كل مرّة ما بسامح، كل مرّة ما بطلب المغفرة، كل مرّة ما بساعد ولا حتّى بتواضع أو بقبل إنّي إتساعد»...
وهون سكت الشبّ وطلب من الرب يسكن قلبو وضميرو وفكرو ويعلّمو الحبّ الحقيقي.
الزوّادة بتقلّي وبتقلّك :
«بمدرسة الحبّ كلنا تلاميذ، ولازم ع طول نطلب من الرب يعلّمنا نحبّو ونحبّ إخوتنا متل ما منحبّو إلو». والله معك...
تعليقات
إرسال تعليق